七仔
好玩唔玩玩養魚！！！
 
文章: 3984
來自: 2716
 |
 于 2009-04-23 11:55   
lammark wrote:
七仔 wrote:
樓主錯誤地在珊瑚缸用銅, 回帖的人不單只沒叫停, 還教keep足療程, 呢種是甚麼態度 ?! 連生物石是甚麼都不知, 早應避免回這類帖 !
不管新手老手, 出得帖問就係唔識, 唔識又點去判斷回帖人所教是對是錯 ? 照跟係常理, 唔係問黎做乜 ! 同樣地, 要回帖就要肯定, 唔肯定都得, 講句囉 ! 見帖就回, 唔睇清唔問清又回, 自已唔識又回, 同d三流店員有乜分別 ?! 要回帖就要當個缸係自己嘅。
我唔敢認係老手, 見到有人一直以必勝態度回帖, 有用嘅係唔少, 亂講嘅亦多的是, 無人插咀只係唔想多事, 而且好多人發帖指名道姓, 其他人點敢亂插咀, 新手唔知嘅就拜佢為神, 樓主算好叻, 識得還口問個明白。
一直以來, 大部分帖問醫魚都不外乎白點/爆身/鰓蟲/飛碟/起毛, 基本醫法要搵一d都唔難, 書都有教; 問題係好難要求問嘅講得清楚, 咁要答嘅係咪要負責任問清楚先教 ! 唔知個缸乜環境,唔知養緊乜魚,唔知乜過濾系統......點用藥 ???? d藥仲要跟足d甚麼水產業研究報告, 話轉就轉, 水產話得就魚缸都得 ? 你個缸得就佢個缸都得 ? 我敢講所有老手都鐘意嘗試, 衰得多試得多自然變老手, 呢d先叫投入興趣 !
睇多d, 想多d, 問多d..................新手們呀新手們, 加油呀 !
望多d, 聞多d, 問多d, 切多d......mark哥呀mark哥, 睇住d新手呀 !
魚友已經亂響珊瑚缸落左銅藥加paraguard，唔合用時都已經對軟體生物係劇毒，生物石生物早就死左，難道你應為而家停用銅藥重有意義？事實由落銅藥一刻起，生物石早就已經救唔返，缸中而家首要搶救既係魚，治療嚴重白點係首要任務。主缸都已經落左銅，再起魚入醫療缸亦已經無意義，而且亦唔見得魚友會有比目前主缸過濾系統好既醫療缸，相比將全缸魚搬入水質惡劣既水桶或者臨時治療缸作治療，響而家既已經含銅既主缸完成療程，係最好既選擇。
缸中有生物石情況下應用銅藥，我同唔少魚友都親自試過，只要保持好水質，根本就無問題，響FOT，予期白點死魚，倒不如整缸連石落銅藥。我相信唔少一味話有生物石就一定唔用得銅藥既人，自己都未試過，就話一定唔得。事實係就連魚藥藥廠Seachem,都教用戶就算珊瑚缸，只要移走珊瑚後，就算有石一樣都可以照落cupramine。
我建議得既方法，我就自己都試過先提出，唔似有d魚友明明見人白點病到FOT死魚，都教人有石一定唔落得銅藥，點知事實係自己都未試過就叫人唔得。我既建議，你可以質疑，但你試過未啊？你都未試過，又憑乜話得唔得？
重有就係呢位魚友，你對以上你自己提出既各種建議，請問你自己到底做到幾多樣呢？若然你自己都唔能夠完全做到，又憑乜野向魚友提出呢d建議呢？
錯落銅藥就由他繼續 ?
銅藥既然會殺生物石, 又何解RT無珊瑚就落得銅 ? 要生物石黎做乜 ??
FOT死魚同有石一定唔落得銅藥係兩件事, FOT用生物石係裝飾, 但要先處理生物石變死石; 而家樓主係RT呀 ! 你試過缸有生物石落銅, 唔該post個缸黎睇睇, 你醫魚Q魚咁叻都要咁落藥法 ? 唔洗乜都要試過先識架, 知識可以睇翻黎, 同魚友前輩傾翻黎, 點解咁多前輩試過唔得自己都仲要試 ! 但你d理論同藥咁新咁權威, 要人信服就要俾人知道你點試過, 同埋你d用藥份量有乜根據 ?
每個魚友教唔教新手有自由, 反正你都馮帖必回, 答得啱嘅仲洗乜其他人插咀, 答得唔啱嘅咪大把人出聲囉, 好正常喎, 以後都係 ! 唔好意圖反客為主利用新手心態去話魚友唔教人, 魚友有無教人你可以搜尋舊文, 不過你做咗尊尚台主之後就真係少左人答囉 收起必勝態度啦, 呢度無大師架 !
|
顯示適合列印的版本 
寄給朋友
