SID:791259765625000 資料庫 | 相薄共享 | 即時聊天 | 搜尋文章 | RSS | 24 | 用戶注冊 | 用戶登入 | 排行榜 | 文章統計

» 鬧 市 冰 室 » Freshwater Creature ◇淡水生物飼養討論◇    顯示適合列印的版本   寄給朋友

作者

請問將草插過會困難嗎?

根佬 文章: 44 來自: 香港柴灣

1 于 2004-08-11 22:57        我好多野都唔識, 請各位草友多多指點..thks! 我想問... 如果養草一段時間, 想重新埶下位置..這時候, 根巳經穏固, 如果拔掉再重新插過, 係咪會困難呢?- 最主要係唔想令水混濁 再者拔除舊草,插過d新草會唔會令生態環境改變..d魚唔適應而死亡呢? 生物環 - 有乜作用? p.s. Mareal 兄.. 你的相我睇到啦, 草生得好茂密..養幾耐先有咁效果呀?..孔雀, 紅緣燈同中間有條黑綫既魚(係咪皇帝燈?)..可以一齊養既咩? 我今晚終於攪掂燈同過濾啦... 哈哈..燈好普遍, 係9w既孖光管..濾桶買左個eden 501.. 今晚有覺好訓lu..... 樂於助人, 自得快樂..... 缸 : 14X9X8 EDEN 501 - 生物環/生化綿/草泥丸 CO2 - 兩秒1泡 燈: 22W PL 魚 : 金條X7; 金青台X1, 女王X2; 維吉爾X2 草 : 水榕, 鐵皇冠, 綠松尾, 小對葉, 寶塔, 莫絲, 牛毛[$#27658], 紅蝴蝶

mareal 文章: 98

2 于 2004-08-12 10:24      如果拔掉再重新插過, 係咪會困難呢? 唔會, 因為好多草種(各種太陽草)要修剪o既時候都需要剪下面, 即係要成枝掹起, 由底部剪到需要o既高度, 再重新再插, 所以佢地o既根唔會生得太誇張, 除非你剪草o既時候都係唔理三七廿一剪頭啦, 咁隔得幾個月 D 根就生得勁喇. 最主要係唔想令水混濁, 再者拔除舊草,插過d新草會唔會令生態環境改變..d魚唔適應而死亡呢? 掹草插草, 塵土飛揚係無可避免嫁啦, 不過只要你o既過濾系統成熟, 幾個鐘頭內就可清番晒, 冇問題o既. 生物環 - 有乜作用? 養菌, 比硝化菌依附生長. 其實如果光照同co2足夠o既話, 唔駛一個月已經會變成咁, o係左面o既一大"汁"普通太陽我大約兩三個星期前剪到佢得番6"度, 而家已經生高左4"-5", 最慘係佢唔止高得快, 仲係咁爆頭, 爆頭即係o係主幹不斷生 D 分枝出o黎, D 分枝生得三四吋又可以剪出o黎插泥種, 咁就又多一棵, 以佢地幾何級o既生長速度, 好快就變咁, 仲會一發不可收拾tim, 不過唔知點解呢 D 咁o既草出面賣幾貴下, 成十幾蚊枝嫁, 但係我o個 D 就梗係唔駛錢嫁啦. 不過其實唔止太陽, 好多陽性草都係生得好快, 真係~~~~天天長大我天天高~~~嫁, 如果唔係我點解咁頭痕丫. 所以為左我條腰骨著想, 我每次一剪就剪短好多, 如果唔係要個個禮拜剪草我就死得o羅. 孔雀就係我女朋友o係好早o既時候買o既, o個陣我乜都唔識, 以為乜都得嘛, 不過後尾雖然知道水草缸唔係太適合孔雀, 但係見佢地又生活得幾好, 仲生倒仔, 咪由得佢lu, o個條有黑色間o既叫四間, 其實係算惡惡地o既魚, 會追下其他魚嫁, 不過見佢都係係咁意追下, 所以冇理佢, 佢好抵死嫁, 我伸隻手落缸整o野o個陣佢會走埋o黎啄我隻手嫁, 其實好多燈魚都好善良, 養埋冇問題o既. 但係你個缸得 9W 燈如果要種陽性草好似窄左少少噃, 不過我唔係好明你 9W 孖管係o個 D 9W o既孖管型光管丫, 定係有兩枝 9w, 不過照用住先啦, 唔夠先再諗都未遲.

根佬 文章: 44 來自: 香港柴灣

3 于 2004-08-12 11:47        各位草友, Mareal 兄 早晨! 乜原來剪草係由根部向上剪的嗎?..剪去根部草都可以再生? 咁係咪那種大葉種的..例如皇冠類就只修剪葉既部份? 我想買些草扎沉木, 可介紹有那種草可扎嗎? 係咪用魚絲將根綁在木上就可以了? p.s. Mareal 兄.. 唔怪得你話剪草會咁辛苦啦.. 哈哈... 如果你個缸有 三四呎既.. 真係成晚陪佢玩都得lu..... 我而家都係細缸玩住陰草先嗟.. 9w 燈比我原先用開既巳經好好多了... 話時話.. 見你地養草咁鬼靚,..真係心思思想起多個18-24" 陽草缸呀... 樂於助人, 自得快樂..... 缸 : 14X9X8 EDEN 501 - 生物環/生化綿/草泥丸 CO2 - 兩秒1泡 燈: 22W PL 魚 : 金條X7; 金青台X1, 女王X2; 維吉爾X2 草 : 水榕, 鐵皇冠, 綠松尾, 小對葉, 寶塔, 莫絲, 牛毛[$#27658], 紅蝴蝶

