產品速報: 升級套缸安全方便之選 Arcadia 防水T5HO控制器

» 鬧市冰室 » Aqua Thing Exchange ◇易手交換◇ 顯示適合列印的版本寄給朋友

作者

回覆：產品速報: 升級套缸安全方便之選 Arcadia 防水T5HO控制器

ezreef

文章: 19
來自: Hong Kong

于 2003-07-22 02:03

在其他網站看到有網友認為這件產品價錢太貴，我們亦回應了我們的看法，既然寫了便順便登在這裡給大家一個參考:

首先謝謝上面兩位網友的意見....

在評論這件貨品的售價是平是貴之前，請大家又看看小弟的意見吧....
首先，相信大家也知道小弟的網上小店是首先出售Arcadia T5HO 的店鋪之一，很多貴站網友也曾是小弟的貴客，過往很多網友也曾問有沒有一些可供2尺缸用的T5燈賣，也有一些網友直接表明對上面的Arcadia 防水T5HO控制器有興趣，小弟也曾向代理要求報價，得到報價回覆後，起初小弟和眾多網友的第一感覺一樣: 哇! 一隻牛咋咁X貴!遂打消了入貨的念頭，而每當有客人再提起想買此控制器時，小弟唯有講: 不如買散料DIY啦! 最後亦不了了之.....(買散料各位自己識路啦!仲使乜?我 :-) )

真正令小弟番起番此控制器的念頭，是一位客人的提醒: 事源呢位客人之前已經打過電話來，今次再打來問有冇呢款控制器賣，我又再次叫佢試下自己DIY，佢就同我講，原來佢自己屋企買左家居保險，佢問過個經紀自已DIY有冇問題，經紀就同佢講冇事就乜都冇問題，但係如果你件DIY有事引起火災就幫你唔到，該位經紀同時亦指出，由於該件DIY物件並不是由合格的電工安裝，有起事來，就算唔關件野事，有D狗D既公司仲會以此為理由來VOID個客張單而唔陪。

個客根住講，佢曾經問過幾間電工報價，得到的價錢是800-1000蚊，師傅的答覆係由於魚缸的易濕特性，要使用完全防水的防水燈腳、線同埋防水箱裝住火牛，連工包料差唔多價錢，佢計過燈腳、火牛、防水電線同埋接口，仲有裝得入個火牛的防水箱的價錢加埋總共要5佰幾，上網買套防水T5HO都唔差好多，所以再問下。

加上我們亦有很多使用套裝魚缸的客(如Juwel)，由於個魚缸已經有頂蓋，自己駁除非不要頂蓋，直接裝在訂蓋又煩又太近水太危險，所以小弟最後亦只番了些小試反應，在網頁中的Juwel套缸安裝只用了15分鐘，用8粒縲絲安裝了四組防水燈腳，完成後光管離水只有2吋半，所以點解張相可以爆晒光。

關於價錢，其實整套Arcadia 防水T5HO控制器的價錢即是將一套Arcadia 4XT5HO燈除成二套，再減去燈殼、反光版和光管的價錢，若閣下想要以一個火牛的價錢來比較會不夠公平，應加上2對防水燈腳、防水電線及接口、防水箱等，未計閣下的人工後只差2佰幾，閣下亦可以說DIY仲平2百幾喎!冇錯，呢2百幾的分別在於我們為產品提供了一年完善的售後服務，一件易於安裝、經嚴格品質測試、完全符合安全規格的產品，以及產品廠商背後所提供的𠄘諾及責任保險，呢2百幾所包含的野到底值唔值，的確好見仁見智，亦留待各位自己研究。

有朋友覺得產品價錢貴，其實我們提供的是公價，外國網上都賣59.99英磅，可以參考-- http://www.aquatics-online.co.uk/acatalog/Online_Catalogue_Arcadia_T5_Fluorescent_Lighting_287.html 仲只是跟IP64燈腳而非我們的IP67燈腳...我們的價錢仲未計3%的會員折扣及3%的付款折扣呢....

小弟的感想: 近年的確十分流行DIY，最初小弟亦是其中一分子，DIY的確能夠提供一份滿足感及價錢的確可以很平，但各位又是否只迷失在價錢的因素之上? 除價錢外，小弟覺得DIY最能夠提供的是customize同埋flexibility，另外人力物力成本資源以及安全的考量亦是其中一些因素，我們今次提供的產品在各位眼中似乎是DIY Parts，但我們賣的其實是一件可以customize、with good flexibility 的產品，希望在DIY Parts 同現存貨品之中給各魚友多點選擇...

對於這件產品的價值，我們已經表達了我們的看法，有興趣可以研究一下，冇興趣的就當小弟發開口夢好了....

謝謝收看

新鋪開張，請多多捧場!
www.ezreef.com

樹型目錄

產品速報: 升級套缸安全方便之選 Arcadia 防水T5HO控制器 - ezreef , 2003-07-21 20:06

回覆：產品速報: 升級套缸安全方便之選 Arcadia 防水T5HO控制器 - ezreef , 2003-07-22 02:03

回覆：產品速報: 升級套缸安全方便之選 Arcadia 防水T5HO控制器 - 岩礁園丁 , 2003-07-22 02:07

回覆：產品速報: 升級套缸安全方便之選 Arcadia 防水T5HO控制器 - ezreef , 2003-07-22 10:11

回覆：產品速報: 升級套缸安全方便之選 Arcadia 防水T5HO控制器 - cmtsui , 2003-07-22 11:32

回覆：回覆：產品速報: 升級套缸安全方便之選 Arcadia 防水T5HO控制器 - 岩礁園丁 , 2003-07-22 11:40

回覆：產品速報: 升級套缸安全方便之選 Arcadia 防水T5HO控制器 - ezreef , 2003-07-22 12:11

回覆：產品速報: 升級套缸安全方便之選 Arcadia 防水T5HO控制器 - cmtsui , 2003-07-22 12:20

回覆：產品速報: 升級套缸安全方便之選 Arcadia 防水T5HO控制器 - 岩礁園丁 , 2003-07-22 12:22

回覆：產品速報: 升級套缸安全方便之選 Arcadia 防水T5HO控制器 - cmtsui , 2003-07-22 12:31