寶石花手手伸展 - 鬧市冰室

» 鬧市冰室 » Coral Keeping◇珊瑚飼養討論◇ 顯示適合列印的版本寄給朋友

作者

寶石花手手伸展

catlee

文章: 2602
來自: 有求必應

16 于 2004-03-04 18:44

幻之終極真姚俊 wrote:
原來有如此的說法，果然我的直覺係對的，班友仔果然背後就會咁講。
不過，站在佢的立場，如果個個都養到d珊瑚，咁邊鬼個會幫佢買野。

唔好嬲啦, 我好肯定話俾你聽, 晌你前面佢都係咁講!

又講下魚店賣寶石花趣事:
"喂, 寶石花好靚喎!!"
"梗係!!"
"唉.....不過....人地話養唔度....好易死架嘛!"
"o下? 邊個話.....好易架喳!"
"真係!? 點養?!"

~~~噴出煙圈~~~~oo00OOO

"吊......就咁放落缸啦, 起碼養倒三個月啦, 點會養唔度?? 死左再買囉! 咁平!"
~~(-___- ||| )~~

三個月.....咁...我都叫做養倒下魚lu...

真人, 真事, 唔係作的.

咪就係索之嘛~~~

文章: 231

17 于 2004-03-05 00:40

咁請問
寶石花係咪唔應該養

Aquafever.com
水草,短鯛,孔雀魚,將魚, 異型專賣工作室
http://www.aquafever.com

catlee

文章: 2602
來自: 有求必應

18 于 2004-03-05 01:32

真係答你唔倒, 自己有信心打理咪養囉, 試過唔得, 一係放棄, 一係找出原因之後改善, 唔好死原又買, 買完又死而不思改進就得啦, 總之一句問心無愧, 自己ok咪得囉. 唔使理人, 冇話o岩唔o岩架嘛. 當然, 某些 "貧"危種類 (近年大幅減少數量)珊瑚咪盡量唔好囉.

只不過想話, 大部份魚街d sales 都一定話乜都可養得到, 但人人經驗唔同, 佢又唔知你咩料, 實係乜都得格.

最經典一次, 5 年前FOT, 當年冇魚網上, 乜都唔識求倫其開缸, 30"缸底喉 + 2L生物環internal filter, 冇chiller, 冇skimmer.養乜死乜,去魚街買糧, 見到有"炬"人蚌, 好靚咪問下, 點知佢話好易養. 我同佢講我缸的setup, 佢又冇問我RT 定 FOT, 我話冇chiller, 佢又話ok 唔怕熱, 問佢魚咬唔咬, 佢又話如果魚咬, 個海冇晒蚌啦懵仔!! 又話唔使餵, (呢句一半真

), 仲話就咁放落缸得架啦!!

我當時覺得, 上天真係好, 有咁靚的蚌, 重咁易養, 直頭益我啦佢. 番到去落缸, 唔使一日熱死加咬死.....