mareal 文章: 98

4 于 2004-08-12 13:01      乜原來剪草係由根部向上剪的嗎?..剪去根部草都可以再生? 咁係咪那種大葉種的..例如皇冠類就只修剪葉既部份? 其實剪上面都得, 不過肉酸少少, 剪完佢會o係邊狂爆頭, 唔係咁好睇o羅. 唔好話剪左根, 剪剩一枝仔都生得番出o黎. 剪爛葉得, 葉連莖剪晒都得, 如果皇冠就唔駛點剪, 除非爛, 因為佢生得好慢. 不過有 D 類似型態o既陽性草例如大捲浪咁就可以係咁剪, 好快生番出o黎. 我想買些草扎沉木, 可介紹有那種草可扎嗎? 係咪用魚絲將根綁在木上就可以了? 好多陰性草都得, 皇冠類, 水榕, 莫絲, 你見我個陰性缸入面咪札左莫絲落沉木, 石頭同發泡膠波度 lu. 仲有中間札左 D 鹿角鐵皇冠o係塊瓦仔上面 lu. 自己整好好玩嫁. 如果有根咪綁根, 如果係莫絲o個 D 就成塊"達"o係舊木上面綁住就得. 我個缸就得兩呎啫, 算唔太大, 我而家咁就小搞就幾個字, 大搞就兩三個鐘嫁, 係辛苦 lu 但係搞完見倒成果就乜都抵晒啦. 見你地養草咁鬼靚,..真係心思思想起多個18-24" 陽草缸呀... 我相信你好快就會, 如果你屋企地方許可, 快則幾日, 慢則幾個禮拜你就實忍唔住啦, 如果係我而家都唔會有 5 個缸啦, 我玩左幾個月咋......... 唉......... 極速中毒..........

根佬 文章: 44 來自: 香港柴灣

5 于 2004-08-12 17:24        好野..終於重新將d草整理過啦...之前插到齊輯輯咁, 好似人家零售水草, 真係睇見都唔開胃..多謝Mareal 兄話我知可以亂掹亂剪都得..而家插過之後比較滿意d啦.. thks.. 我頭尾養水都4/5日, 而家重新插過哂d草, 駛唔駛等多4/5日先放魚呀..??? 各位魚友請比d意見...唔該哂.. p.s. Mareal 兄....乜你玩緊5缸草咁多呀....哈哈, 真係淨草痴啊..!! 樂於助人, 自得快樂..... 缸 : 14X9X8 EDEN 501 - 生物環/生化綿/草泥丸 CO2 - 兩秒1泡 燈: 22W PL 魚 : 金條X7; 金青台X1, 女王X2; 維吉爾X2 草 : 水榕, 鐵皇冠, 綠松尾, 小對葉, 寶塔, 莫絲, 牛毛[$#27658], 紅蝴蝶

mareal 文章: 98

6 于 2004-08-12 18:32      你等得咪等多兩日lu, 你 D 水清番未丫? 如果好快就清番就差唔多, 當然要完全成熟係要耐 D(成個月), 不過差唔多都OK啦. 我覺得......... 我五個缸梗係唔係全部都你草缸啦, 一陽一陰, 一個金魚, 一個蝦仔, 一個係監倉.

» 鬧 市 冰 室 » Freshwater Creature ◇淡水生物飼養討論◇    顯示適合列印的版本   寄給朋友

看過的文章   新的文章   被刪除的文章

跳轉到 Notice@Downtown◇版務公告區◇   |- Townhall@Downtown ◇鬧市大會堂◇ Beginners Topics ◇新手學習◇   |- New Member Corner ◇新人必讀◇   |- Special collection ◇秘奧義精華特集◇   |- Creatures Profile ◇生物檔案◇   |- Theory & Partice ◇理論與實踐◇   |- P Aqua Note ◇P水族筆記◇ Aquarium Discussion ◇水族飼養討論◇   |- Medical Care◇藥物及魚病版 ◇   |- Marine Fish◇海水魚飼養討論◇   |- Coral Keeping◇珊瑚飼養討論◇   |- Living Creature Experience ◇生物心得◇   |- Freshwater Creature ◇淡水生物飼養討論◇ Aquarium Sharing ◇水族飼養分享◇   |- Digi Tank ◇數碼魚缸◇   |- Photo Share ◇圖片共享◇   |- Tank Log ◇魚缸記錄◇ Equipment ◇ 器材心得 ◇   |- DIY Area ◇自製區◇   |- Protein Skimmer ◇化氮器材◇   |- Chiller, Cooler ◇降溫器材◇   |- Sterilizer ◇殺菌器材◇   |- Lighting ◇照明器材◇   |- Filter Media and Equipment ◇過濾器材◇   |- Water Current/Stream/Pump ◇造流器材◇   |- Calcium Reactor ◇鈣反應器材◇   |- Ozone, ORP ◇臭氧器材◇   |- Misc. Equipment ◇其它器材◇ Marketplace ◇市場交易 ◇   |- Aqua Thing Exchange ◇易手交換◇   |- Fish & Shop, Press & News ◇魚市行情◇ Topic@Downtown ◇鬧市話題◇   |- Other Keeping◇其它飼養討論◇   |- Other Discussion◇其他討論◇   |- Photography ◇Shot Shot地◇

我地有 在新的聊天室
即時聊天廣播.

[Processing Time] User:60.92, System:8.13, Children of user:1.31, Children of system:2.78