檸檬批食乜? - 鬧市冰室

» 鬧市冰室 » Marine Fish◇海水魚飼養討論◇ 顯示適合列印的版本寄給朋友

作者

檸檬批食乜?

cocinero32

文章: 5

1 于 2007-08-20 21:59

各位你好,

我養過兩條檸檬批但最後都吾肯食我啲糧以餓死, 請問檸檬批食乜?

jaylaw

文章: 256

2 于 2007-08-21 08:57

cocinero32 wrote:
各位你好,

我養過兩條檸檬批但最後都吾肯食我啲糧以餓死, 請問檸檬批食乜?

檸檬批係屬於迷你神仙魚,係雜食性...

基本上雜食性即係乜都食,而吾肯食糧多數係因為魚本身狀態可能不佳,又或水質問題,又或環境不合,例如被舊魚凶或打...

可以留意有冇以上問題...

魚糧可以試生猛豐年蝦,急凍糧,豐年蝦亁浸蒜汁等等...

RT的話...如果肯喙石,石又夠多,基本上可以不理...唔單只餓唔死,仲鬼咁肥

個人經驗(RT)....

要揀些在魚舖已經四維喙果o的,車o左落缸之後,佢有成個星期只係喙石,任何魚糧,包括生猛豐年蝦咁誘惑o既糧佢都唔食,唔需要克意引佢開口,但要留意佢有冇屎疴,一段時間之後,佢見其他魚搶食,佢又慢慢跟住搶吓搶吓...之後乜鬼都搶食...仲好大食

jaylaw 修改于 2007-08-21 08:58

jaylaw

文章: 256

3 于 2007-08-21 09:07

如果係FOT...

佢又真係死都唔開口,我建議問吓邊個魚友屋企個RT爆髮絲藻,同佢借幾舊生物石引佢開口...雖然另類o左少少...嘿嘿...不過成功之後,你可以話比魚友聽,檸檬批係食"生物石"o既！哈哈

貓貓樣

又惌又臭，燒佢把啦

文章: 2612
來自: 一千萬光年以外的貓樣星!!

4 于 2007-08-21 10:51

RT落檸批？！如果有腦珊瑚既話，條檸批的確一定養得倒，或者不停買腦佢食，應該無問題

‧‧‧‧‧
單靠啄石可以養活一條檸批？！

個缸起碼要有六呎或者以上，先可以放足夠既生物石俾佢啄‧‧‧‧‧
個人建議，RT唔好落檸批‧‧‧‧‧
買新魚回來，因為經過長途運輸，開袋處理，或者在魚舖的魚缸中被其他魚追打種種原因，較為膽少的侏儒仙，會較難開口，可以先用魚仔箱隔離餵食，頭一兩天不用餵食，然後試用活豐年蝦(餵前先用清水沖淨)，可以加點蒜汁亦有幫助，再慢慢混和急凍豐年蝦或毛蝦，俾多少少心機，魚仔會有回報俾番你

‧‧‧‧‧

貓貓樣修改于 2007-08-21 11:02

jaylaw

文章: 256

5 于 2007-08-21 13:50

係喎...又比貓貓師兄提醒...

迷你神仙類,o既然叫得"雜食性"你要有心理準備...

因為佢地係會食珊瑚o既！

不過...唔係每一種珊瑚都食,同一種迷你神仙又唔係每一條都食...

所以係博一博o架咋...

仲有,正如貓貓師兄所講,生物石只係等佢開口食糧之前o既過渡物品,除非你6呎缸,否則只能頂住一陣,最終係要引佢開口o既...

就以我24" RT 缸,50磅生物石,發現佢喙咗2個月左右以經唔係好喙,不過佢落缸一星期己經開口食糧,到底佢係食糧食飽...定冇o野喙就唔知o拉

如果要在RT養迷你神仙,有些特別誘惑o既珊瑚品種係唔養得...

但如果好似我咁,明知山有虎...

都可以分享一吓o既...

正如貓貓師兄所講,腦珊瑚係高危(雖然我未試過)...

管蟲係高危,我個缸之所以冇管蟲...

蚌係高危(雖然我未試過)...

太陽/炮杖花係高危(魚友試過)...

豬肉高危(雖然我未試過)...

我好采,我條檸批係唔多喜歡食,但喜歡喙

中危...唔食,但喙令佢唔開,耐咗有危險...

