鬧 市 冰 室 SID:791259765625000

資料庫 | 相薄共享 | 即時聊天 | 搜尋文章 | RSS | 24 | 用戶注冊 | 用戶登入 | 排行榜 | 文章統計

» 鬧 市 冰 室 » Aqua Thing Exchange ◇易手交換◇  

顯示適合列印的版本 顯示適合列印的版本  把這個主題寄給朋友 寄給朋友
按平行模式觀看按樹型模式觀看前一篇主題后一篇主題
前一頁  1   2  后一頁
作者 無良奸商之首 ( 正視！！！)
wallaceiris





文章: 4
 1 于 2004-03-12 02:14  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
代友張貼，請大家正視！

我係2003年10月初係旺角魚街向科x水族買?一套40*30*20的魚缸連沙缸同櫃同楣,另加海利泵共$3400.00...科x話兩個星期有貨但一直到我去追科x(約三星期)佢先話來?幾日啦......而科x代我call佢公司相熟的貨van送貨...運費我自己俾.
豈料送貨當晚,跟車師傅走後我發現少?支化氮.於是我致電科x搵到一名叫阿偉的男職員話送少?支化氮...我一句話尚未講完,阿偉已好大聲咁強調一切送貨的事同我們冇關!我繼續和阿偉理論...點知佢一句話我一陣打俾你...係我仲未來得切反應的時己收?我線....我當時都幾嬲...但我都明白佢可能做緊生意..所以我都係忍?.但好奇怪我出去掉垃圾時竟發現支化氮係門口...當然我一直都等唔到科x的電話...最後我致電話俾阿偉知支化氮係我屋企門口。
搵到支化氮之後,我發現魚缸個櫃門高低,個魚缸蓋的百葉門一葉疏一葉密,相當難睇,而且門高得七吋,而唔係?陣講的十一吋。於是我再一次致電科x,阿偉就強調唔關佢事,係關乎做櫃師父的?題,佢話要問?師父先可以話返我知,話口未完偉哥又一次收?我線,我只能好無奈咁等佢電話,當然直至第二日下午我致電科x時都仲未等偉哥電話。
第二日下午我致電科x,我有少少怒氣咁問阿偉咁解話覆又冇覆到我,佢話工廠?邊剛剛覆,話冇問題會換過俾我,兩個星期就ok!櫃門就要等佢再覆我。
我以為冇咩問題於是相約SET魚缸的師傅上來SET魚缸,師傅上?來擺哂陣,整整?竟發現其中一個上落水的喉位細?,於是我又—次致電科x,阿偉竟然同我講話"我做?遲D打俾你,唔該都冇句又收我線,我有D燥咁再一次致電同阿偉話你可唔可以聽我講埋先呢,我屋企依家有個師傅係度等緊?,但阿偉竟要我叫個師傅將個位鑽大少少嘛得囉,個師傅聽到梗係唔制啦,有咩事起上來邊個負責呀?後來偉哥就話唔緊要,佢會叫師傅上來整,但今日唔得要過幾日先,我諗?陣我真係幾怒氣,我同阿偉話大佬呀咁我個師傅點算呀,阿偉就半推半就話最遲後日搵魚缸師傅上來鑽喉位,到??