剎白點變剎魚 - 鬧市冰室

» 鬧市冰室 » Medical Care◇藥物及魚病版 ◇ 顯示適合列印的版本寄給朋友

作者

回覆：剎白點變剎魚

lammark

馬克

文章: 2670
來自: 悲情城市

于 2009-04-25 06:19

黑曜石 wrote:

lammark wrote:

所謂「敏感點」根本就一派胡言，你試找出一本魚病書有這種病稱來看看！
白點病就係寄生蟲病，只要感染後，就算肉眼看不到，只要沒經治療，就會一直潛伏待發。但只要用過銅藥轍底治療，根治白點蟲，根本水質如何大轉變，都不會有白點復發。因此何來有所謂「敏感」？難道無白點蟲也會有「敏感點」？不要笑話了。

叫你改名輸神真無錯, 平日已經時時唔理三七廿一依書直說亂鬼教人, 現在連死撐都要叫人搵書?

比我真係搵到那又點? 證明到啲乜? 證明你收得皮? 相反搵唔到又點? 就證明無人寫過? 或唔係事實? 書寫就一定真? 天皇老祖寫定人寫? 聖經都有錯, 人寫唔會出錯?

觀乎現時市面上幾多的所謂海水魚教科書, 幾多都資料不詳, 過時或出錯, 有幾多本講到明士多啤利唔混得蝦養? 有幾多日本仔出的圖鑑相片見魚缸中碟魚背景有珊瑚? 幾多新手照跟, 然後先知衰, 但衰過就會學到, 呢啲就叫實踐, 你有無?

仲有好心阿大屍你唔好响樹斷章取義妖言惑眾! 幾時有人講過有種獨立病症叫 (敏感白點)? 當然查病症名唔會查到!!

我所指係這個情況就是(((俗稱所謂))))的 ( 敏感白點 ), 大家都知情況係因外因變化波動, 例如水質變, 溫差大, 引致抵抗力暫時較差, 容易生病, 情況就好似人在天氣變, 忽冷忽熱, 工作壓力大睡眠不足, 易生病一樣. 病菌只係那時先有嗎? 非也, 一直都有周圍都有, 但點解那時先易中招?
以上情況的白點, 都係一般白點蟲, 但情況較輕微, 及只要移除問題壓力源就可不藥而癒......唔係甚麼新品種新白點蟲叫 (敏感點), 唔該你張大隻眼睇清楚, 或比錢去開個缸買條魚實踐下先好出聲!

魚友一開始係珊瑚缸錯誤落藥, 你就解釋為因為唔錯都錯了, 所以叫佢繼續落, 加重量, 維持0.5, 期望殺到白點? 整個珊瑚缸生態就話知佢死? 即係如果你有個仔比人告衰十一, 你唔勸佢自首不但止, 仲叫佢去搞多幾件? 反正唔錯都錯了, 都係要坐監, 不如執多幾濟享受下? 如果你認為以上幾句係狗屁不通的話, 同樣地你自己的偉論亦是!!

咁耐以來都見過有些珊瑚缸意外中銅, 有水冷鈦炮銅喉做得唔好滴了含銅水落缸, 發現得早大量換水用吸銅棉吸都仲有得救, 並唔係話衰左個頭就話知佢死! 魚友落錯藥, 大屍你話佢混藥會中毒時, 有無提過生物石衍生的問題先? 只見你到最後一刻都仲話生物石生死都無所謂及就算當中生物因用藥死光都對水質無乜影響!! 根本你就一直都完全無意識到有問題會出事, 而去亂咁教人繼續, 到人地愈落愈衰出晒事乃晒野, 你就賴係人先前溝藥毒死魚, 一早提了你啦, 現在你死你事, 我無話我註冊有牌, 無人叫你信我. 完全不負責任的態度.

每次衰親, 比人批評指正, 永遠唔認兼死撐, 話人遲出聲執你死雞. 你係乜水呀, 你受人監護呀? 定守緊行為呀? 好得閒廿四小時及住你有無失言呀?
再唔係就話人點解事先唔出聲? 事前唔批評指正?大屍你有無邏輯嫁? 你都未發言未亂up, 人地點樣批評指正呀? 指乜野呀? 大家識預言一早估到你想up 乜呀? 你未出聲就唔理三七廿一先小你一獲先? 呢啲就真係為批評而批評啦, 我相信呢道無人會咁無聊, 你講得好我話Q知你添, 平時你出帖我幾何出過聲? 不過你會唔會我就唔知, 因睇你以上幾個回覆都係為死撐而死撐, 為反駁而反駁, 當中無理性!

外界一直笑稱你醫魚好似醫愛滋佬, 幾十百種藥混埋雞尾酒療法. 企圖做個 ( 無菌空間) 達到無病無痛, 只為殺菌而唔理一切水質壓力問題源等三七廿一. 每每有人質疑親你治標不治本, 就實話: 急症室都係迫住要開刀落藥...及....邊個唔知搞好水質魚就好, 有幾多人做到? 邊個有頭髮想做辣呢? ...問題唔係邊個唔知或邊個做到搞好水質, 你有無教人做先? 一味只顧殺蟲殺菌而唔理一切外因, 以為無蟲無菌就天下太平? 間唔中或者可能, 但唔係永遠適用於一切狀況, 現在事實擺在眼前, 只顧殺白點而叫人RT繼續落藥搞到缸不成缸傷亡慘重, 連新魚友都質疑你對你信心動搖, 唔好一味話來來去去都係個班所謂老手圍攻你啦, 你自己諗下點向人交代仲好!