寶石花出事 & 復原記

» 鬧市冰室 » Coral Keeping◇珊瑚飼養討論◇ 顯示適合列印的版本寄給朋友

作者

寶石花出事 & 復原記

幻之無極兇眼男

東之深淵者

文章: 7221
來自: 屎坑

1 于 2003-05-16 22:38

最近我用了鈣反應後，d寶石花唔多開得好，其實唔知有無關連。剪了的紅寶石花甩緊皮，但甩出來的皮無事，仲會漲，現在己有三塊碎片甩剩白骨，有四塊有甩的現象，而無剪的開得好好喎，但綠色圓形那種就開得好差了，紫色的都差了，係啡色同綠色紫心的無事，正懷疑係kh過高令到寶石花有問題。所以先至唸計減少緊d kh。
但未唸到方法前，唯有換水及關掉鈣反。

另外，之前甩左出來的提子頭比條衰魚踼左落去其中一粒綠色圓形寶石花到，搞到甩左一層皮，好似無入到肉，但唔知明天會唔會先爛入肉。之後丟了粒提子落底層，但又比條衰魚踼去一塊放在底層的綠色紫心寶石花，爛了一大撻

唉！

唯一開心的事係考完哂試了。

幻之終極真姚俊修改于 2003-06-30 15:43

人生，尚算不錯。

curry

文章: 41

2 于 2003-05-16 23:15

幻之終極真姚俊 : 喂 mud 你唔係好勁架咩 ? 我見過你 d 相片,又教人割寶石花..........你個缸仲好正播....點解攪成咁?(千其千其唔好以為我係度串你,只係想知點解姐???)

iczfirz

"challenge"

文章: 14190
來自: 我回來了

3 于 2003-05-16 23:47

會唔會呢排d次所水一比九十九呀?

^{問題或承受過不相信拋下過最後決定一雙肩膊別太肩膊
三十一畫：此數大吉，名利雙收，漸進向上，大業成就。（吉）}

幻之無極兇眼男

東之深淵者

文章: 7221
來自: 屎坑

4 于 2003-05-17 01:38

check翻個時間，真係開始用個鈣反之後寶石花出事，而會唔會係厠所水加了料，就真係唔知。要做個比較先知。
curry ，呢d就係老x燒so啦。

人生，尚算不錯。

幻之無極兇眼男

東之深淵者

文章: 7221
來自: 屎坑

5 于 2003-05-17 01:38

因為粒提子咁衰，已經將佢改造了。

人生，尚算不錯。

PP-HK

老人與狗

文章: 5679
來自: blue夭搵喎沖那里奶

6 于 2003-05-17 08:42

點改造法, 講o黎俾大家學習o下。

歡迎光臨

幻之無極兇眼男

東之深淵者

文章: 7221
來自: 屎坑

7 于 2003-05-17 23:41

用針，將提子頭好似聯衫咁，聯佢係個膠片盒上面

，然後放在缸邊，咁佢就無機會掂到我d寶石花。用普通線聯會溶，所以我用了牙線，咁就可以永久唔會走位。有兩粒頭刺了一針，一粒刺了兩針。

人生，尚算不錯。

PP-HK

老人與狗

文章: 5679
來自: blue夭搵喎沖那里奶

8 于 2003-05-19 09:56

葵花寶典

歡迎光臨

幻之無極兇眼男

東之深淵者

文章: 7221
來自: 屎坑

9 于 2003-05-20 02:18

睇返d日子，有個少發現，珊瑚出事大約由上星期一(12號開始)，那時寶石花開始開得比較少，紅寶石花有一兩粒開始甩皮，到上星期五就開始較差，但一真都唸唔到原因，唯有換水，上星期六(17號)，情況一樣咁差，到星期日，綠色紫心的寶石花都有兩粒開始爛，苦思好耐，唸到近來個缸有幾樣唔同，就係5月1號加了鈣反，8號加了一條叫荔枝的魚，三隻性感蝦，一隻海牛。
海牛死後條屍撈了，掉了，所以唔關佢事，而且之前都試過兩隻，之前珊瑚都無出事。
性感蝦就應該reef save，而且佢地無走到寶石花上面，而且又咁細隻，應該唔關佢地事。
鈣反就係懷疑而已，而且係出事前多日已經用緊，所以應該唔關事，但聽過kh過高會令軟珊瑚溶，所以之前係估關鈣反事，但上個星期三(唔記得係咪呢日)，關左鈣反，無用幾日d寶石花仲係繼續甩，而且我有兩隻菇及少量軟珊瑚都無溶到，所以都估係唔關鈣反事。
到最後，疑兇只剩下條荔枝魚，因為條魚成日會伏在珊瑚上，正常魚搞寶石花係無事的，但我估條魚可能會分秘一d化學物出來，可能就係令寶石花溶的原因，所以星期日晚上捉條魚出來，但條魚好醒，要我起哂成個缸先捉到。還原個缸時順便換了少少水。今日，d寶石花好似好翻d，綠色圓形寶石花開得長返少少，但有一粒比提子刺中的就甩哂成層皮出來，而之前剪了出來的那層皮就有dd爛(星期日開始爛的)，紅色寶石花都開得長返d，綠色紫心的寶石花都開得長左，所以兇手大有可能係條魚。