草皮,千手仔,皮革仔,部份SPS...

以上只係唔開(或開唔靚),檸批一死之後開番晒...

冇影响... 鈕釦,提子,分支提子,豬腰,分支豬腰,海葵(奶咀),部份SPS...

我缸入面,唔食,唔喙,開得好鬼死靚....

我都係新手,唔敢講教人,只係分享一吓...有錯請師兄們指正補充

貓貓樣

又惌又臭，燒佢把啦

文章: 2612
來自: 一千萬光年以外的貓樣星!!

6 于 2007-08-21 15:38

聽講炮仗花啲剌細胞勁到無輪啵，嗰位魚友養條咩侏儒仙咁夠薑呀

？我都好想知啵‧‧‧‧‧係咪佢餵舊炮仗花果陣條缸埋去搶食咋，不如搞清楚啲資料啲先話俾新朋友知喇，唔好等人哋聽到一頭霧水

‧‧‧‧‧
我幾時講過生物石係過渡期物品呀？！典解我唔記得既？！‧‧‧‧‧好多FOT既前輩一定唔同意架啵，FOT去邊度搵舊生物石黎過渡？！FOT好多時都會採用"隔離方法"去令仙仔開口，當然，好多藝高人膽大既前輩可以就咁飛佢落缸等佢自己開口，因為好多慌失失既仙仔唔可以用魚仔箱困住，否則唔開口之餘仲可能會死快啲‧‧‧‧‧
以你明知山有虎，偏向虎山行既行為而論，RT中既侏儒仙之所以係"啄"而唔係"食"既原因，因為食物足夠，但天性會令侏儒仙啄珊瑚既行為不會消失，並唔係你好彩‧‧‧‧‧

RT中環境較之FOT黎講，比較接近大自然，難開口的侏儒仙及碟(兩樣我都試過)，的而且確是會容易點開口食糧，但若然條魚堅持唔食糧，無論生物石是否有食物提供也好，佢都係唔會食糧‧‧‧‧‧

我最後都係果句，適當既方法，並唔係靠路邊社消息或者估估下，懂得選擇一條建康狀態良好既魚仔，一定事半功倍，但必先經過無數次既失敗及向前輩虛心求教，加上自己累績的經驗，還有無比既耐心，方可令自己在養魚方面遇到問題時不會六神無主‧‧‧‧‧

貓貓樣修改于 2007-08-21 16:04

cocinero32

文章: 5

7 于 2007-08-21 21:32

吾該各位師兄!

但我個兩條檸檬批都己經開口, 只係後來先至停口, 佢地有搶食但又將啲糧吐番出來. 試過乾糧同蒜片, 一樣吾食. 有見佢吔喙石, 啲舊魚冇凶或打佢吔.

我個係24吋FT, 開缸9個月, 冇死其他魚,
兩個EHEIM外置圆桶加 Reasea Prima 化淡. PH經常保侍8.1-8.4.
只有一條藍魔, 一條番茄, 兩絛小丑.

貓貓樣

又惌又臭，燒佢把啦

文章: 2612
來自: 一千萬光年以外的貓樣星!!

8 于 2007-08-21 21:41

cocinero32 wrote:
吾該各位師兄!

但我個兩條檸檬批都己經開口, 只係後來先至停口, 佢地有搶食但又將啲糧吐番出來. 試過乾糧同蒜片, 一樣吾食. 有見佢吔喙石, 啲舊魚冇凶或打佢吔.

我個係24吋FT, 開缸9個月, 冇死其他魚,
兩個EHEIM外置圆桶加 Reasea Prima 化淡. PH經常保侍8.1-8.4.
只有一條藍魔, 一條番茄, 兩絛小丑.

嗯，是否一直用乾糧餵呢？突然唔食嘢有好多原因，水質，水溫，鹽度，環境突變等，試下逐點搵答案‧‧‧‧‧乾糧無疑較為飽肚及有營養，但遇到呢種問題時，不妨給魚兒轉換一下口味，例如切碎的蝦肉，魷魚等，一樣較易引起其食欲，唯獨小心壞水問題，慢慢逐少逐少的餵，盡量減少因為食唔晒而剩下所引起的水質污染，加大水流亦會有幫助，正如我之前所說，你所給與魚兒的耐性及愛心，魚兒會有回報的，希望少少的個人經驗可以對你有幫助

‧‧‧‧‧

貓貓樣修改于 2007-08-21 21:46

cocinero32

文章: 5

9 于 2007-08-21 23:20

唔該師兄!
係, 我一直只用乾糧餵, 第一條養咗三個星期, 第二條飬咗一個月, 我下次曾試吓其他糧.

