SID:791259765625000 資料庫 | 相薄共享 | 即時聊天 | 搜尋文章 | RSS | 24 | 用戶注冊 | 用戶登入 | 排行榜 | 文章統計

» 鬧 市 冰 室 » Tank Log ◇魚缸記錄◇    顯示適合列印的版本   寄給朋友

作者	20"RT紀錄
旅情 文章: 31	1 于 2004-11-02 00:53      正式轉咸水缸，鋪左白沙(貪靚!)，溝左鹽，但溝極鹽度計都唔升，可能我直接倒鹽入缸d鹽難溶，又或者我孤寒落得唔夠，唔理住，明日加生物石再度下，唔夠再落:d 暫時設備如下： p10 濾筒 36w pl 燈 (未轉藍白管，反正有排都冇住客)

tlam 文章: 422 來自: 澳門

2 于 2004-11-02 01:40           旅情 wrote: 溝左鹽，但溝極鹽度計都唔升，可能我直接倒鹽入缸d鹽難溶，又或者我孤寒落得唔夠 每隻鹽都有說明多少水要加多少鹽, 你看看說明就知是"難溶"還是"孤寒".

七仔 好玩唔玩玩養魚！！！ 文章: 3984 來自: 2716

3 于 2004-11-02 02:07      旅情兄： 先恭喜你順利開缸 唔好唔理住呀鹽度比重出入少少無問題，出入大就會嚴重影响生物石入面的生物。開缸水質已經是不穩定了，如果比重都出問題就......... 點解咁大意直接倒鹽落缸呀？唔好落生物石住，攪好比重先啦 白沙開缸時靚，遲d變灰沙又如何 祝順利！ 七仔 修改于 2004-11-02 02:09

旅情 文章: 31

4 于 2004-11-03 01:28      多謝各位賜教 返黎嗱嗱聲搞好比重便加了十二大磅生物石。 在宏x買舊舊成座山咁，唯有返屋企自己扑爆佢，整細件d。 洗石時ko了一隻蟹仔big smile 落缸後發現有好多小生物 big smile 希望都係好野黎啦 另 外揀石時亦揀左D有植物附上的，各位睇下圖 幫手話我知係乜,同埋有冇害？要唔要強光養住？仲有上面好多類似絲藻的物體，會唔大爆發架？好鬼驚 THX 黎緊就係漫長O既等待 sad 全景 旅情 修改于 2004-11-03 01:32

旅情 文章: 31

5 于 2004-11-03 01:30      植物一

旅情 文章: 31

6 于 2004-11-03 01:31      植物二

旅情 文章: 31

7 于 2004-11-03 01:31      植物三

旅情 文章: 31

8 于 2004-12-09 22:43      咁耐冇update過資料，真係太懶啦，因為我掛住打機 眨下過左漫長o既一個月，呢個月入面實在忍得我好辛苦至冇買魚，依家報告下期間o既過經過 •開缸第十二日開始出現啡藻 •第十四日出左去買一粒螺同一隻藍腳寄居蟹，同時跟魚友要了一件分枝提子及豬腰 •第二十一日向魚友要了葡萄藻(後丟了，因生得不健康)、草皮(細碎多件)。但同時發現寄居蟹幾乎唔郁，已知不妥，佢買返黎頭幾日好地地，我諗黎諗去相信係前一晚我加淡水(因海水蒸發關係)落缸時，一次過加得太多，而且冇留意佢就o係正我加水位之下，即係一盤淡水照頭淋左好耐，於是搞到佢內傷，終於開缸約一個月證實不治，成為缸中第一位辭世生物 •第二十八日因寄居蟹已頻死，啡藻依然多，於是加多兩粒食苔螺，同時買左隻醫生蝦，又要了鈕扣及菇 •第三十五日終於過左成個月，肉眼觀察魚缸水質穩定，珊瑚及蝦都ok，決定買條公子小丑，實在忍唔住啦！同日向魚友要了海柏，並發現缸中一粒螺失踪，暫不列作死個案 現時缸中生物： 1 x 公子小丑 1"── 狀態ok，已肯食乾糧，觀察多日就可放監 1 x 醫生蝦small size── 超活躍搶野食 1 x 食苔螺 ──活躍中 現時缸中珊瑚： 1 x 提子 1 x 豬腰 n x 碎草皮 3 x 鈕扣(三件顏色各不同) 1 x 紅海柏 1 x 綠菇 現時缸中設備： •20"缸約70升 •hydor p10 濾筒連同牌子的暖管裝置 •36pl x 2 分別係2藍加1籃1白 •水中搖頭pump 小結： 經過個多月，維持每周換水次，約5-10%，加點去氯水(prime)及鈣水(kent)，水質尚可，冇用任何tester，全看舊文掌握變化，在此感謝各位的經驗，真係好準，十二至十四日即爆啡苔，根本唔使tester量度，故我亦深信兩個月n-cycle即完成，只係實在忍唔住買左條小丑，不過我相信條魚頂得住，準備等個缸完全穩定，夠哂兩個月時限後先再加魚。 另外，值得一提的是我依家冇用skimmer的，呢段期間掙扎左好耐，因為魚缸實在冇位，亦覺得skimmer原理有一定缺陷，因不管好壞微生都會分離，經在網上研究過不同人不同經驗，我相信開缸初期唔需要用，細缸亦可不用。 不過，skimmer係長時間維持水質的好方法，經衡量後決定遲d會加返，但係間歇性使用，打算每周換水後開一天便移除，不過最終係點會視乎實際情況而定。各位有意平讓red sea氣木式skimmer請pm我 最後，大家有留意開缸過程就知道我所有珊蝴都是向魚友要的，一來魚友放出來的會有細size適合我，二來最重要價錢一般平d，新手可以多d留意呢度和友網的交易區，可以執到好野之餘，又唔使一開波就咁大budget，即使因自己技術不濟而整死件野，都冇咁肉赤。如大家有細碎珊瑚平讓都歡迎pm我，多謝！ 以後會勤力d報告同補相

