鬧 市 冰 室 SID:791259765625000

資料庫 | 相薄共享 | 即時聊天 | 搜尋文章 | RSS | 24 | 用戶注冊 | 用戶登入 | 排行榜 | 文章統計

» 鬧 市 冰 室 » New Member Corner ◇新人必讀◇  

顯示適合列印的版本 顯示適合列印的版本  把這個主題寄給朋友 寄給朋友
按平行模式觀看按樹型模式觀看前一篇主題后一篇主題
作者 新手開缸問題...
bkhsiu





文章: 10
 1 于 2006-08-29 13:27  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
唔好意思... 我系度 (新人必讀) 睇左差唔多1個月各位大佬的post... 咸水缸由7月28號開到而家 no2 仍然系得0.1... 想問下出左什麼問題. 因為真系解決唔到. 希望各位大佬幫幫手....

現提供資料如下.

目標為RT 缸關係. 只會養現有的6條魚. 全部手指公SIZE.
日期 : 7月21日開缸. 每日加乾菌. 每兩日CHECK NO2. 去到28號開始有
                0.1. 到8月13日. 再CHECK NO2 都系只有0.1. 上網問人叫我落蜂皇
                槳. 到而家已用2支. NO2 都系只有0.1
缸 : 30吋長 X 16吋闊 X 22吋高 20吋水位 155升水
濾水 : JEBAO 918 1200L / H 4層 (1層白錦, 2層生物環, 清水防藻樹脂及跟
                濾水器的生物錦.
燈 : HQI 150W X 1 T8 20000K X 2 (因為缸太熱. 而家只開2個鐘每日.
                因為未有錢買水冷. 2手右一出即無. 唉. 我缸昨日溫度成31度. 不過
                魚無事. 食得玩得. 仲好開心.
死士魚 : 全部手指公SIZE. 青魔1條. 黃尾藍魔2條. 10蚊MO 仔3條.
其他 : 蛋白分離. 魚街1舊水貨. 8月3日開始用. 打出黎全部系奶茶. 因為有
                化氮. 無另外再打氣. 鈣沙1包鋪底. 生物石50磅. 仲有好多螺仔隨石
                附送TIM. 清水防藻樹脂半包.

問題 1 : 我想問已1個星期落1次蜂皇槳. 都谷唔起個N - CYCLE .... 我個缸有
               什麼地方出左問題呢??
         2 : 光照時間而家我知系唔夠. 呢幾日內會走去買部水冷機. 海利是否比
               較好的牌子.
         3 : 我呢幾日開始發覺生物石上面的紫苔唔見左好多. 我須唔須要落番鈣水
              呢??? 昨天有個魚鋪的老1闆叫我加鈣水. 我想問呢個時間是否無須要
              做呢D野先呢??? (最後梗系無買喇..)
         4 : 我而家應該開幾耐燈會好D 呢???
         5 : 缸入面的生物 (隨石付送的螺BB, 管虫. 粒粒仔紅色珊瑚) 系高溫下都
              無事. (管虫仲伸手出黎).

附上照片幾張. 煩請各位師父指教.






岩礁園丁
冇離正經
冇離正經



文章: 6138
 2 于 2006-08-29 14:28  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
養水的作用, 如果要詳盡解釋, 可能要動用千字文或萬字夾先可講得清, 但最慘就係一大堆冇乜人識(包括我)的生化及物理的尊業名詞, 很悶....

所以, 我喜歡用簡單的, 人性化的方式來表達, 養水, 即係將一缸普普通的的水變成一缸充滿各種細菌, 生物, 自然生態, 自我淨化, 自生自滅, 百毒不侵的生物水.
( 註, 這裏所講的百毒, 係指自然生物所產生或排放的毒素 )

要鍊成百毒不侵, 首先要自嚐百毒, 才能培養出分解毒素的生物(細菌).
很簡單, 第一步係任由一缸本來清淨的水變成一缸毒水, 再由毒水變成擁有自然生態的細菌水, 就叫做初步完成養水, 但這時的水質還未穩定, 仍是危險的, 隨著飼養時間或歲月的過去, 新水才會漸漸變成舊水, 水越舊, 生態越成熟, 越穩定, 越安全.

所以, 你缸現況, 處理方法如下 :

1. 暫停化氮器.
2. 取走樹脂.
3. 無需加任何硝化菌, 包括蜂皇漿.
4. 每日光照2 - 4小時.
5. 保持流暢的循環水流.
6. 耐心等侯.