日我再次致電科x阿偉話師傅話今晚會上來,仲問我嘛師傅冇打俾你咩?點知到?夜晚七點左右,偉哥終於打電話我,佢話唔好意思張生,師傅今日上唔到來,要第日先得,我今次終於都扯火因為我又約?SET的師傅第二日SET缸,點知阿偉依然故我再一次強調話唔關我事,總之今日一定唔得!我一直同科x擾攘?成個鐘,點知忽然有個自稱魚缸師傅的人打電話來問我幾點方便佢上來鑽,我問佢科x水族唔係話今日一定唔得咩,?個師傅話唔係呀,我一路都係講緊要晏D。
見到個師傅我依然好嬲因為我都唔知係師傅玩我定科x玩我。但鑽完之後心情總算平復唔少,個師傅問我係唔係仲有其它問題,我沒好氣咁話楣蓋門Size唔?,百葉門又疏又密,門臼D鏍絲冇一粒係直的,全部都係斜的,櫃門高低,個師傅見我怒氣就話冇問題我全部都會幫你搞掂有咩問題我講我幫你搞,D SALES收?錢就咩都唔理?啦!跟住又話兩個禮拜有新蓋,佢跟住又度尺寸又成,我於是等,兩個星期過?,但係沒人俾過電話我,都等?差唔多三個星期度終於我又一次致電科x同個魚缸佬,但佢兩個人大耍太極互推責任,終於係三個幾星期後送?個幾乎一模一樣?,細?門?蓋來,於是我又一次要求換蓋科x阿偉又一次承諾兩星期後,結果今次竟然不夠一個星期就送?個蓋來,但係個蓋竟然係三十六吋的,而且並沒有包住發泡膠,好明顯係做錯?俾人,唔?所以?來我度試,當時我真係好火滾,睇住D師傅又一次搬走個蓋,我再次致電科x(但就冇再打俾魚缸佬,因為我明白個魚缸佬都係信唔過〉問阿偉究竟幾時先可以俾個蓋我,仲有個櫃的門,今次阿偉竟然話個蓋等多兩個星期,但櫃門就冇得搞啦因為廠?邊話冇得搞,我真係好惱因為個蓋都搞?成兩個月都仲未掂,個櫃門竟又轉口話唔換俾我,於是我同佢話係咁個蓋都唔洗啦我們消委會見啦!阿偉明顯有少少驚,但佢都好好?,佢話張生你可以去消委會,但其實你都係想搞掂個魚缸?,你信我啦我會幫你搞掂!
又過兩個星期個蓋仲未到所以我又致電阿偉,阿偉話我都唔知你問個魚缸佬啦,我同阿偉話缸?度做冇理由我自己去問!跟住我要求佢盡快覆我,阿偉哥好唔情願咁同我話晏D覆你,又收我?,當日個魚缸師傅打俾我好唔客氣咁話個蓋仲未做好,廠果邊漏?單,我忍住氣問佢,咁幾時俾到我,個師傅話我都答唔到你,當然我都好堅持要佢俾個畤間我,點知個師傅突然一句粗口仲要跟口一句唔?你去告我呀,收?我?,我好嬲,於是打返電話俾個師傅諗住同佢嘈,點知佢熄?電話,結果我又死死氣打電話去科x,今次阿偉態度又好?好多,佢話D粗人??張生唔好同佢計較,我遲D覆你,跟住今次阿偉哥竟然冇收我?仲要真係打返俾我同我話唔好意思廠?邊漏?單要我再等多兩個星期,但我真係冇咩信心,因此我要求阿偉保證兩個星期俾到我,最後我又繼續等啦!