我仲有一個難題, 就係條番茄成日打個兩條小丑. 我初頭吾知因為條番茄係我面前好乖, 後來老婆話比我知, 我就用webcam偷拍佢, 真係惡到飛起!
我試過,
1. 西起佢兩星期, 唔得!
2. 西起佢一個月, 唔得!
3. 西起佢兩星期, 再搬過晒啲石, 唔得!
4. 放佢係Q缸兩星期, 買多啲石同埋搬過晒啲石, 唔得!

請問仲有乜辦法? 條番茄係我面前真係好乖, 吾通啲魚識扮野? 兩條小丑又大過條番茄, 真係唔明.

貓貓樣

又惌又臭，燒佢把啦

文章: 2612
來自: 一千萬光年以外的貓樣星!!

10 于 2007-08-21 23:33

cocinero32 wrote:
唔該師兄!
係, 我一直只用乾糧餵, 第一條養咗三個星期, 第二條飬咗一個月, 我下次曾試吓其他糧.

我仲有一個難題, 就係條番茄成日打個兩條小丑. 我初頭吾知因為條番茄係我面前好乖, 後來老婆話比我知, 我就用webcam偷拍佢, 真係惡到飛起!
我試過,
1. 西起佢兩星期, 唔得!
2. 西起佢一個月, 唔得!
3. 西起佢兩星期, 再搬過晒啲石, 唔得!
4. 放佢係Q缸兩星期, 買多啲石同埋搬過晒啲石, 唔得!

請問仲有乜辦法? 條番茄係我面前真係好乖, 吾通啲魚識扮野? 兩條小丑又大過條番茄, 真係唔明.

你似乎將條番茄擬人化得太緊要‧‧‧‧‧無論如何，她攻擊其他魚的情況是不會改變的，需知一個小魚缸的空間，跟她們在自然界海洋的生活空間比較實在是小毛見大毛，任何魚類在魚缸這個封閉的小空間中都會因為爭奪地盤而互相攻擊，唯一解決辦法是將已養一段時間而有攻擊性強的魚放棄，但這樣是有連鎖反應的，可能會令一向被攻擊的魚變為攻擊其他魚，所以RT是需要不停地將養了一段時間而穩定了的魚放棄，除非是你不會再加其他新魚，否則，只有不停這樣做，才可以慢慢得出一個不會互相攻擊的魚類組合‧‧‧‧‧

七仔

好玩唔玩玩養魚！！！

文章: 3984
來自: 2716

11 于 2007-08-22 01:49

貓貓樣 wrote:

唯一解決辦法是將已養一段時間而有攻擊性強的魚放棄，但這樣是有連鎖反應的，可能會令一向被攻擊的魚變為攻擊其他魚，

貓兄...

我正在受苦於這樣的連鎖反應，我在用心，我在用力

tokchan

文章: 115

12 于 2007-08-22 02:15

勢力難以平衡..

貓貓樣

又惌又臭，燒佢把啦

文章: 2612
來自: 一千萬光年以外的貓樣星!!

13 于 2007-08-22 11:34

七仔 wrote:

貓貓樣 wrote:

唯一解決辦法是將已養一段時間而有攻擊性強的魚放棄，但這樣是有連鎖反應的，可能會令一向被攻擊的魚變為攻擊其他魚，

貓兄...我正在受苦於這樣的連鎖反應，我在用心，我在用力

七大屍，你個缸咁大，除咗放棄你都有其他選擇喇，我見過大屍用哨基收監或者用格仔板閘開水飯房等犯人冷靜冷靜，但細缸根本無選擇，除咗放棄，放棄同埋放棄，無得揀‧‧‧‧‧

