于 2002-04-04 01:57 Hi iczfirz：其實我是做水族工程的，所有器材都可以批發價到手，珊瑚都係，並不是我有水，請勿誤會。其實珊瑚的價錢都好平架，如印尼，菲律賓，1箱大約$1500左右，18至20件，而澳州，南非，巴西，就比較貴，大概$3000左右，而且死亡率極高，海南島最平$800有交易，不過顏色同品種比較差。而飼養心德，講一晚都講唔完，最緊要1星期換1次水，換水時切記將鹽完全攪勻，如果唔勻鹽粒會挪到D珊瑚，每日定期落鐵水，因為珊瑚會吸收得好快，而缺乏鐵，更會退色，但切勿過量，過量時珊瑚會好幾日唔開，最好用自動補給器，調好份量就唔使麻煩。如果想珊瑚開得盡D，彭湃D，我介紹你用1隻叫ALL IN ONE 9 in 1的營養水，效果非常好，每200L落5cc，大堡礁，亞馬遜有售，大概$400下，好大枝有排用，水質方面，少量NO3，PO4是可以接受的，NO3唔可以超過60mg，如果唔係就會出紅苔，如果真係出紅苔，可以停止營養來制止再加上用KENT除NO3石就可以，PO4方面如上，水流方面切記直接射向珊瑚，而是在附近空位的地方將水帶動珊瑚就可以啦，仲有，如果有軟体如手指，聖誕樹，雞冠，鹿角等、、、順流一定硬体在前，軟体在後，因為軟体會分秘一些物質出來，令到硬体唔開，注意、注意。同埋CA勿超過650MG，超過時所有軟体都唔開。我覺得豬玉珊瑚最難養得好，而且要日日餵，唔餵會唔開，而星花繁值得最快，如果你是清缸養的，可以將星花拆開皮同石，然後將皮用珊瑚膠{濕個隻}痴係缸底，不出3個月，全個缸底都係星花。唔寫啦！下次再傾啦！BYE BYE
顯示適合列印的版本 
寄給朋友
阿俊：我的珊瑚缸 - 改造人1號 , 2002-04-02 23:21