chinchiu 文章: 215

9 于 2004-12-11 17:23      Hey friend, beware of the red bubble algae, if condition is feasible, they will spread all around and i still can't find any natural consumer of the red bubble algae.......take care

旅情 文章: 31

10 于 2004-12-11 17:29      chinchiu兄 係呀 我之前唔識野 後來睇舊文得知唔係好野 已經將個D紅色波波苔解左啦 依家見一粒殺一粒 多謝關心！

» 鬧 市 冰 室 » Tank Log ◇魚缸記錄◇    顯示適合列印的版本   寄給朋友

看過的文章   新的文章   被刪除的文章

跳轉到 Notice@Downtown◇版務公告區◇   |- Townhall@Downtown ◇鬧市大會堂◇ Beginners Topics ◇新手學習◇   |- New Member Corner ◇新人必讀◇   |- Special collection ◇秘奧義精華特集◇   |- Creatures Profile ◇生物檔案◇   |- Theory & Partice ◇理論與實踐◇   |- P Aqua Note ◇P水族筆記◇ Aquarium Discussion ◇水族飼養討論◇   |- Medical Care◇藥物及魚病版 ◇   |- Marine Fish◇海水魚飼養討論◇   |- Coral Keeping◇珊瑚飼養討論◇   |- Living Creature Experience ◇生物心得◇   |- Freshwater Creature ◇淡水生物飼養討論◇ Aquarium Sharing ◇水族飼養分享◇   |- Digi Tank ◇數碼魚缸◇   |- Photo Share ◇圖片共享◇   |- Tank Log ◇魚缸記錄◇ Equipment ◇ 器材心得 ◇   |- DIY Area ◇自製區◇   |- Protein Skimmer ◇化氮器材◇   |- Chiller, Cooler ◇降溫器材◇   |- Sterilizer ◇殺菌器材◇   |- Lighting ◇照明器材◇   |- Filter Media and Equipment ◇過濾器材◇   |- Water Current/Stream/Pump ◇造流器材◇   |- Calcium Reactor ◇鈣反應器材◇   |- Ozone, ORP ◇臭氧器材◇   |- Misc. Equipment ◇其它器材◇ Marketplace ◇市場交易 ◇   |- Aqua Thing Exchange ◇易手交換◇   |- Fish & Shop, Press & News ◇魚市行情◇ Topic@Downtown ◇鬧市話題◇   |- Other Keeping◇其它飼養討論◇   |- Other Discussion◇其他討論◇   |- Photography ◇Shot Shot地◇

我地有 在新的聊天室
即時聊天廣播.

[Processing Time] User:44.94, System:5.26, Children of user:0.73, Children of system:1.7