jaylaw

文章: 256

14 于 2007-08-24 00:27

貓貓樣 wrote:
聽講炮仗花啲剌細胞勁到無輪啵，嗰位魚友養條咩侏儒仙咁夠薑呀？我都好想知啵‧‧‧‧‧係咪佢餵舊炮仗花果陣條缸埋去搶食咋，不如搞清楚啲資料啲先話俾新朋友知喇，唔好等人哋聽到一頭霧水‧‧‧‧‧
我幾時講過生物石係過渡期物品呀？！典解我唔記得既？！‧‧‧‧‧好多FOT既前輩一定唔同意架啵，FOT去邊度搵舊生物石黎過渡？！FOT好多時都會採用"隔離方法"去令仙仔開口，當然，好多藝高人膽大既前輩可以就咁飛佢落缸等佢自己開口，因為好多慌失失既仙仔唔可以用魚仔箱困住，否則唔開口之餘仲可能會死快啲‧‧‧‧‧
以你明知山有虎，偏向虎山行既行為而論，RT中既侏儒仙之所以係"啄"而唔係"食"既原因，因為食物足夠，但天性會令侏儒仙啄珊瑚既行為不會消失，並唔係你好彩‧‧‧‧‧
RT中環境較之FOT黎講，比較接近大自然，難開口的侏儒仙及碟(兩樣我都試過)，的而且確是會容易點開口食糧，但若然條魚堅持唔食糧，無論生物石是否有食物提供也好，佢都係唔會食糧‧‧‧‧‧
我最後都係果句，適當既方法，並唔係靠路邊社消息或者估估下，懂得選擇一條建康狀態良好既魚仔，一定事半功倍，但必先經過無數次既失敗及向前輩虛心求教，加上自己累績的經驗，還有無比既耐心，方可令自己在養魚方面遇到問題時不會六神無主‧‧‧‧‧

貓貓師兄真係講解得又詳細又清楚,令我o地o的新手獲益良多...

補充:係啦,炮杖花單Case,我記得魚友話佢條係藍圈,佢話係"迷你"仙,唔係侏儒仙,嘻嘻

我幾時講過生物石係過渡期物品呀？！典解我唔記得既？！← O ... 係我講o既...Sorry

"隔離方法"~ Good

以你明知山有虎，偏向虎山行既行為而論，RT中既侏儒仙之所以係"啄"而唔係"食"既原因，因為食物足夠，但天性會令侏儒仙啄珊瑚既行為不會消失，並唔係你好彩‧‧‧‧‧

原來如此,即係如果佢地食得飽就冇事,但食唔飽就...嘿嘿...好彩...

遇到問題時六神無主...←不會,只要在這兒向前輩們虛心求教,咁就不會六神無主

貓貓樣

又惌又臭，燒佢把啦

文章: 2612
來自: 一千萬光年以外的貓樣星!!

15 于 2007-08-24 10:26

jaylaw wrote:
補充:係啦,炮杖花單Case,我記得魚友話佢條係藍圈,佢話係"迷你"仙,唔係侏儒仙,嘻嘻
以你明知山有虎，偏向虎山行既行為而論，RT中既侏儒仙之所以係"啄"而唔係"食"既原因，因為食物足夠，但天性會令侏儒仙啄珊瑚既行為不會消失，並唔係你好彩‧‧‧‧‧ 原來如此,即係如果佢地食得飽就冇事,但食唔飽就...嘿嘿...好彩...

咁我真係想請教一下，"迷你仙"同"侏儒仙"有乜分別呢又？

藍圈係皇帝仙既幼魚，為何會是你口中所講既咩"迷你仙"黎呢？煩請解答一下小弟無知既問題‧‧‧‧‧
查實你搞清楚炮仗花既案例係點未呢？
你似乎唔多睇得明我寫咩

，我係話"因為侏儒仙天性係食珊瑚，所以就算是食物足夠，依然會出現啄珊瑚既情況，無可避免，亦解釋得到，為何你缸中的侏儒只是啄，不是食，你並非是好彩"，如果唔理解清楚別人的說話而胡亂作出判斷，就算呢度有幾多前輩肯教，你亦唔會有絲毫進步‧‧‧‧‧

貓貓樣修改于 2007-08-24 10:51

» 鬧市冰室 » Marine Fish◇海水魚飼養討論◇ 顯示適合列印的版本寄給朋友

看過的文章

新的文章

被刪除的文章

跳轉到

我地有在新的聊天室
即時聊天廣播.

[Processing Time] User:93.27, System:10.92, Children of user:1.69, Children of system:3.74

請大家技持更換新主機啦, 多謝!