mkbb
 
文章: 157
 |
 于 2009-04-23 10:21   
lammark wrote:
黑曜石 wrote:
mkbb wrote:
lammark wrote:
好常見既案例。
一般新魚友都唔到最後一刻都唔落藥治療，結果條條病入膏肓。
因為遲得太遲，通常落完都係要死，然後魚友就會覺得係銅藥無用，更覺得白點好難醫。
大部份魚友都係過來人，往後先會學懂，其實當遇上白點，及早用銅藥醫，其實白點八至十四日內就輕易搞得掂，一d都唔難搞，難就難在當初自己唔識時，會亂咁搞。
師兄所講,是否要長keep銅藥落缸? 你說白點不在魚身是看不到,到白點在魚身出現又說已經太遲, 這樣真的很難捉摸. 新手唔識才會問,請講清楚一點,怎樣及早用銅藥醫?
大屍已養成一缸藥水, 為救廣大愚友於水深火熱, 實養藥而非養魚也, 豈是一般凡夫俗子所能學到!!!! 
養珊瑚第一戒就是主缸不落藥!!!  誤信甚麼所謂藥聖醫神係珊瑚缸落藥已經係非常錯誤之決擇, 拿走珊瑚又點??? 所有沙石都吸飽銅, 再慢慢釋放毒害生物, 這個缸以後永遠再不能養珊瑚了, 除非把所有沙石瀘材換掉
捉不到魚出來醫, 折衷方法唯有是以大局為重, 放棄這一兩條新魚, 由佢自生自滅
勉強下藥, 只會毒害生物, 引致大規模死亡, 污染水質, 水質一壞, 連舊有抵抗力強的魚都出事, 中埋招, 沙石又大量吸藥, 令藥量不足以殺死白點, 可謂兩頭唔到岸, 白點未死而魚先亡, 師兄的例子已可見
見大屍和你的對答很搞笑, 大屍一見落藥奶野, 即轉呔話水質差要換水, 你回一句鬼唔知咩
新魚本身未適應, 水新缸新, 水質未如理想, 易出所謂之(敏感白點), 舊魚適應了, 無事.
根本在一個正常的珊瑚缸, 只需換密些少水, 保持水質優良, 以上小小問題已可不藥而愈, 魚本身也有抵抗力!! 海中有蟲有菌又有魚, 但無人落藥, 唔通d 魚又死光麼?
老點一通而後乃晒野無言以對, 先叫人換水, 真係鬼唔知咩
大屍仲有偉論如 (生物石裝飾為主，生死其實無乜所謂), 及 ( 而一般生物石所含生物有限，在正常水量情況下，不足以對整缸水質構成致命影響。一般跟死上一兩條小魚無異) 真係笑死人
真係唔知大屍你養過珊瑚未? 用過生物石未? 如用過而你的生物石又如以上情況, 相信大屍都燒鬚, 被人老點坤了, 買了死物石, 或只用海水浸住的咕嚕石 咁當然無事啦, 堆石根本無生物, 或早己死得七七八八
唉, 老友, 經此一役, 當買個教訓吧 先前有師兄講過一句好有道理 ( 多睇多想多問, 實無錯, 唔好一見有人撲出來答, 就信到十足十, 當佢神咁拜 ) 呢道有好多舊帖都好有用, 仲有唔少有例子可以回顧番阿大屍點樣老點人群落藥, 到一出事乃野時, 給人問多幾問, 又五時花六時變, 點到人地死魚反缸跟住又比人圍
從呢堆回應之中又可以令一眾魚友，再次見識一班當魚友發問求助時，總只會袖手旁觀，視若無睹；但當見魚友愛魚延誤失救，就會突然出現，幸災幾禍，落井下石的一群魚網流民。
呢班流民通常都唔知係中文閱讀能力有問題，定係有視力障礙，經常連題目同貼文都睇唔明，就響網亂咬亂吠。
就好似上述例子咁，有新魚友遇上白點，叫佢用珊瑚缸藥物flagyl又唔用，轉頭重問都唔問人，自己亂響珊瑚缸落銅藥，重要加埋paragurard雙料自殺，之後先問人點人點執手尾。
咁都不單止，個頭自己話已經「將所有珊瑚搬走」，點知原來個缸重有千手、瀨尿蝦、重有蟹…，既然佢死要落銅藥，兼已經成缸亂落左銅藥，再問到就話佢知正確份量，點知佢重要話人好教佢用銅藥，真係寫得服字比佢。
講到佩報，更加唔可以唔提呢班魚網流民既精彩部份，連魚友係自己自把自為，唔聽人講，亂落銅藥加paragurard都未搞清楚，就異口同聲話有人誤教魚友珊瑚缸落銅藥，「偉論」連篇。相信有睇到前文後理既魚友，都會感受得呢班視障人士既搞笑之處。竟然連骨頭方向都唔知，就亂吠亂咬，現眼人前。最可悲既係，除左有一「高手」教上「自生自滅」既絕學外，咁多留言，我都無見過佢地有人教魚友點醫白點，睇到佢地講咁多野既興趣都只係幸災樂禍，根本理得魚友死，佢地既行為真係值得魚友「尊敬」！
不過新魚友唔識亂黎並唔出奇，出奇就出奇在呢班魚網流民一見到魚友死魚就興高采烈，蜂湧而至，突然一片「高見」，彷彿期待魚友死魚已久，但平時每日有魚友求救既時候，佢地就會自然消失。由呢種見死不救、事後孔明既作風，不禁令人欣賞佢地人格既「高尚」同「見義勇為」既精神！
mark哥大師: 我錯誤落藥唔緊要. 但你都未答我問題就話其他人點樣叫人服呀! 我問題係問: 你話白點不在魚身係見唔到, 但發現白點在魚身已經太遲. 那什麼時候才知道有白點呢???????
另外我拿唔到千手、瀨尿蝦、蟹是有問題嗎?? 你又無講d藥加千手、瀨尿蝦、蟹會變成毒藥,只不過你話d藥會剎死d千手、瀨尿蝦、蟹. 到現在d千手、瀨尿蝦、蟹唔死得又有問題嗎???? 你係唔係覺得間廠騙人(明明寫住死硬)????
另外你話落銅藥是最有效的方法對嗎? 珊瑚搬走後都叫珊瑚缸嗎???
其實我都係想講比大家聽有生物石落銅藥係跟珊瑚一樣要搬走, 不管是生定死物石(以免真的係有生物的生物石). 因為壞水係十分勁!!!!
|
顯示適合列印的版本 
寄給朋友
