tinetine
 
文章: 45
 |
 于 2007-09-09 03:15    
我係因為小丑而養咸水魚架.
我都買過好多好多, 屋企塊白板嘅 "正"字寫滿曬.
(係我屋企人寫上去: 死一條就幫我晝一筆)
要比我睇吓養小丑要洗幾多錢喎.
於是我最初唔去fs買, 一有魚友放小丑, 就算價錢係一個double,我都會買.
因為人家已養開嘅小丑去到自己個缸度會無咁易有病同埋死.
好過自己去fs都唔知重要買幾多條先可以養得掂.
好好彩, 分別同唔同魚友買嘅小丑共6條. 依家仲好活潑添.
**********
而最近我search資料, 試吓再去fs買小丑, 因為唔咁心, 無理由人哋得自己唔得.
原來買返黎嘅新魚, 除咗浸淡水浴+甲基藍外,
對溫都好重要(以前疏忽呢樣),
而轉淡水浴時重要慢慢去轉,
浸完後重要慢慢轉返去缸嘅咸度.
攪掂後我唔會即放落主缸,
我會放係沙缸度養幾日先, (等佢定吓先,免得放落大缸受嚇)
到可以放回主缸時, 要熄燈先好放落去.
等半個鐘到先開返燈(如都被舊魚追,再熄燈啦)
***********
雖然好似好多步驟,又要花成兩粒鐘q魚, ,
但當成功時, D小丑唔再死, 都係值得架.
我成功咗啦, 自己係FS買嘅4條小丑無病仲好健康添.
今日我又買多兩條小丑啦.
(如缸已有舊小丑,記得最好1至兩條咁加, 加得多就算熄燈都會照追照打架)
*******
我都得, 你都可以掂架.
唔好放棄呀, 你咪試多兩條小丑當比個機會自已啦.
fs重有好多小丑等緊柱好人家`缸架.
等你好消息.
|
顯示適合列印的版本 
寄給朋友