兩個星期又過去啦,我都係收唔到個蓋,今次我終於去返科x,去問阿偉,阿偉同我話張生咩仲未送到咩,咁我都冇計,聽佢咁講我好鬼火滾,我要求搵Kenny Poon,阿偉佢係老細我唔知佢?邊度,而阿偉都唔肯搵佢老細來同我交代,但自己就一付唔關我事的款,因此我自己過去碧x搵Kenny Poon,我搵到Kenny Poon後,阿偉都跟住到,阿偉?老細面前好似變?個人,好似好鬼可憐,好似係我蝦佢咁款,最頂引係個老細竟然同阿偉一唱一和,我真係又無可奈何,阿偉就繼續扮可憐當住圍觀的顧客,張生慢慢走我一陣間覆返你。我覺得好失望因為Kenny Poon同阿偉好夾,佢?好明顯做開做熟!我一路等,阿偉都係冇打來,我卒之又一次打去科x,阿偉竟然話,張生,你咁惡我邊敢打俾你呀!我又同佢吵?輪佢話總你等多個星期一定有蓋俾你!跟住又收我線。
過?個幾星期,又送?個蓋來,但個蓋只角好污濁所以我冇要到,幾日之後D送貨的趁我唔係屋企,送?個已經乾淨的蓋來,我阿媽都收?,我都認?黑仔諗住算啦。而當時年關也已將至。
因多年冇回鄉過年,我交代朋友代為照顧D魚,?年廿七就舉家回鄉省親。年廿九下午三時左右我接到香港長途電話,話我個魚缸冇故爆裂,魚缸水浸到入房…
哩個年過得一D都唔好,係年初三返到香港,年初五上去科x同佢地理論,(當日好似有綱友見過部份事發經過)我去到科x,阿偉話我警告你唔好係度攪事,唔係我就報警!我同阿偉話好呀你報警呀,我等你,你報呀!跟住阿偉又話我又唔會報警!於是我去到碧x水族,搵Kenny Poon,但有個不知名的顆計一直話佢老細唔?度,但態度好串,又惡,,但我自已係火頭上,所以我一直?度等晤肯走,過?陣,終於見到可能係Kenny Poon的男子,(因為我只見過佢一次〉佢一直同科x?邊講電話,講完之後佢慢慢行過來問有咩事呀,我問佢你?邊位呢?佢話佢係間公司的一分子,可以話事?。我問佢個缸點,〈我當時都幾燥)跟住我又問佢其它諸如地板家俬點計,可能係Kenny Poon的男子以命令的語氣話入來裡面傾呀,我問佢點唔可以?度傾,佢反問我話你驚呀,我又問返佢我驚咩呀?佢話你?度阻住我做生意,我話咁出去傾啦,我同可能係Kenny Poon的男子去到門口,佢用教訓的語氣話你唔好咁吵,你好好咁同講我陪返個新缸俾你都有得傾,我聽到佢咁的語氣真係有D火上加油,我同佢講話大佬你咁的缸我仲點敢再用呢?佢竟然我有你屋企地址你小心D!我都同佢強調如果佢唔正視同好好處理件事我會來魚街唱開件事,可能係Kenny Poon的男子話咁你小心啦!
各位魚友,得到各位聚會魚友,特別網主、貓wong、BONBON的鼓勵,及佢?驚再有魚友?上述無良商號受騙,因此先將此事公諸各網友,我真名叫Michael Cheung現正以法律途逕解決此事,如果各網友相信本人請將此事廣泛流傳,各位亦都可以去暸解事件真偽,但我Micheung Cheung最唔希望再有人受害,及受到恐嚇!


