鬧 市 冰 室 SID:791259765625000

資料庫 | 相薄共享 | 即時聊天 | 搜尋文章 | RSS | 24 | 用戶注冊 | 用戶登入 | 排行榜 | 文章統計

» 鬧 市 冰 室 » New Member Corner ◇新人必讀◇  

顯示適合列印的版本 顯示適合列印的版本  把這個主題寄給朋友 寄給朋友
按平行模式觀看按樹型模式觀看前一篇主題后一篇主題
前一頁  1   2  后一頁
作者 停養魚一個月
Cindy





文章: 90
 1 于 2006-05-02 13:51  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
請問停養魚一個月，可清白點病，可否清埋d真菌??
因為我每放新落缸，d魚的骨都會慢慢呈紅色，我懷疑有菌angry
如果唔可以，又可以點清呢?

請前輩指教~~
萬分感激!!smile


Kenny





文章: 2286
來自: Shatin, N.T.
2 于 2006-05-08 10:50  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
Cindy wrote:

因為我每放新落缸，d魚的骨都會慢慢呈紅色，我懷疑有菌angry



照道理, 停養魚一個月, 缸內所有寄生菌都應該死得7788. 不過妳講呢個情況係咪因為菌而形成呢?

我以前試過兩次類似案例, 就係條魚近頭/背o既地方o既近骨肌肉帶微紅色仲好似有血絲咁. 一條不久後死左, 另一條則記憶猶新, 係1寸左右o既藍咀仔, 買番黎後大約一至兩個星期就出現咁o既情況, 但佢仍然食得野. 我以為佢比大仙打, "西"起佢黎養, 過左一個星期左右果d紅色/血絲慢慢消失, 最後條藍咀仔養到2寸半都未再出現類似情況. 個人覺得未必係由菌所形成, 但其實魚o既問題好多地方都係我地不知o既領域, 唔同o既環境可能有唔同o既情況有唔同o既起因. 我地可以做o既只係盡量做到最好, 成功也好失敗也好從中吸取經驗.


養魚係一個贏贏的遊戲---a Win-Win game. You can win, I can win, all of us can win in the game at the same time. ^^
Cindy





文章: 90
 3 于 2006-05-09 14:00  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
 多謝Kenny的回覆~~~smile

你所講的情況跟我的經歷差不多!!
可能這些只是平常事擺了....
養海水魚真的很難......


Kenny





文章: 2286
來自: Shatin, N.T.
4 于 2006-05-09 16:07  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
其實要養海水魚話難唔難, 話易亦都唔係咁容易. 不過, 如果真係鍾意同有決心養, 我通常都建議朋友要買一個大缸(最好36寸或以上連沙缸)同充足o既設備黎開始; 因為大缸o既水質較穩定較易掌控, 就算唔小心污染左水質危害也相對較少.

初養魚o既朋友都會有一種通病, 就係買左幾條魚返去試水, 過左一兩個星期後發現好似無問題後, 就心思思又想去買魚; 可是菌o既成長需要時間同棲息處, 一但超過左d菌所能應付o既量, 產生出黎o既阿摩尼亞便開始毒害魚; 這時, 細缸同大缸o既受害情況就明顯有差別. 大缸因為可以載更多o既水, 毒害o既情況會黎得無咁直接同嚴重, 發現有異狀時可能換多d水可以減輕下情況, 細缸就少左緩衝時間.

或者有d人會抱住我初初試下養, 梗係買個細缸預少d budget越好啦. 其實呢個觀念較唔適合用係養海水魚上. 細缸只較適宜俾d有經驗o既人去養, 因為佢地已經較為掌握到點樣控制水質, 點樣去補救, 點樣去醫常見o既病.....等等. 當然, 如果環境上或經濟上暫時唔允許就無計啦; 咁樣只可以用個細缸開始, 再加上"勤"和"心"黎補夠.


養魚係一個贏贏的遊戲---a Win-Win game. You can win, I can win, all of us can win in the game at the same time. ^^
Cindy





文章: 90
 5 于 2006-05-10 13:18  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
 再次多謝Kenny的回覆及教悔∼∼∼∼∼

容許我在這裏發幾句牢騷tongue

屋企細又唔可以用太大的缸，所以選擇左24"缸
見魚友們都話新魚需要檢疫，所以買多個細缸作檢疫之用

魚有病(多數白點)，醫唔好(但又唔死)，掉了牠又覺得很可惜，唔掉又因為有魚在缸裏，不能徹底殺菌。而家有兩條病魚在檢疫缸裏醫病，所以就算個大缸standby左，新魚都做唔到檢疫，買魚的日子將遙遙無期.........

其實係呢係(鬧市)睇過好多post，知道養海水魚是需要耐性，"等待"對我來說並不是痛苦的事，最難忍受的是家人的說話："你個魚缸成日都冇魚的，都養左年幾啦，都冇d野睇下的!"，"又買多個缸，駛唔駛咁誇張呀!"，唉! 佢地都唔明!

