cw
 
文章: 13
 |
 21 于 2007-04-25 23:30   
haiven wrote:
DIY王？呢度仲有大把,有排都未輪到我,我只係一個死窮鬼同孤寒種,無錢買野之剩連幾十蚊都唔想比人賺咁者。
1. 玻璃缸,平,好多人都識造,但係重同容易爛；膠缸貴,都好多人識造,拋光後比玻璃更通透,輕,但手功要好好先得,一下黐得唔實就死得。我個人覺得沙缸用大膠箱最好,輕黎講佢最無敵,爆黎講幾時輪到佢,係無全透明果度衰。
2. 而家好多人都做個綿兜,綿用完就掉,唔使洗,污糟就要換,乾手淨腳,唔會郁到其他濾材。沙缸同濾桶既設計唔同,雖然你會放綿係濾桶頂層,但桶要密封,水會浸住桶內所有野,好難將污物完全分隔,當拆出黎洗時,桶內所有野就好難避免搖晃,若把沉積物（可能有毒）翻起,就有機會反缸,除非你倒晒桶水,由頭到腳洗一獲啦,但係咁,養魚就變成一件苦事。我用過濾桶一次,打死唔會再用。
3. 咁我睇你一係要係主缸開個窿,一係就用overflow box。overflow box 我未用過,呢度有人DIY過,你search下。長遠計,開窿好D。無論濾桶或沙缸,都只會用一個泵黎推,而入水或出水就用虹吸或溢流,示乎你set野點放,如果你話沙缸放下面,水向低流,咁就一定係主缸流水出黎,沙缸泵水走,水量全由個泵控制。
4. 你試下吹水面,水面流動可以讓空氣溶入水中,幫助水中溶氧量。同時盡量做到無死位,睇下PH會唔會上升返。
5. 我用個膠箱仔黎檢疫,其實都唔係百份百,但做左係會大大減低白點爆發及其他魚病機會；我用幾種藥一齊檢,銅一定唔少得啦（岩岩先睇完lammark講檢疫都用銅,即刻試試）,其次仲有爛肉藥,抗生素等,我用藥丸裝果隻。
haiven 兄:
唔好話自已孤寒, 男士們通常都覺得DIY好有成功感,我唸你都係咁. 但我就只係想有缸靚靚的魚放係屋企, 叫我DIY,肯定唔掂. 講番我D問題,多謝你詳細的解答:
1.用大膠箱造沙缸-- 你意思係用一個現成的大膠箱,喺中閒黐Ｄ膠片間開?
2.明白哂!原來係瀘桶咁危險.
3.小女子又点会識在玻璃開窿呢! search 過有個叫溢流器,不用開窿,都應該ok,会再研究下.
5. 可否講下檢疫膠箱的設備和你檢疫的程序呀? |
|
顯示適合列印的版本 
寄給朋友
努力努力!