EdwardChu 修改于 2004-03-12 23:26
大石頭





文章: 13
 2 于 2004-03-12 05:13  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
 Michael :
香港地竟然有這種無良奸商angry,Michael,我地支持你,努力! 唔好比d無良奸商消遙法外,一於去消委會告佢!!!


大石頭





文章: 13
 3 于 2004-03-12 05:23  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
Michael :
有無相呀? post 出來大家睇睇angry


timtam





文章: 19
 4 于 2004-03-12 06:15  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
Michael你不如將呢段嘢e-mail俾東方日報,等更多人知道事實真相,等佢地唔使更消遙法外.


siukui





文章: 57
 5 于 2004-03-12 07:13  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
big湖,腸實 and 科忌 都係同一老闆


siukui 修改于 2004-03-12 07:17
waterman
你估係咩魚?
你估係咩魚?



文章: 462
來自: 中國香港--屯門
6 于 2004-03-12 08:54  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
支持Michael據理力爭!


<<<Waterman Pix 相部>>>***<<<Waterman 60吋 FOT Tank Log>>>
Photos taken by CANON A70
iczfirz
"challenge"
"challenge"



文章: 14186
來自: 我回來了
7 于 2004-03-12 09:35  觀看該用戶的個人資料  主頁： http://www.aquarium.org.hk  搜尋這個用戶發表的所有文章  把文章內容复制到剪貼板。 只适用于 IE :-)
大石頭 wrote:
Michael :
有無相呀? post 出來大家睇睇angry


我都想睇睇.. 正所謂有相就有証有據嘛.. 做起野黎都易d..


問題或承受過 不相信拋下過 最後決定一雙肩膊別太肩膊
三十一畫：此數大吉，名利雙收，漸進向上，大業成就。（吉）
iwave
性愛島黃吊
性愛島黃吊



文章: 2993
來自: 迷失性樂園
8 于 2004-03-12 10:13  觀看該用戶的個人資料  主頁： 主頁  搜尋這個用戶發表的所有文章  把文章內容复制到剪貼板。 只适用于 IE :-)
嘩！寫咁多野，真係代表左你興爆燈！
訂缸買野之前，真係要做好資料收集。

佢地班友，真係知唔知咩野叫【生仔無XX】。

D錢係我地好辛苦咁賺返黎架！

佢地班諗樣，為左幾仟蚊人工，出賣人格，唉~~~~~
你估佢地有份架咩！呢班契弟，讀得書少唔緊要，出賣人格真P街！


48"x24"x32" 上下滴溜FOT魚缸： 29.5~31度
UFO CLASSIC 150W 14000K x2 + 30W FL BLUE x2、IWAKI MX-70V-13上水泵、PINPOINT PH 錶、DE BARY 25W UV 殺菌燈 x2套、H&S150-F2001(850L 對應)化氮、SAGA ORP CONTROLLER、OZONE MAKER、大沙樽…
iwave
性愛島黃吊
性愛島黃吊



文章: 2993
來自: 迷失性樂園
9 于 2004-03-12 10:37  觀看該用戶的個人資料  主頁： 主頁  搜尋這個用戶發表的所有文章  把文章內容复制到剪貼板。 只适用于 IE :-)
你已開始左法律途徑後，再係度講出黎，得唔得架？
D官同埋D明星，成日都話已開始法律途徑，唔方便再作評論，你都係問一問你顧同的律師好喎。

寫信去報館同埋影晒相啦！有單有日子，到而家個缸仲係一忽忽，都好可信你的証供。

消委會有無幫到你啊！

攪完單野，講出黎比大家知！

我都認識一D魚舖職員，據了解，人工唔過五仟、一星期六日工，返全日，無食飯時間，公司無供顧主果份強積金，無為顧員買勞保，但呢個世界都有人肯做。我知後都興爆燈，真係唔知呢D人點諗。所以我日日都叫佢辭工！

希望佢睇到啦！你快D辭工啦！我睇唔到你再投資時間落去，有咩野前途啊！disapprove


48"x24"x32" 上下滴溜FOT魚缸： 29.5~31度
UFO CLASSIC 150W 14000K x2 + 30W FL BLUE x2、IWAKI MX-70V-13上水泵、PINPOINT PH 錶、DE BARY 25W UV 殺菌燈 x2套、H&S150-F2001(850L 對應)化氮、SAGA ORP CONTROLLER、OZONE MAKER、大沙樽…
PP-HK
老人與狗
老人與狗



文章: 5679
來自: blue夭搵喎沖那里奶
10 于 2004-03-12 11:37  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
o個幾間出哂名o架o剌angryangryangry, 我平日都盡量唔會幫襯, 造缸都係搵d信譽好o既舖穩陣d。好同情你o既遭遇, 實撐你o架!

成名例子:
用舊貨當新貨賣俾人;
貨物出門有壞不換;
賣貨抽走配件, 然後要人客買番;
愚弄客人, 門口d明明係普通珍珠龜, 但係標明係乜養唔大o既特種珍珠龜, 價錢賣貴幾倍...........



