wtlam wrote:
終於睇完呢10幾版紙, 感覺好似係個幕後老細去幫個茶客聲討自己個伙記一樣

係人都知KK先係呢到既真正主人啦, 一個o係個網到有”特權”既人,邊有可能做到一個普通茶客先得架, 我個感覺係一個經常自己沖檸茶, 整西多既幕後老細, 忽然間坐係到叫伙記落單, 仲要幫第2個客去同個伙記嘈, 仲要用埋自己行使”特權”得番黎既資料黎到幫個客

講番紫點葵討論條thread, 我都有發過言, 印象中的而且確係”no mo”前, “no mo”後, 如果catlee 覺得丁丁delete 呢條thread係有問題既, 個最終決定權應該留番比網主砵仔, 而KK唔應該係到公開咁講話有版主殺緊post, 自己救緊post, 仲話呢個人呼之欲出, 好似已經斷定左呢個殺post 個版主一定係身有屎咁, 呢的野並唔係一個”版主or技術員”要做既野

網主&各版主應該要團結一致, 不應互相攻擊對方, 就好似公務員一定不可以反對政府既政策咁, 呢的唔係叫包疵, 而係尊重, 如果某版主覺得另一版主有異常行為, 不當使用版主權力, 應該立即知會網主, 等佢做決定, 而唔係係度公開批評對?
再者,既然KK已經將條thread 既內容貼左出黎, 事件理論上應該完結啦, 但係catlee 好明顯並唔係只係想找番條thread 咁簡單, 而係”問責”, 講得直的, 佢要丁丁認錯. 我相信殺post 係版主成日做既野, 對與錯, 應該係網主既決定, 而各人亦應該尊重網主既決定, 大造文章實在浪費資源.

以上只係我個人感想, 如有得罪任何人, 請見諒

catlee wrote:
可以不知什麼原因, 該條thread 已經找不到, 希望版管們高擡貴手, 使該thread 能重見天日, 繼續未完之討論, 使大家深入了解紫點生態, 知己知彼望使之長命百歲, 減少無謂之消耗, 不失為魚友及海洋之福.