終極的白點及菌的抗體製造法完成啦。

» 鬧市冰室 » Medical Care◇藥物及魚病版 ◇ 顯示適合列印的版本寄給朋友

作者

終極的白點及菌的抗體製造法完成啦。

幻之無極兇眼男

東之深淵者

文章: 7221
來自: 屎坑

1 于 2003-08-07 17:42

有日食分蹄飯，有一少杯的醋加蒜頭來浸分蹄，浸完食了後，發現成個鐘個口都有陣蒜味，跟住又唸到落蒜新方法。但個珊瑚缸，次次落蒜頭對珊瑚也沒好事，所以在個只有九公升水的QT到試。個QT已開了兩、三個月，有大最石及環，用波子魚開缸，no2及no3都低得很。

最初買了一條藍圈，見佢未食野，又怕白點殺了它，所以將蒜頭磨碎然後丟進水中，條魚無食到，但蒜頭量超多，多得在水面也聞到濃烈的蒜頭味。
頭兩日唸住找條波子魚教教藍圈食紅蟲，點知比藍圈打死左。唯有等佢肚餓自己食。
條魚第三日開始食紅蟲。我每日也落一大堆蒜頭落水。第四日開始生白點，見魚身有白點的周圍有水印，有點心驚，但今次死都唔落藥！好左第二日無哂白點，水印無哂。
之後每日都出白點，但十個鐘左右後白點會不見。過多幾日，第8日左右，買多兩條小丑試下這個方法，但條衰藍圈居然去打小丑，見條藍圈那日只出得三數點白點，唯有丟佢落珊瑚缸自生自滅，一放珊瑚缸，即比黑吊打。好左第二日唔再打。
放了在珊瑚缸，很怕它生白點，因為之前試過直接放條藍圈落珊瑚缸會出白點死。但這條浸過蒜頭的藍圈無事，在第10天左右完全無白點出，但不知是否藍圈帶了新的白點落珊瑚缸，原本有白點抗體的藍吊居多生了三粒白點，但也是第二天好翻。

今日藍圈過了十三日，無白點出，食得，痾得，玩得，訓得，很好。見這條唔錯，又可以造到白點抗體，所以昨日又買多條。
講翻小丑魚，兩條一點白點都未生過，可能受了蒜頭的保護吧，細的那條兩日開口，大的四日開口。唔知無生過白點放珊瑚缸有無事呢？過多幾日就知了。
新買的藍圈今日開始會食紅蟲，比第一條快開口，可能有小丑教佢食吧。

可能一路以來話要殺哂d白點係錯的，因為一有白點入缸就很可能成缸香哂，又或者會有怪病而陷缸慘。我估幫佢地造抗體可能仲好，起碼放d白點落缸，d魚都無事。以前看過電視話一種害蟲少了，第二種害蟲會多起來，又或者少了害蟲，細菌的侵害會勁左，又或者身體的免疫系統會出錯，自己細胞打自己細胞。會不會因為缸中無白點，所以其他病痛多左？有人說仙魚在珊瑚缸很少出頭洞，而魚缸就多d，會不會也是因為珊瑚缸長期有白點存在？真係要試過先知，不過要養翻一年半載先知個長遠效果係點。

