開缸五個月,水又黃又濁

» 鬧市冰室 » Marine Fish◇海水魚飼養討論◇ 顯示適合列印的版本寄給朋友

作者

開缸五個月,水又黃又濁

football

文章: 1392
來自: 辦法就是這麼簡單

31 于 2008-01-12 09:03

paullo wrote:
跳吾倒,出....
旦旦媽系咪青楚好多呢,種有静化作用

D相好正喎!

a217sft

文章: 58

32 于 2008-01-12 09:13

同意 x2

一月十二日, 新的一天, 天晴。

paullo

文章: 1562

33 于 2008-01-12 09:32

吾該 C兄,

旦旦媽
SORRY !!!

七仔

好玩唔玩玩養魚！！！

文章: 3984
來自: 2716

34 于 2008-01-12 09:36

既同心良苦...........我開聲先，好應收聲先

paullo

文章: 1562

35 于 2008-01-12 11:21

七仔 wrote:
既同心良苦...........我開聲先，好應收聲先

七兄言重,只是小弟多言,謝過!

旦旦媽

文章: 9

36 于 2008-01-12 17:57

paullo wrote:

旦旦媽 wrote:

lammark wrote:

旦旦媽 wrote:

lammark wrote:
掉條暖管同氣喉入水桶打氣打返個鐘頭先用。

大換水，再加多d生物環，同水比例係十比一至夠。

請問去邊度買氣喉同生物環呢?大換水個比例又應該點呢?

去魚店就實有，氣泵連氣喉氣石，生物環。

你換三分二水。

換咁多?? d魚魚會唔會死架?同埋請問d生物環係放係邊度架?放入水定係放入過濾格入面呢?

C苦,有冇相睇呀,米等 D C兄古古下喇!
一張相,青楚文字十萬倍.

師兄,當然有相睇啦,你望望啦

旦旦媽

文章: 9

37 于 2008-01-12 18:03

paullo wrote:

paullo wrote:

旦旦媽 wrote:

lammark wrote:

旦旦媽 wrote:

lammark wrote:
掉條暖管同氣喉入水桶打氣打返個鐘頭先用。

大換水，再加多d生物環，同水比例係十比一至夠。

請問去邊度買氣喉同生物環呢?大換水個比例又應該點呢?

去魚店就實有，氣泵連氣喉氣石，生物環。

你換三分二水。

換咁多?? d魚魚會唔會死架?同埋請問d生物環係放係邊度架?放入水定係放入過濾格入面呢?

C苦,有冇相睇呀,米等 D C兄古古下喇!
一張相,青楚文字十萬倍.

加養魚習慣,就 very good喇

師兄,呢張係第二張,但張相影完出黎好似比較清,事實水質係比較黃架

旦旦媽

文章: 9

38 于 2008-01-12 18:05

paullo wrote:
吾該 C兄,

旦旦媽
SORRY !!!

唔駛sorry喎

小農DNA

文章: 61

39 于 2008-01-13 01:55

加環加消化菌, 倒幾支蜂王漿落去啦.

lammark

馬克

文章: 2670
來自: 悲情城市

40 于 2008-01-13 05:03

七仔 wrote:

lammark wrote:

七仔 wrote:

lammark wrote:

七仔 wrote:

lammark wrote:

七仔 wrote:

lammark wrote:
鹽要用桶開左打氣先用得。

係咪咁肯定架？係好，不過對我呢類每星期換300L水嘅FOT友黎講，可行嗎？我一直只係抽水...落水...車鹽，主缸做晒，幾年都仲未出事，要還神囉
時間啱啱好，俾我問埋啦咁我個海鮮缸係咪要用150L環呢？沙缸唔放skimmer都放唔哂播，而加先係用緊80L乍，好驚呀，點算好呀？

睇用乜環，幾多魚啦，用貴野就唔使咁多都得，ph一包可以頂幾包都得添，唔信可以將80L換晒試下cheap環照養滿魚又睇下會點。
換水倒鹽落主缸，就睇你養乜魚，粗生粗養就無乜所謂，敏感魚咁搞好快玩完。唔信又買條賊仔之類試下，出事唔好打面。

