鵬鵬兄 - 鬧市冰室

» 鬧市冰室 » Marine Fish◇海水魚飼養討論◇ 顯示適合列印的版本寄給朋友

作者

鵬鵬兄

JACKAL WONG1970

遠X朱玲玲.近X豬頭炳

文章: 90

1 于 2003-11-10 20:14

鵬鵬兄..請問你個缸有幾大?邊到做?淨養魚?幾錢?我想換大DD的缸.約６O至７Ｏ.有何推介?仲有你條皇帝靚.聖誕島?幾錢?其實皇帝易養嗎?９月至今我己經死左５條皇帝...鳴...請指教.......thx........^^
.......

鵬鵬

文章: 2247

2 于 2003-11-13 13:25

JACKAL WONG1970 wrote:
鵬鵬兄..請問你個缸有幾大?邊到做?淨養魚?幾錢?我想換大DD的缸.約６O至７Ｏ.有何推介?仲有你條皇帝靚.聖誕島?幾錢?其實皇帝易養嗎?９月至今我己經死左５條皇帝...鳴...請指教.......thx........^^
.......

我缸84"x30"x25"(水位)...幾年前上門做..淨養魚..好平幾千蚊(不過己結業

)
魚係靠水生存..水量對養魚應係最重要的一環...有地方既話..可試做大缸

砵蘭街"打比"..魚街"川記"...對做大缸都熟到欄..价錢都可能最實惠

皇帝唔算難養.(不過我條都死左)..聖誕島皇帝在顏色方面係好過其它地方
皇帝既...但身形就......

聖帝價錢$1500-$2000..........
死魚有好多原因既..可能你同皇帝仙無緣呢?

貓貓樣

又惌又臭，燒佢把啦

文章: 2612
來自: 一千萬光年以外的貓樣星!!

3 于 2003-11-13 15:31

咁即係點呀鵬鵬兄, 咩叫同"皇帝仙無緣呢", 養魚都要講緣份咁奇??

咁使唔使買前夾過時辰八字或帶佢一齊去睇睇相, 睇下有無緣咁先買呢??

仲有, 你成講"打比", 即係邊間呀老細

, 川記就講得咁明顯, 擺明係大細超啫,

下次可唔可以講清楚啲呀.....

鵬鵬

文章: 2247

4 于 2003-11-13 15:47

貓貓樣 wrote:
咁即係點呀鵬鵬兄, 咩叫同"皇帝仙無緣呢", 養魚都要講緣份咁奇??咁使唔使買前夾過時辰八字或帶佢一齊去睇睇相, 睇下有無緣咁先買呢??仲有, 你成講"打比", 即係邊間呀老細, 川記就講得咁明顯, 擺明係大細超啫, 下次可唔可以講清楚啲呀.....

請不要在此搞事!!

林哥仔

景霧處(魚缸交流組)

文章: 1421
來自: 紅磡

5 于 2003-11-13 23:33

打比係網名黎o者

細心d就知啦

人生就如汪洋中的一尾小魚,
只要能樂天知命,
天地自可任縱橫!

mcnelson

文章: 482
來自: Tai Wai ( Shatin )

6 于 2003-11-13 23:45

貓貓樣搞事!!

貓貓樣

又惌又臭，燒佢把啦

文章: 2612
來自: 一千萬光年以外的貓樣星!!

7 于 2003-11-14 02:17

咁多位兄台:
我只係一隻貓仔黎咋, 點敢係呢個龍蛇混集既地方搞事呀, 我講既都係事實黎, 如果大家係一個新人黎, 只係去魚街行過幾次既, 你話俾佢知川記, 位哥仔都仲可能有啲印像, 但係咩"打比", 到底係打左比定打右比, 鬼知咩黎咩, 係咪呀咁多位大佬, 仲有, 呀鵬鵬兄養魚要同條魚有緣喎, 係我個人黎講, 就覺得呢句說話比較有點兒那個, 我雖然係玩珊瑚缸, 但係都鍾意玩魚, 都知道有啲魚係比較難養得倒, 但亦從眾多前輩口中得知, 好多時養唔倒魚都係有好多因素, 例如個缸既生化係統做得好唔好, 係買魚嗰陣有無好細心咁睇清楚條魚既健康情況先買, 如果條魚係已經領野在先既, 就咩養魚聖手都養唔倒啦, 又條魚係落缸前既處理做得好唔好等等, 同個"緣"字似乎就無乜關係, 鵬鵬兄, 人地一心黎請教你老哥, 我覺得係嗰位朋友知你有料到先問你啫, 如果你連深入去了解嗰朋友所遇倒既問題都無就淨係答人話同嗰種魚無緣就養唔倒喎, 就似乎爭少少喇, 係咪呀鵬鵬哥

.......

老坑

文章: 2259

8 于 2003-11-14 09:18

貓貓兄，
我極之認同你的講法

但我估鵬爺講的 "緣" ...........是已含當中無數因果報應...........可能佢一題起皇帝，己百感交集，一句緣總結左佢姐

鵬鵬

文章: 2247

9 于 2003-11-14 09:47

坑爺..貓貓..2位大佬...
我地都未知呢位魚友個缸來龍.......
只知2個月死左5條皇帝.......
想我點樣回答呀?...2位大佬放過我喇

貓貓樣

又惌又臭，燒佢把啦