我個QT的相，用電的器材只有氣泵，另外有大量環，大量石，仲有舊太陽花比仙仔咬下︰

氣石用膠片蓋住，唔怕水彈出來︰

幻之終極真姚俊修改于 2004-09-03 13:38

人生，尚算不錯。

幻之無極兇眼男

東之深淵者

文章: 7221
來自: 屎坑

2 于 2003-08-07 17:45

附加一點，我個缸無水冷，開燈前後溫差大，放乜魚落去都一定生白點的。以前就死了不少魚，今次有望新魚養得長命。

幻之終極真姚俊修改于 2003-08-07 17:52

人生，尚算不錯。

PP-HK

老人與狗

文章: 5679
來自: blue夭搵喎沖那里奶

3 于 2003-08-07 22:23

你好似冇提到何謂落蒜新方法喎。

歡迎光臨

幻之無極兇眼男

東之深淵者

文章: 7221
來自: 屎坑

4 于 2003-08-07 22:35

PP-HK wrote:
你好似冇提到何謂落蒜新方法喎。

咪係丟超大量蒜頭碎落水(平時是加在食物中)，直至水面可以聞到濃烈的蒜頭味。
忘了說不是加在食物裏面。

人生，尚算不錯。

幻之無極兇眼男

東之深淵者

文章: 7221
來自: 屎坑

5 于 2003-08-07 22:38

這個方法的好處是當魚很耐才開口，也能讓牠吸收到蒜頭汁，從而能有白點抗體。

人生，尚算不錯。

康仔

養仙魚，養仙魚

文章: 3576
來自: 港島東區

6 于 2003-08-08 14:41

俊兄

掉咗入水的蒜頭幾耐拿番出黎

我的爛相簿

幻之無極兇眼男

東之深淵者

文章: 7221
來自: 屎坑

7 于 2003-08-08 14:54

康仔 wrote:
俊兄

掉咗入水的蒜頭幾耐拿番出黎

唔拿。
我個QT試了十幾日，日日加一大堆蒜頭，到今日都無換過水。現時有三條魚在QT內生存，水質也沒有問題，只係蒜頭味重得很。

人生，尚算不錯。

文章: 2537

8 于 2003-08-09 11:05

觀察所得，魚對於白點應無抵抗力，
起過白點的魚可以重複感染。

幻之無極兇眼男

東之深淵者

文章: 7221
來自: 屎坑

9 于 2003-08-09 22:11

LC wrote:
觀察所得，魚對於白點應無抵抗力，
起過白點的魚可以重複感染。

似乎是在水質好(個人認為水質好是指缸中的no2及no3低)的缸之中先可以造到抗體，我估那種抗體不會百分百令魚唔再生白點，只可以令魚有白點都唔會死。我估就像感冒菌那樣，感冒多，每次也能好快好翻，但如果一次感冒都未出過，一有感冒就有可能會死一樣。
暫時發現水中的no2及no3低，魚就可以有抗體，如果no3高，白點會不斷生，斷唔到尾。

今日放埋兩條小丑落珊瑚缸，舊的藍圈仍未有事。新的藍圈仔已出完幾輪白點，現只有數點在身，但仍未開口。

人生，尚算不錯。

幻之無極兇眼男

東之深淵者

文章: 7221
來自: 屎坑

10 于 2003-08-10 00:23

其實很多人珊瑚及魚一起養都無事，但我個缸溫差大，白點生得很勁，才需要用這個方法來令新魚有抗體，若我也有位放水冷，就不用這麼煩了。不過，若然成功，咪更有借口唔駛買水冷

我又唸，如果無QT，用這個方法咪要成大粒蒜頭磨碎丟進水？到時成屋都蒜頭臭味，實比媽鬧死。

人生，尚算不錯。

deechand

蘭花及食蟲植物之友請

文章: 1943

11 于 2003-08-10 11:10

我對你個QT好有興趣,可否用圖列明個QT的簡格,用什麼石頭,氣喉怎入,水位要幾高.

幻之無極兇眼男

東之深淵者

文章: 7221
來自: 屎坑

12 于 2003-08-10 13:45

用手劃，希望你會明啦。

環︰
用了兩包環，份量足夠百幾lite水用。我是用一個魚仔兜來裝住所有生物環，個魚仔兜的下方是有很多坑的。因為有粒氣石放在生物環底部，所以生物環有充足的氧氣供應，而水流就是由魚仔兜下方的坑向上流。水流是由氣石所帶動的。為了讓水能由下而上，在圖一的注意a，你會見到魚仔兜不是貼實QT的。而魚仔兜離水面有少少距離，足夠讓水由上流走。

石︰
主要是死了的珊瑚石，但那是由珊瑚缸取出來的，因為珊瑚缸有no3去除器，連帶所有大粒的石頭也能去除no3，所以不是普通的石來的。石放在一旁，讓魚可以睡進去，而其中一塊比較大的石是用來固定另一粒氣石的，防止它走位。

水位︰
高過個魚仔兜2cm左右。

水流︰
除了魚仔兜裏面的水流外，出面的水流靠另一粒氣石。水流是由氣石開始向上的，到水面就會所橫，但因為一旁有石阻住，所以水流會以圖一的方向流。

用電的器材︰
有兩個出氣口的氣泵。

圖一︰

圖二︰

如果這樣也能看明白，no3去除器也這樣畫好了。

幻之終極真姚俊修改于 2003-08-10 13:48

人生，尚算不錯。

deechand

蘭花及食蟲植物之友請

文章: 1943

13 于 2003-08-10 14:42

Thanks.俊兄!
我看得明,但忘了問膠箱Size?Size有無限制?因為不能只放大就可用於比較大的膠箱.
我但看死了的珊瑚石是處理過的就知唔簡單,若無處理過的珊瑚石會否成問題?

幻之無極兇眼男

東之深淵者

文章: 7221
來自: 屎坑

14 于 2003-08-10 16:23

deechand wrote:
Thanks.俊兄!
我看得明,但忘了問膠箱Size?Size有無限制?因為不能只放大就可用於比較大的膠箱.
我但看死了的珊瑚石是處理過的就知唔簡單,若無處理過的珊瑚石會否成問題?

個size是︰23x35x16 cm，水只裝了九公升左右。我試過九公升水，養一條藍圈，兩條小丑，一條中波子，兩隻寄居蟹，餵食過量也不怕令no2及no3升高，但再細點就唔知得唔得。我覺得重點係石及環多，多才可以去到no2及no3。
無處理過的珊瑚石，會無去no3的能力，去唔到no3，好似落蒜頭都無用，可以考慮整個no3去除器來去no3。
順帶一提，用換水方法來令QT的no3低係無用的。因為魚也會生白點死。

人生，尚算不錯。

deechand

蘭花及食蟲植物之友請

文章: 1943

15 于 2003-08-10 16:53

用換水方法來令QT的no3低係無用的,因為我都試過,D魚仲衰好幾成.
如果用"舊"珊瑚石或生物放係密封盒內"牛"佢幾個月,之後洗淨後拿去養菌,唔知除唔除到NO3?

» 鬧市冰室 » Medical Care◇藥物及魚病版 ◇ 顯示適合列印的版本寄給朋友

看過的文章

新的文章

被刪除的文章

跳轉到

我地有在新的聊天室
即時聊天廣播.

[Processing Time] User:0.42, System:0.08, Children of user:0, Children of system:0

請大家技持更換新主機啦, 多謝!