有時真的有唸過放棄，但又唔咁心，希望我可以堅持下去啦..........dead
唔知各位魚友有否這些經驗呢?


capmo





文章: 1237
 6 于 2006-05-10 23:29  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
師姐,

如已開缸年餘並已閱讀前人之宝鑑及新人必讀,理應已掌握基本概念及檢疫方法. 我開缸比你遲, 但每次加魚, 拺魚小小心心及做足檢疫足夫, 養好缸魚並非難事, 而鬧市中各版主及鱼友亦多會盡力提供意見, 所以不需氣餒.

既已吉缸一月, 主缸內之白點亦應死清, 剩下來祇是用妥揀魚及檢疫工夫,便可放魚入缸,從新開始. 24"缸係新人之最佳選擇,現已有甚麽设備, 不如 post 張相上來一齊研究.

繼續努力!

capmo


k99991123





文章: 232
 7 于 2006-05-11 01:06  觀看該用戶的個人資料  ICQ ： 160193839  搜尋這個用戶發表的所有文章  把文章內容复制到剪貼板。 只适用于 IE :-)
我又試過令到魚有身出血班,體內骨邊出血絲,但佢又好食得,係三角黃吊,後來發覺
係我養得太多紫菜(四洲公仔麵入面個包,但已浸淡水)@@"
咁都會有事,最後停了一排就冇左血班,仲養到大條左^^"


Kenny





文章: 2286
來自: Shatin, N.T.
8 于 2006-05-11 10:05  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
妳首先要讓妳屋企人明白, 咸水魚絕對唔同淡水魚, 唔可以用兩者黎比較. 起碼淡水魚絕對係相對黎講粗生好多, 較惡劣o既環境佢地都可以忍耐到一段時間, 就算迫到好似籠屋咁都未算大問題; 咸水魚就完全唔得, 寧可安全都唔敢亂加魚(貴精不貴多), 以免影響左個N-cycle o既平衡就會出現問題多多, 嚴重d仲可能會全軍覆沒. dead

其實話難都唔算難, 未成功就放棄總會讓人覺得有d可惜, 有問題便上來找舊post看或post出黎問好了. 繼續加油吧, 奸爸爹~


養魚係一個贏贏的遊戲---a Win-Win game. You can win, I can win, all of us can win in the game at the same time. ^^
LC





文章: 2537
 9 于 2006-05-11 10:16  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
可考慮落SB-02醫魚，不知這藥的成份，但這藥對於白點和無名腫毒都很有效，反正現時醫唔好，一試無妨。


貓貓樣
又惌又臭，燒佢把啦
又惌又臭，燒佢把啦



文章: 2612
來自: 一千萬光年以外的貓樣星!!
10 于 2006-05-11 10:22  觀看該用戶的個人資料  ICQ ： 289915944  搜尋這個用戶發表的所有文章  把文章內容复制到剪貼板。 只适用于 IE :-)
Cindy wrote:
再次多謝Kenny的回覆及教悔∼∼∼∼∼

容許我在這裏發幾句牢騷tongue

屋企細又唔可以用太大的缸，所以選擇左24"缸
見魚友們都話新魚需要檢疫，所以買多個細缸作檢疫之用

魚有病(多數白點)，醫唔好(但又唔死)，掉了牠又覺得很可惜，唔掉又因為有魚在缸裏，不能徹底殺菌。而家有兩條病魚在檢疫缸裏醫病，所以就算個大缸standby左，新魚都做唔到檢疫，買魚的日子將遙遙無期.........

其實係呢係(鬧市)睇過好多post，知道養海水魚是需要耐性，"等待"對我來說並不是痛苦的事，最難忍受的是家人的說話："你個魚缸成日都冇魚的，都養左年幾啦，都冇d野睇下的!"，"又買多個缸，駛唔駛咁誇張呀!"，唉! 佢地都唔明!

有時真的有唸過放棄，但又唔咁心，希望我可以堅持下去啦..........dead
唔知各位魚友有否這些經驗呢?


