haiven wrote:
1) 我而家用緊過濾桶，但係禽日換水時發覺好似個頂到開始漏水，而且一直都覺得桶型換水好煩，所以問過下人，比左D意見我﹕
      a﹕缸底過濾，大約知個樣係邊隻同個原理，
      b﹕壓力箱(3格都唔夠，仲要用5格添，同埋每格要1塊棉咁闊)
      c﹕坐地戈隻桶型過濾(我都唔知乜，話唔係我而家用緊戈隻，係要訂造喎)
      所以我想問下，3種有乜唔同，邊隻最好，清理又方便，點為之一個好既過濾器材，最好有相比我睇下la。
a。

      2) 我聽人講，過濾器唔駛成日清理，係唔係呢？
棉見污糟就換,其他濾材,可以唔搞既就唔好搞,搞多錯多。

      3) 蛋白分離器又係有乜作用呢？
打走Ｄ屎。

      4) 我知道硝化細菌有乜作用，但係點樣衡量個缸D硝化細菌夠唔夠呢？每日要落幾多呢？
之所以你要用盡你既地方黎放濾材羅。菌會自己繁殖,唔使成日加。

      5) 如果無養珊瑚或者葵，係咪唔駛落浮游生物架？(我有樽係紅色架)
你果支係珊瑚糧黎。

      6) 點樣計個缸可以養幾多條魚呢？(我通常都係養細魚，如小丑；木盒等)
睇落去唔逼咪得羅。

      7) 清洗缸中物件或過濾時，係咪要用咸水黎清洗呢？
係。

      8) 通常D燈要每日要開幾耐架！
八個鐘度啦。

      9) 要有D乜野條件，魚才會有良好既生活環境？
我都想知。

      10) 如果有D乜野係必需要有，又或者係最好要有既野我未問既，麻煩大家話埋比我聽。
你有無錢？