條魚捉了出來後放在q tank，但因為昨日有舊爛緊的寶石花放埋在個q tank到，第二朝舊寶石花爛到好死臭，所以臭死了條魚，仲要臭死埋十條波子魚仔添

幻之終極真姚俊修改于 2003-05-20 02:21

人生，尚算不錯。

幻之無極兇眼男

東之深淵者

文章: 7221
來自: 屎坑

10 于 2003-05-20 12:41

其中一粒綠色圓形寶石花的骨︰

甩出來的肉其中一部份在這裏︰

可惡的提子，用牙線聯實了︰

人生，尚算不錯。

nebula

野外採集派

文章: 3888
來自: 華南以南

11 于 2003-05-20 21:53

遺孤響我處無事喎！

I believe in the Kingdom come Then all the colours will bleed into one But yes I'm still running
You broke the bonds You loosed the chains You carried the cross
And my shame and my shame
you know I believe it But I still haven't found
What I'm looking for.........

幻之無極兇眼男

東之深淵者

文章: 7221
來自: 屎坑

12 于 2003-05-20 22:38

紫色的係無事。只有新剪的紅色，綠色圓形那種有事。
家下開了五個鐘燈，綠色圓形寶石花開得又長一點。似乎真係條魚。

人生，尚算不錯。

幻之無極兇眼男

東之深淵者

文章: 7221
來自: 屎坑

13 于 2003-05-22 18:55

又有一粒綠色圓形的寶石花成粒甩哂，層皮跟手被我剪開四份。
紅色寶石花總共有十粒甩左皮，約七粒的皮回收了，放在石面上，有三粒就甩甩地，無甩過的有16粒。
連續三日無寶石花爛過，己經可以宣佈我個缸已成功控制疫情

，但仲有多層皮在留醫，仲未可以撤銷女油警告。

人生，尚算不錯。

幻之無極兇眼男

東之深淵者

文章: 7221
來自: 屎坑

14 于 2003-06-12 00:29

最新情況︰

綠色紫心的比一舊死珊瑚害到死了九成，剩翻的一成復活中，好彩係每塊碎片死九成，即係我仲有十幾塊，一年半年後就可以生翻到可觀的程度。

紫色寶石花完全無事。

啡色寶石花在紅色寶石花甩皮的那段時間完全無事，但之後我搬啡色寶石花去一個新的位置，之前兩次搬缸還原後都係放翻係同一個位，但今次搬了去個新位後就開始甩皮，所以最後都係鋸碎佢，但鋸的時機係遲了，因為之前唸，因為佢係啡色，死左就算，但見佢咁慘，都係鋸一鋸，因為係開始爛先鋸，家下過了兩日，都係繼續爛，有可能會死哂。

紅色寶石花甩皮的原因可能唔係條荔枝魚，因為無左條魚後，有一段時間係停了甩皮，但用翻個鈣反後，前幾日又見甩皮，咁即刻換水，連續換了兩日水，kh由28->24->19.2，跟住紅色寶石花無左甩皮，但今次又損失了四塊碎片，紅色寶石花應該唔怕kh的，但可能係因為佢在我個缸住了差不多三年，三年來我都無用過鈣反，慣了低KH，雖然之前diy過一次鈣反，但效能好低，所以無事，但今次個鈣反的效能高了，所以出事，而綠色圓形寶石花就因為住了一年多，可能都慣了低KH，所以都甩皮，其他的寶石花因為未變成只適合低KH，所以無甩皮，啡色的可能因為粗生，點搞都無事(換位除外)。

所以，結論係荔枝魚唔係凶手，但就算唔係凶手，佢成日踩珊瑚，令到珊瑚縮埋，都唔係一種適合珊瑚缸養的魚。

我個鈣反家下停了，用返加鈣水的方法來加鈣。

人生，尚算不錯。

幻之無極兇眼男

東之深淵者

文章: 7221
來自: 屎坑

15 于 2003-06-30 15:42

無左條衰魚，無用鈣反，紅寶石花都係繼續慢慢甩。見到扁蟲痴滿寶石花，係每隻手有一隻以上，之前每隻手上有一隻，但那時無事，而今次有事，我估會唔會係當寶石花變弱了，所以再比扁蟲痴住會透唔到氣呢？最後，把心一橫，將所有珊瑚都浸一浸淡水，因為以前試過浸死過舊珊瑚，今次浸短d時間，只浸十秒，然後放落個咸水兜到沖走埋半死的扁蟲，一次過殺了成一千幾百隻扁蟲

以前分枝腰見到係啡色的，殺完扁蟲後見翻綠色的部份。

殺了九成九的扁蟲後，無換過水，因為扁蟲屍唔係個缸入面，過了一個星期左右，紅色寶石花唔開的一部份開翻，而且無甩皮的現象再出現。

似乎今次紅寶石花出事係兩個主因加一個次要原因。現在紅寶石花只剩全盛時期的四分一

，好慘，不過都好過全滅。

人生，尚算不錯。

» 鬧市冰室 » Coral Keeping◇珊瑚飼養討論◇ 顯示適合列印的版本寄給朋友

看過的文章

新的文章

被刪除的文章

跳轉到

我地有在新的聊天室
即時聊天廣播.

[Processing Time] User:1.21, System:0.16, Children of user:0.02, Children of system:0.06

請大家技持更換新主機啦, 多謝!