很多正想踏入火坑(養魚界)既朋友都缺乏對呢個火坑既充足認知，亦沒有考慮清楚自已想要既是甚麽，只想有缸魚，無諗過係養邊類魚，個魚缸需要啲乜，而且一黎就個缸有幾大做幾大，又或者係有幾細得幾細等•••••最常聽倒既話，想養mo仔！！又係mo仔，養魚都有潮流既原來，到千辛萬苦先買齊晒所有需要既，又發覺原來好多都無乜用(十成俾啲舖老坤)，又要俾錢再買過•••••搞完一大輪，一心以為可以落魚喇，原來好戲依家先開始上演，所落既魚死完一打又一打(注意，係一打，因為買魚對新養既朋友黎講，係一件非常過癮既事，尤其係撈十蚊兜魚仔，足可以俾一對小情侶玩足成個鐘)，死完又買，買咗又不停死，簡直係無間地獄一樣，呢個時候好多有經驗既朋友就會指出你個缸既設計有乜問題，亦有唔同既提議，咁你個心又會諗，乜又要買呀？！，開缸嗰陣已經買咗好多喇喎，跟住又輪到屋企人投訴，通常都係話你個缸養咗咁耐都係得兩條魚毛，個缸咁大有乜用等，原因係想打擊你，等你唔好再搞埋啲咁鬼煩既嘢•••••好喇，到你死捱爛捱，捱到過年，又想有靚魚過年，又去買，跟住•••••結果就係玩到意興闌珊，摺埋唔玩囉•••••有啲朋友自己又百足咁多爪，成日都唔響屋企，莫講話換水，就算係餵食都無時間，啲魚差唔多要一個月先有一餐，搞到個缸一劈屎咁•••••以上既所有問題，都只源於沒有用理性去考慮清楚自己將要做既事情，只係一諗倒就去做，結果除咗羲生無數魚兒既生命外，仲搞到自己一褲都係，魚又養唔倒，亦白白浪費咗自己既時間同埋精神，各位成年人，想養魚既話，好好坐低上下網，搵多啲料，諗清諗楚先喇唔該•••••


貓貓樣 修改于 2006-05-11 10:24
Kenny





文章: 2286
來自: Shatin, N.T.
11 于 2006-05-11 10:23  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
補充一句, 養左3幾個月以上o既魚通常已經較粗壯, 唔會太易死. 我試過一次見到佢地有中等程度o既白點, 因為有某d原因所以無醫佢地, 最後6條魚只死左一條, 果條係食量開始減少o既小仙(約2寸至2.5寸); 其他o既過左2~3個星期就自動痊癒左. 所以養耐左o既魚體質會變得較強, 只要過渡左新魚果三幾個月o既階段, 便會變得較易養. 要留意o既其實係買新魚時, 最好小心d同埋多d觀察後, 發現無乜大問題先好買, 有懷疑都唔好買. 因為一唔小心, 唔只新買o既可能三兩日內就釘, 仲帶埋d菌俾缸內d魚咁就一鑊粥.


養魚係一個贏贏的遊戲---a Win-Win game. You can win, I can win, all of us can win in the game at the same time. ^^
Cindy





文章: 90
 12 于 2006-05-11 12:35  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
LC wrote:
可考慮落SB-02醫魚，不知這藥的成份，但這藥對於白點和無名腫毒都很有效，反正現時醫唔好，一試無妨。


我用過了，都唔得.....
初時好似有好轉，但後來白點又多番.....
後來魚身仲開始有爛肉燒鰭，鯺有d棉花，好似百病纏身咁!dead　
我唸我會放棄佢disapprove，重新開始！evil因為佢係度我冇法檢疫新魚....

另外想問LC兄如果個檢疫缸冇魚（但有生物環，化氮），養過呢條有病的魚後，又駛唔駛再等一個月先可放新魚呢？定有方法可以縮短這個時間呢？ｄ白點蟲會否躲在濾材裏？


Cindy 修改于 2006-05-11 13:10
Cindy





文章: 90
 13 于 2006-05-11 13:15  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
多謝大家的分享及支持，我會繼續努力的！！wink


Cindy





文章: 90
 14 于 2006-05-11 13:19  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
to 貓貓樣

你ｄ公仔好得意ｗｏｒ∼∼∼


Cindy





文章: 90
 15 于 2006-05-11 13:26  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
Kenny wrote:
妳首先要讓妳屋企人明白, 咸水魚絕對唔同淡水魚, 唔可以用兩者黎比較. 起碼淡水魚絕對係相對黎講粗生好多, 較惡劣o既環境佢地都可以忍耐到一段時間, 就算迫到好似籠屋咁都未算大問題; 咸水魚就完全唔得, 寧可安全都唔敢亂加魚(貴精不貴多), 以免影響左個N-cycle o既平衡就會出現問題多多, 嚴重d仲可能會全軍覆沒. dead

其實話難都唔算難, 未成功就放棄總會讓人覺得有d可惜, 有問題便上來找舊post看或post出黎問好了. 繼續加油吧, 奸爸爹~


其實我向來養魚都只是三幾條，應該唔算多吧，但只怪自己以往未發現檢疫的重要性，故到目前為止都未成功



» 鬧 市 冰 室 » New Member Corner ◇新人必讀◇  

顯示適合列印的版本 顯示適合列印的版本  把這個主題寄給朋友 寄給朋友
按平行模式觀看按樹型模式觀看前一篇主題后一篇主題
前一頁  1   2  后一頁
  看過的文章
  新的文章
  被刪除的文章		跳轉到

我地有 在新的聊天室
即時聊天廣播.
Hosted by DownTown®
All Rights Reserved.

[Processing Time] User:59.96, System:7.29, Children of user:1.14, Children of system:2.66


請大家技持更換新主機啦, 多謝!