多謝解答，希望樓主都收到啦，咪時佢走去用ph 1:10 就掉錢落海囉。
你用賊仔做比諭我無野好講啦，我未轉完水就爆身死嘅都有幾條，可唔可以講d大路d又敏感嘅魚種做例呢？同埋好快玩完即係大約幾耐呢？麻煩晒喇。

嘻嘻…養得海魚就肯定倒錢落海咖喇，大家都倒唔少。
環多都唔會side既，fot個個都超養，環多水質過到骨，個個都會再加d新魚入去，加到爆燈為止，驚唔夠好過，新人就更唔使講，睇下幾時換大缸添。環就算轉缸都用得翻，永不浪費。

海魚響海閒閒地都十年八年命，但係比人養就通常頂籠得幾年貨仔，好大程度同水質唔穩定有關，因為缸水點比都無得同海水比，死亡通常係慢性，人可以做既只係盡量減小變化。
魚其實係乜野種，都會有體弱既時候，仙魚，鰈魚等敏感種，有時可以出奇地粗生，但好多時都可以好化學，會話唔埋就拜拜。水質突變撞岩魚弱，就算平野都可以打柴，無分貴賤，既然可以盡量避免，又何苦拿d生命同錢黎教飛呢？

哈哈....環多當然唔會side，1:10嘅容積可以點放同用咩環計先得架？你的答案突然變成左又得右又得，我真係睇唔到我問d問題嘅答案呀，你對新手好肯定的，對我亦公平d啦，哈哈.....不如我再問多一次。
---鹽唔用桶開左打氣先用，有咩粗生粗養魚會無乜所謂？有咩敏感魚幾耐會玩完？唔好再話d魚體弱體強貴貴賤賤咁啦，我養魚無分價錢無分體質架，而家真係好驚呀！！每星期300L都係20%，仲想換夠30%添......
再謝賜教！

哈哈…肯咪我講得唔清楚？咁講多次，好肯定無論貴定平魚，直接倒鹽落缸都會有危險囉！收唔收到？！
魚絕對有機會體弱既時候，特別缸小，水質難控制，魚健康同承受力都同大缸唔同，遇上身體弱比你成日咁搞法，想唔快d死都難。
我對魚無分貴賤，建議不論價錢，都應該用影響最小既方式養魚。平同貴都生命，所以唔問價錢都會教新人開好鹽打氣先用，咁先係個負責任既主人，就算無法存咁多水，都應該開鹽再倒入沙缸，而唔係直接倒鹽入主缸。
如果開鹽可以直接倒入缸無問題，點解你開缸時唔全缸淡水時加魚，再響缸度倒成桶鹽，「順便浸埋淡水添」？點解當時唔咁做，而家換水時又咁做？
你千五升水，水質環境比好多新手好好多，水量比新魚友大十倍以上，頂到唔代表，可以教可能只得幾十升新手小缸學你咁做。我好相信你若將缸中魚，移部份入得幾十升既小缸中，個個禮拜咁直倒鹽落缸咁養，實會快死過響大缸既魚！相不信由你，不過勸你唔好咁做，唔好無謂殺生。唔使咁驚，唔使客氣！