祝 開缸愉快 魚樂永享


bkhsiu





文章: 10
 3 于 2006-08-29 15:16  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
知道... 多謝丁兄... 今晚番去關左個化氮先... 唔該哂....

我想問而家缸邊有好多泡. 驚唔驚???

水冷你建唔建議我用潛水泵推呢??? 因為呢幾日想加石. 加個潛水泵造下流. 右可以推水冷.... 幾好...

想問水冷日生同海利邊隻好d呢??? 因為我見到有d話日生ok... 有d就話海利好. 想問我有成150升邊隻會功效好少少?>?? 唔該你... 唔好意思...

而家系唔系走去買舊氣石打氣. (因為我現在只用化氮) 無加氣石打氣.


Kenny





文章: 2286
來自: Shatin, N.T.
4 于 2006-08-29 16:23  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
     0.1即係咩色? (我一向只留意顏色) black eye

你o既意思係開缸到衣家, NO2都維持呢個讀數, 既不明顯增多, 也不減少?

一般人開缸養水o既方法, 大多係一次過買十條八條魚返黎, 製造出大量o既NH3 & NO2去谷d好氧菌成長; 至於d魚就聽天由命. 這個時候, 如果去check水你就會發現如鮮紅色一樣, 命唔夠硬果d魚亦較易係呢個時候死去. 大約過左一個月左右, 你再check水時可能會發覺d水已經無咁紅, 甚至開始轉橙色, 意味住菌o既繁殖量同消化量已經開始追得上現有魚所產生o既NH3 & NO2. 當有一日你check水時見到係黃色時, 菌o既數量已經完全足夠去消耗d現存死剩魚所產生o既NH3/NO2; 咁樣就代表初步養水完成/成功.

點解只算係初步完成/成功? 因為當你發覺水質已經轉好, 可能就會忍唔住去加魚, 如果買番黎o既數量/大小較多較大, 所產生o既阿摩尼亞超出左現存菌所能應付o既量; 如果短期內d菌唔能夠繁殖出足夠o既數量去應付, 咁樣水質又會開始轉壞, d魚就會出現異狀, 甚至死亡.


養魚係一個贏贏的遊戲---a Win-Win game. You can win, I can win, all of us can win in the game at the same time. ^^
岩礁園丁
冇離正經
冇離正經



文章: 6138
 5 于 2006-08-30 00:53  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
我想問而家缸邊有好多泡. 驚唔驚???
新缸新水一鑊泡, 正常唔駛驚, 唔駛理佢.

水冷你建唔建議我用潛水泵推呢??? 因為呢幾日想加石. 加個潛水泵造下流. 右可以推水冷.... 幾好...
用乜推都得, 夠力就得.

想問水冷日生同海利邊隻好d呢??? 因為我見到有d話日生ok... 有d就話海利好. 想問我有成150升邊隻會功效好少少?>?? 唔該你... 唔好意思...
唔敢講邊隻好, 因為未比較過.

而家系唔系走去買舊氣石打氣. (因為我現在只用化氮) 無加氣石打氣.
夠水流唔駛打氣都得.


bkhsiu





文章: 10
 6 于 2006-08-30 12:40  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
多謝KEN 哥及丁兄回覆. 感激.

我昨日的起心肝去買埋個NO3 TESTER.. 現發覺讀數如下.

NO2.. 最淺色0個格.
NO3.. 橙色 ( 即第二格) 即差不多12.5 但不是黃色.

而家每星期換水. 1/5....

因為唔得閑. 今晚一定番去抽番起個防藻樹脂. 聽好多高手講RT 唔好落呢樣野.

再CHECK 水溫右系32度..... 唉.,..... 呢兩日內會買部水冷機嫁喇....

想問.... 加水冷後可唔可以買1隻奶咀玩下???

加多1隻蝦仔得唔得呢???

仲有.... 我本身已有1個草缸....

草缸大獲好多. 生左好多黑毛藻. 因為真系唔想用藥. 想靠換水同埋停止餵食1個星期. 加吸氨石去吸NO3. 睇下可唔可以控制得到. 而吸NO3系我玩咸水魚開始先至去留意的. 昨晚因為買左TESTER 去CHECK NO3. 所以順手CHECK 埋個草缸. 點知出到黎個結果令我好奇怪. 竟然同個咸缸1樣. 橙色... 我以為會爆紅. 我想問系我個缸有問題定系D TESTER 有問題呢??? 唔好意思. 白痴新手問題. 唔好見怪... 多謝回覆...


bkhsiu





文章: 10
 7 于 2006-08-30 12:42  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
Kenny wrote:
0.1即係咩色? (我一向只留意顏色) black eye

你o既意思係開缸到衣家, NO2都維持呢個讀數, 既不明顯增多, 也不減少?

