kari
 
文章: 5
 |
 于 2009-04-07 18:12    
我係新手黎 養左缸魚大概一個多月....先買左一隻牛角,兩隻印尼個小丑魚....幾日都okay,仲有開口....之後再買左一個小丑葵....開左成隻餐碟咁大架...放佢落水第一日佢都好好...開得好大..d觸鬚都漲漲咁...不過未定位...一時會痴玻璃...!!!
第二日,起身時聽到怪聲...原來個小丑葵比濾水器個濾咀吸住左...好慘 立刻整爛個濾咀,希望儘量冇傷害同埋拔番佢d肉出黎!!!拔出後,佢個(底部)到爛左少少..有d白白地..仲有好多白色又透透地gei液體係個身到走出黎,成缸都係...不過我用濾筒..濾得都幾快(細缸16吋x16吋)...之後佢雖然冇咩收縮(冇咩反應)同埋有d觸鬚縮得好幼..但係佢都有開..仲開得幾大呀!!!
但係過左一兩日個d液體都冇咩架喇...我仲係朋友到拎左一隻魔,一隻菲律賓小丑,一條黑白間(因為佢唔要...)...但係我本身個兩小丑開始少樓個葵(自從佢受傷後)..不過唔係完全冇樓...再加上新來的菲律賓小丑非常惡..打我本來的小丑..攪到佢個旗爛左同成日遊係缸頂..先死左一條...第二日又左死埋第二條(我發現佢個頭同身都有紅色點點!!)
今天,我屋企人又再買左二條小丑及二條黑武士...一條一來就唔樓葵...一條較細條的就有樓葵,但唔係太活躍....不久我發現隻好惡gei菲律賓小丑變得死氣沉沉,晚上死係缸底.........現在我仔細查看過,原來新來的那條不樓葵小丑身有白點..此外.小丑,魔,黑武士,黑白間都呵白屎..魔身上有打傷既現象.....好驚...會不會反缸呢..請前輩門救救我..請幫幫忙..!!!???
問題:
1.到底我個小丑葵受傷後需唔需要隔離???但我冇E生缸的......佢又好似冇死的...之後幾天佢都冇咩噴液體...仲開得好大!!!但係點解d小丑魚唔係太樓佢及只係成日躲係葵底呢???佢係唔係放毒???佢d觸鬚縮到好係扁左,佢地係0係壞死左..會不會好的????
2.我冇測過的水有冇爆茵,只係今天先發現咸度高..現在已經將咸度調好了...但係是否要測那些...no2,no3?????
3.到底小丑魚死因是什麼呢,是海葵定是水質引致呢?????
4.海葵的咀係唔係啡黃色的(佢的底是粉紫色的,鬚鬚是螢光黃的),我覺得佢個咀深色了一點,係唔係有問題呢???佢的咀是長期隆起的,這是正常嗎?????
5.白點葯會唔會影響海葵的???但我又不想移動佢地,加上我冇E生缸,怕不怕呢?????
6.我昨日放了朋友給我的海葵糧,又有冇關係呢???
7.連魔身上都有紅紅地似打傷的印,有得救嗎?????
8.如果濾咀加綿花包住會不會吸不到垃圾??但我怕海葵又再有意外??
9.有人話海葵要照藍光,係唔係呢???
10.我仲有粒海星..燈&黑色的..常常貼在缸頂的....我缸肉眼看好似冇咩苔..我驚海星冇野食...請問佢仲有冇其他野食呢????我今日將佢推左落底..佢一直都冇上番去..佢係唔係都有病呢???
11.牛角身上係唔係有黑色一點點的?????
kari 修改于 2009-04-07 18:15
|
顯示適合列印的版本 
寄給朋友