哈哈哈哈.....喂，係你自己話"換水倒鹽落主缸，就睇你養乜魚，粗生粗養就無乜所謂，敏感魚咁搞好快玩完"架！我先會驚同問你！你而家又話"好肯定無論貴定平魚，直接倒鹽落缸都會有危險囉！" 即係點呀？唔係我收唔到，係唔知你講乜。係人都知直接倒米落口有危險啦，煮熟好d！不如你睇清我條問題先啦，我條問題好直接架，無轉彎架！
你講得好啱..."特別缸小，水質難控制，魚健康同承受力都同大缸唔同，遇上身體弱比你成日咁搞法，想唔快d死都難。" 我想講，如果換水有咁大風險，唔知落藥又點呢？見你極大部分時間都係唔知魚友個係乜缸乜情況就叫人落乜藥物藥，一時叫人換全水，一時又叫人換2/3。如果你係醫生，應該知"望、聞、問"。你咁為新人著想就請早d講，講清楚d，等人咪跟錯先得架，你都識得講魚都有生命架。
"如果開鹽可以直接倒入缸無問題，點解你開缸時唔全缸淡水時加魚，再響缸度倒成桶鹽，「順便浸埋淡水添」？點解當時唔咁做，而家換水時又咁做？" 哈哈哈哈.....乜我話換100%水咩？！換水30%, SG 跌幾多水質影響有幾多你知唔知？
"你千五升水，水質環境比好多新手好好多，水量比新魚友大十倍以上，頂到唔代表，可以教可能只得幾十升新手小缸學你咁做。我好相信你若將缸中魚，移部份入得幾十升既小缸中，個個禮拜咁直倒鹽落缸咁養，實會快死過響大缸既魚！相不信由你，不過勸你唔好咁做，唔好無謂殺生。" 我信呀，我信呀！所以我咪問緊你我直接倒鹽落缸乜魚得乜魚唔得囉！講咩大缸細缸唧，你又知旦旦媽個缸細？不過你可能撞中左啦，恭喜你！
乜唔使謝呀，要嘅，我再謝謝你！

哈哈！真係係我講得唔清楚，定你理解有問題？我講敏感魚，又唔係講貴價魚類，平魚如毛巾都可以好敏感，石美，火焰仙又對比好多魚又唔係好貴，係你自己走去分貴價同平魚。我隨便舉賊仔，因為佢通常都係幾敏感，對水質變化反應好大。事實貴魚都可以粗生，要視乎環境同健康狀況而定。敏感魚大部份時間都唔可以水質突變，粗生魚都會有身體差既時候，變成同敏感魚一樣唔受得。缸中魚，特別新返魚任何時候都無法百份百肯定佢潛在健康有無轉弱。正如好多人平日好地地，都唔知自己有心臟病，一做劇列運動就猝死一樣。
個個禮拜都整鋪突變缸魚嘆，為乜？

建議個大換水，都係嚴重水質問題，唔換問題比換大，兩弊取其輕，選大換水，唔單止係我一人既經驗。而唔同係個個星期整桶鹽佢嘆！而常用抗生素影響又的確比倒監落缸來得輕。
唔識用藥既人，自然怕用藥，結果經驗所見應用唔用，結果趕唔切既佔大多數，多過用藥死既好多好多。常教用既藥物，都係幾安全既藥物，該份量用對系統，甚致健康魚都無乜影響，更非長期使用，總括比聽天由命來得好。事實就算水產研究所一日未用化驗設備確認都無法百分百知道，所以其對業界既建議通常憑既都係經驗，症狀符合，對症下藥。建議係意見，你可以接受與否，決定權在你，我只憑良心告知經驗。

lammark 修改于 2008-01-13 06:04

shitstick

文章: 53

41 于 2008-01-13 05:09

Horse Black////////////////////sau pei la.............................

ho fan ar li.......................................................................

@#%$^(&*%%^%%^$##@^%$&))%^$^$%$#$#$%^$%^%

lammark

馬克

文章: 2670
來自: 悲情城市

42 于 2008-01-13 05:39

當鹽未分解，魚直接遊埋去呢300L區域，你又知唔知承受sg有幾多？

大缸同細缸養魚有極大分別，原因唔多講。

唔關撞唔撞中事，我真係無識幾多新人開缸會1500L，請恕小弟識人少，孤陋寡聞。

lammark 修改于 2008-01-13 05:46

旦旦媽

文章: 9

43 于 2008-01-13 06:38

小農DNA wrote:
加環加消化菌, 倒幾支蜂王漿落去啦.

你既意思叫我加環加消化菌?其實係過瀘層已經放左幾粒黑色係波波係度,我唔知果d係咪叫做生化環囉,以前都有加消化菌,但水質仲變得黃左添.

