新實驗，target是小丑魚。

» 鬧市冰室 » Marine Fish◇海水魚飼養討論◇ 顯示適合列印的版本寄給朋友

作者

新實驗，target是小丑魚。

POL159

文章: 266

31 于 2003-04-05 00:58

姚俊兄,你依家仲有冇化咸呀？我新嚟架叫Navy,我啱啱学識用手寫板幾日,但我睇咗呢個網好耐,見你喜歡張啲淡水生物化咸,所以想講啲有趣嘅事你知,不過唔係化咸而係化淡,黃花魚喺人都知係咸水生活嘅食用魚,但你知唔知道香港竟然有淡水黃花魚,話說政府早年興建船灣淡水湖時,將海灣用堤壩圍起,便形成一個咸水湖,及後將咸水放出大海,同時又將東江水輸入湖裡,日子一耐,湖水便成咸度慢慢降低,而湖裡嘅生物包括魚類,都開始被新環境淘汰,大部份魚種難以生存,但總有例外,就係黃花魚,記得十幾年前新聞報紙都有提起,依家都間唔中都釣到,不過外形一定同咸水黃花魚會有啲出入,只要你見過咸水黃花魚又更啱釣到嘅話,你就一定認得出

幻之無極兇眼男

東之深淵者

文章: 7221
來自: 屎坑

32 于 2003-04-05 03:09

當然仲有化咸，最新的是紅劍及紅滿，但這兩種魚唔係咁化得咸，估計要半年先可以完全化咸到。
點解唔用你個名個login id？
呢個新聞真係未聽過，不過以前看電視，看過話外國有些地方，個海因自然的力量而變成淡水湖，跟住好多魚都化淡了。

人生，尚算不錯。

POL159

文章: 266

33 于 2003-04-05 13:21

姚俊兄原來大家都係夜鬼嚟,真係高興不過養蚌,喺唔喺有鹵素同埋藍灯就可以,因蚌體內有共生藻,唔需要比任何食物,就可以生存？其實我想用原名Navy作稱呼,只可惜有其他網友用咗,所以用住POL159先囉。

幻之無極兇眼男

東之深淵者

文章: 7221
來自: 屎坑

34 于 2003-04-05 16:18

POL159 wrote:
姚俊兄原來大家都係夜鬼嚟,真係高興不過養蚌,喺唔喺有鹵素同埋藍灯就可以,因蚌體內有共生藻,唔需要比任何食物,就可以生存？其實我想用原名Navy作稱呼,只可惜有其他網友用咗,所以用住POL159先囉。

應該係唔需要比任何食物，就可以生存，因為我隻成一年幾都無餵過。

人生，尚算不錯。

幻之無極兇眼男

東之深淵者

文章: 7221
來自: 屎坑

35 于 2003-04-16 01:24

今日買了兩條小丑，今次加多一隻藥來做實驗。
以下係updated了的實驗內容︰

有見新買的小丑魚成日因不同的原因而死，現想出一個實驗試下可否令到10元的小丑魚可以生存到。

新買的小丑魚通常有兩個死因︰

1. 買回來後好快就不明的病死或餓死，估計係中毒或有怪病。
2. 開了口後，在頭一兩個星期白點死，估計係未有白點抗體。
3. 開了口後，在頭一兩個星期成身出白皮而死，估計係抗菌能力不足。

實驗方法︰
先買十元的小丑魚，買回來後，放在落了中劑量的triple sulfa (一種抗生素)及azoo治體內外細菌藥的缸仔中(雞尾酒療法)，水的溫度set在25度，有一堆生物環(已有硝化菌)作過濾。連續浸佢四日，然後四日唔落藥，之後四日又再浸藥，做四個循環後。之後試下唔落藥來養，看看會唔會胃口變差，若一個星期無胃口變差，無病的話，應該可以放落大缸到養。

*因為無去除no3的設備，會每日換水，水來自大缸。
*為了引條魚開口，會放些孔雀魚仔在同一個缸中，當條小丑見其他魚食糧，佢就會易d開口，這是參考其他人的引魚開口方法。
*今次唔落TDC，因為出白點係濕碎過其他兩種死因，同埋唔想好似上次咁，令白點產生抗體。

人生，尚算不錯。

p-man