一般人開缸養水o既方法, 大多係一次過買十條八條魚返黎, 製造出大量o既NH3 & NO2去谷d好氧菌成長; 至於d魚就聽天由命. 這個時候, 如果去check水你就會發現如鮮紅色一樣, 命唔夠硬果d魚亦較易係呢個時候死去. 大約過左一個月左右, 你再check水時可能會發覺d水已經無咁紅, 甚至開始轉橙色, 意味住菌o既繁殖量同消化量已經開始追得上現有魚所產生o既NH3 & NO2. 當有一日你check水時見到係黃色時, 菌o既數量已經完全足夠去消耗d現存死剩魚所產生o既NH3/NO2; 咁樣就代表初步養水完成/成功.

點解只算係初步完成/成功? 因為當你發覺水質已經轉好, 可能就會忍唔住去加魚, 如果買番黎o既數量/大小較多較大, 所產生o既阿摩尼亞超出左現存菌所能應付o既量; 如果短期內d菌唔能夠繁殖出足夠o既數量去應付, 咁樣水質又會開始轉壞, d魚就會出現異狀, 甚至死亡.


無錯... 開始CHECK 系0.1,,,, 即NO2 最淺色. 隔日CHECK .... 都昨晚都系0.1... 都唔知點解. 不過無CHECK NO3 .... 只系昨晚才開始CHECK .....


岩礁園丁
冇離正經
冇離正經



文章: 6138
 8 于 2006-08-30 13:18  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
照圖片睇, 你果 d 唔係生物石而係死石, 可能因為咁, 所以氮化物排出唔係多, 因而 no2 冇勁爆.

現在 no2--黃, no3--橙, 即係已經完成了初步 N - CYCLE , 但由於no2 冇勁爆, 亦可以話係谷唔起, 谷唔起就即係魚缸個 loading 有限.

現在可以有兩個選擇 :

一. 可開始緩慢加生物, 一邊養魚一邊繼續養水.

二. 唔加生物住, 繼續加大力度谷 N - CYCLE, 等個 loading 大一d, 到時加生物可以快些少,


Kenny





文章: 2286
來自: Shatin, N.T.
9 于 2006-08-30 15:57  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
你個情況丁丁已經講左, 一d都唔出奇, 無問題o既; 主要因為d魚小/少缸大, 只要唔一次過加得多魚, d菌就會慢慢生慢慢做.

同我開缸一樣, 因為我較為唯美/完美主義, 所以我唔會放棄我o既開缸魚, 亦因此唔係用一般開缸魚(魔類)開缸, 而係用我喜歡o既公子小丑同火鳥黎開缸. 不過實際o既情況係.........開左40寸缸空缸運行左兩日水, 然後加左5隻醫生蝦&2隻火焰蝦養住水先. 過左一個星期見某魚店有新o既活潑小公子小丑(只有1寸)返, 一次過買左三條(之後有一條意外死左, 就去補番條). 再過多2個星期後, 又去買左三條1寸~1.5寸o既火鳥; 隔多兩個星期後又加多三條1.5寸以下o既小藍吊. 之後都係平均每個月只買1~3條2.5寸以下o既小魚小仙, 開左缸6個月從來check水未見過紅, 最多微橙色; 魚亦唔見有離奇暴斃, 而啡苔就係第一個月後就開始爆.

我就係用咁樣o既慢火煎魚式黎養水養菌, 你o既情況可能跟我o既相近, 所以check水唔見紅唔出奇, 並不代表出左問題. 當然, 菌類+其繁殖量如果一直都能夠完全應付到你缸內生物所產生o既阿摩尼亞, 咁樣試水時又點會見紅呢~


養魚係一個贏贏的遊戲---a Win-Win game. You can win, I can win, all of us can win in the game at the same time. ^^
taihung





文章: 78
 10 于 2006-08-30 16:24  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
Kenny兄，咁你個缸即係叫做完成n-cycle未哩? 哩個又係一個乜野嘅現象嚟架? 純水好奇和八卦啫! 請教請教。


Kenny





文章: 2286
來自: Shatin, N.T.
11 于 2006-08-30 17:05  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
其實, 新缸要完成n-cycle只係一種講法, 除非你一世都唔加魚, 如果唔係就無話完唔完成. 新缸要去吹谷完成n-cycle, 目的係要確保缸內有足夠數量o既菌, 以備將來加魚時增加o既負擔, 有能力去減低或化解會超出負荷o既危機.