至於倒蜂王漿,呢個係咪俗稱黎架?定係我地平時飲既峰王漿呢?

七仔

好玩唔玩玩養魚！！！

文章: 3984
來自: 2716

44 于 2008-01-13 12:59

lammark :

我唔想再良費口水！唔該你將個post由頭到尾再睇清楚，我問乜你答乜?! 我最大目的係唔想新手係經驗未足時俾你當白老鼠。你有乜經驗同良心與我無關，要教人就要清清楚楚，新手唔識問問題好正常，但魚你未見過，人個缸有乜條件你唔知，閉上眼就叫人落藥，經驗同良心就係咁？

當鹽未分解，魚直接遊埋去呢300L區域，你又知唔知承受sg有幾多？ .....所以咪話你未清楚就隨便答囉！我每加50L水就落約量鹽！
大缸同細缸養魚有極大分別，原因唔多講。 .....無錯！咁你點知發問嘅魚友全部係細缸？細缸仲可以隨便落藥，話之佢係RT定FOT？
唔關撞唔撞中事，我真係無識幾多新人開缸會1500L.....咁你就可以當人係細缸？我係問緊你知唔知旦旦媽個缸幾大？一時叫人換全水，一時又叫人換2/3，叫新手點好呢 ?!

為新手，係呢度學下應有態度，筆者真係非常用心！
http://www.aquarium.org.hk/cgi-bin/ch/topic_show.cgi?id=6094&h=1&bpg=1&age=30

paullo

文章: 1562

45 于 2008-01-13 14:24

旦旦媽
你真好彩,有共多c兄出手教路,不過D照片吾多青楚,睇吾你用乜器材,如果有張全相就青青楚楚喇!

每位C兄,養海魚都有一段日子,相等有一定功力,每人都發展到有個人獨到之處,同時因應每人喜好有不同見解,習慣.又因喜好,習慣不同可能影響到可飼魚種.
系米吾知我講乜,
打過比,如果我有多多時間喂魚,我養"令行鱼"就very good,但我每日只有一早一晚先可喂倒魚,"令行鱼"就吾合我養,("令行鱼"要多吃多餐-小弟飼養"令行鱼"後個人意見).

都系吾知我講乜?

白一點,
問題本身有問題,吾夠全面,以前我好中意答人, E+吾敢答,怕答出來C兄話我錯,因養海魚有太多方法,變數。
如果問題吾全面我估計你......而吾系...錦我米錯得好吾底,當然有時真系自己錯,
但都糸出自一片熱心姐,請各 C兄勿見笑.
方法系過度色,養魚求開心姐.

旦旦媽
"你既意思叫我加環加消化菌?其實係過瀘層已經放左幾粒黑色係波波係度,我唔知果d係咪叫做生化環囉,以前都有加消化菌,但水質仲變得黃左添.
至於倒蜂王漿,呢個係咪俗稱黎架?定係我地平時飲既峰王漿呢?"

哪!我估
小農DNA wrote:
加環加消化菌, 倒幾支蜂王漿落去啦
講 "蜂王漿"="消化菌" 而"小農DNA"兄講 "幾支"="適量"

以上系小弟古姐有錯,"小農DNA"兄勿怪,請指正

又"幾粒黑色波波"係叫做"生化環/生物球"
但以小弟估,你使用地方不正當,(因资料不足所以瞎估)

"以前都有加消化菌"
Lee句我估都冇得估,因小弟未用過,
"但水質仲變得黃左添"
可以答你換水,+多句小心水溫,

小弟答覆如有不足錯漏,因個人見識有限,請恕!

又講番我條"令行鱼"真系養懷左嫁,

» 鬧市冰室 » Marine Fish◇海水魚飼養討論◇ 顯示適合列印的版本寄給朋友

看過的文章

新的文章

被刪除的文章

跳轉到

我地有在新的聊天室
即時聊天廣播.

[Processing Time] User:1.36, System:0.16, Children of user:0.02, Children of system:0.04

請大家技持更換新主機啦, 多謝!