haiven wrote:
要視乎水質,細缸要keep住水質都唔係唔得,難D啦。
以一個14"缸仔為例（夠細未）,如果你可以有番兩倍主缸水量既過濾缸,水質應該容易keep住,因有足夠位置放濾材,菌量夠。但又係茅盾問題,如果有位放咁既過濾缸,又何須玩細缸呢！所以退而求其次,唔用過濾缸,用濾桶,一個唔夠用兩個∕三個,慕必有大量空間養菌,但都係果個問題,放得三個濾桶,不如放個沙缸！！

所以,玩得細缸,除非為左得意或特別原因,通常都係因為唔夠位,咁就要勤D換水,唔好搞D無謂野,加lee加low,靜心等水養好,先至放魚仔,魚又唔可以放太多,放一條,睇定D先,無事先再加。

另外一個玩細缸既原因係好多人都以為初初養魚,養住缸細既先啦,養得掂先養缸大既,呢個都係人既一般邏輯,初初少量嘗試,成功才發大黎搞,其實係岩既,但誤解左"少量"既意思,少量並不是指水少,而係負荷少,細魚缸,咪養少D魚羅,水既負荷少左,水質無咁快變壞,有足夠時間比菌進行分解,水質就可以隱定。但若不斷加魚,又沙底,又石,又化氮,又喉,又溫管,又濾材.....全部放晒入缸度,原本少水量既細缸就更加少水,魚又多,水就好快變壞,魚就好快死,咁你就會好吃力,又換水,又買魚.........然後就會覺得：細缸好難養。

所以LC兄建議24寸缸羅。