歡迎光臨
sammy仔





文章: 797
 11 于 2004-03-12 11:53  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
iwave wrote:
你已開始左法律途徑後，再係度講出黎，得唔得架？
D官同埋D明星，成日都話已開始法律途徑，唔方便再作評論，你都係問一問你顧同的律師好喎。 <==無問題.....因只屬民事案....而且係討論性質, 又無教唆作假口供.....

寫信去報館同埋影晒相啦！有單有日子，到而家個缸仲係一忽忽，都好可信你的証供。<==首先, 此案乃NEGLIGENT.....一般黎講, 廠商對其出品的物品應有一個DUTY (Donaldsone & Steven' case: the manufacturer owes a duty of care to its customers).....如果其疏忽導致損失, 廠商是一定要負責的, 加上你有相, 有人證, 有單有據, 贏面頗高.......
消委會有無幫到你啊！<== 唔係好關事, 你可以投訴, 但無助賠償....當然, 如果消委會ruled in your favour, 你可以作為證據之一,贏面更高

攪完單野，講出黎比大家知！

我都認識一D魚舖職員，據了解，人工唔過五仟、一星期六日工，返全日，無食飯時間，公司無供顧主果份強積金，無為顧員買勞保，但呢個世界都有人肯做。我知後都興爆燈，真係唔知呢D人點諗。所以我日日都叫佢辭工！

希望佢睇到啦！你快D辭工啦！我睇唔到你再投資時間落去，有咩野前途啊！disapprove <===喂喂喂....浪哥.....職業無分貴賤.....只要行得正途就得啦......


sammy仔





文章: 797
 12 于 2004-03-12 12:03  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
呀.....唔記得問下......將單有冇大大隻字寫明 : 如有損毀, 恕不負責等字眼呀.....有就機會減少少....不過都有勝算......


幻之無極兇眼男
東之深淵者
東之深淵者



文章: 7221
來自: 屎坑:)
13 于 2004-03-12 12:27  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
科技有一樣野係平過人地，就係吸盤，aa(好係係aa)那隻有個圈的吸盤，人地賣2元，佢地賣1元tongue不過我都只係幫襯佢地買過吸盤。


人生，尚算不錯。
haiven
吹水吹爆咀
吹水吹爆咀



文章: 3504
 14 于 2004-03-12 13:58  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
Kenny Poon話 :張生，你小心D呀！
張生可以咁答：我已經好小心架喇，但個缸都係爆喎∼∼

我最討厭恐嚇，因為離離去去都係：你小心D呢句野，一D創意都無，讀得書少即係讀得書少。例如你打人之前，有無考慮過夠唔夠人打呢∼∼∼雖然你大隻過我，但你唔比我識降龍十八掌架！呢D人都無腦，你又唔知我係咩人，你憑咩認為你可以嚇得到我？
一於告佢∼∼∼∼


09年10月暫且放下，睇下幾時再回來，有緣再見。
Eric Jim





文章: 145
 15 于 2004-03-12 14:26  觀看該用戶的個人資料  搜尋這個用戶發表的所有文章  把文章內容复制到剪貼板。 只适用于 IE :-)
宣傳很重要，起馬經上次魚友的不幸而在這裡發放！
至少我也不會踏入這三間店鋪半步。
魚街大多店鋪，太多選擇。



» 鬧 市 冰 室 » Aqua Thing Exchange ◇易手交換◇  

顯示適合列印的版本 顯示適合列印的版本  把這個主題寄給朋友 寄給朋友
按平行模式觀看按樹型模式觀看前一篇主題后一篇主題
前一頁  1   2  后一頁
  看過的文章
  新的文章
  被刪除的文章		跳轉到

我地有 在新的聊天室
即時聊天廣播.
Hosted by DownTown®
All Rights Reserved.

[Processing Time] User:21.15, System:2.59, Children of user:0.41, Children of system:0.96


請大家技持更換新主機啦, 多謝!