缸內o既自然生物循環系統:
魚/生物/剩糧產生NH3--->A好氧菌將NH3吸收作食糧並轉化為NO2--->B好氧菌吸引NO2作食糧並轉化為NO3--->NO3為養料被苔/植物所吸引--->魚吃苔/植物.............. 呢個係一個自然循環, 如果缸內o既NH3偏高, A好氧菌有充足o既糧食, 自然會大量繁殖; 相同o既情況同樣發生係B好氧菌上. 相反地, 如果NH3o既產量少左(如死左幾條魚), A菌同B菌o既量亦都會相對地慢慢減少番, 會自動調節. NH3 & NO2對魚係劇毒, 如果超出份量太多就可以令魚死亡(所以先要完成n-cycle, 以備多d菌去應付將來加魚所帶黎o既壓力/負擔.

我係用慢火煎魚式養菌, 只要加魚(產生NH3)o既速度快唔過d菌o既繁殖速度/唔超出d菌o既應付能力, 咁樣系統一直保持住平衡狀態, 試水就一直都唔會見紅, 但d魚又無問題又正常. 咁樣講你明白了嗎?

嚴格黎講, 如果n-cycle係要經過由試水爆紅然後轉變回黃色呢個階段, 我個缸從來無經歷/完成過呢個n-cycle. 不過我個缸一直都保持住平衡好好.


Kenny 修改于 2006-08-30 17:12
養魚係一個贏贏的遊戲---a Win-Win game. You can win, I can win, all of us can win in the game at the same time. ^^
taihung





文章: 78
 12 于 2006-08-30 17:20  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
清楚哂! 咁即係話先完成n-cycle係要嚟做個保障，其實控制倒平衡就算未到或未完成所謂n-cycle都可行嘅! Right?


Kenny





文章: 2286
來自: Shatin, N.T.
13 于 2006-08-30 17:26  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
yup~

只係......可以控制到自己o既購買慾o既人唔多; 好多人都係原本無諗住買, 點知得閒無野做落魚街行個round, 就會忍唔住執番一兩條. 所以都係打定底, 完成左個n-cycle去就穩陣d ^^"

相反地, 就算完成左n-cycle, 但以為無問題, 一買就五六條, 保壞左個平衡, 一樣會壞水同死魚.


Kenny 修改于 2006-08-30 17:29
養魚係一個贏贏的遊戲---a Win-Win game. You can win, I can win, all of us can win in the game at the same time. ^^
bkhsiu





文章: 10
 14 于 2006-08-31 11:41  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
好高興KEN 兄同園丁兄回覆.

好同意KEN 兄回應. 魚有生命. 我唔想因為開缸而大量買入死士. 到搞掂之後右嚴佢地樣衰. 唔要佢地. 話哂佢地都系開國功臣. 兼且目標系RT 缸. 唔想搞大大條0個D. 專心養珊瑚養葵仲好...

我都有覺得而家D石放出NO3. 我昨日已經買左水冷機. SET 左個溫度系28度. 過多1-2 日再較低2度....

已經抽起左防藻樹脂. 加左生物星入去. 開濾筒時發覺水喉同埋生物環已有1層薄膜. 都幾多菌嫁.....

今晚收工返去買1隻醫生蝦玩下先.......

奶咀唔想加住... (見MO 仔夜晚睡在鈣沙上面. ) 好得意. 好開心... 但佢地個屋企想等個環境好番小小先加上去..... 我驚到時3個衰仔爭1張牀...

我會聽園丁 兄意見.呢個星期開始慢慢加石入去....


bkhsiu 修改于 2006-08-31 11:47

» 鬧 市 冰 室 » New Member Corner ◇新人必讀◇  

顯示適合列印的版本 顯示適合列印的版本  把這個主題寄給朋友 寄給朋友
按平行模式觀看按樹型模式觀看前一篇主題后一篇主題
  看過的文章
  新的文章
  被刪除的文章		跳轉到

我地有 在新的聊天室
即時聊天廣播.
Hosted by DownTown®
All Rights Reserved.

[Processing Time] User:0.34, System:0.04, Children of user:0.02, Children of system:0.03


請大家技持更換新主機啦, 多謝!