Kenny wrote:
小丑差唔多乜都食, 如乾/濕豐年蝦和粒糧等. 你買d小丑唔開口, 有可能係水質o既問題, 亦都有可能係魚本身o既問題. 如果係前者你就要先攪番好d水, 等d水質穩定番先再買. 如果係後者, 你係唔係買開集中營果d小丑(即係一個小膠缸內迫埋一"咋", 十蚊條果d)? 如果係o既話試下去買d放係較為大d缸內, 可以睇清佢地游姿果d(細條o既大約20~25蚊). 我試過買過兩條2x蚊果d(1寸左右), 一兩日內已經開口, 而且養得大. 亦都試過係集中營買過3條(揀左好耐, 都係1寸左右), 一條第三日開口食左少少, 一條第五日先開口, 另一條最後都係無開口死左. 食野果兩條最後都養得大.

小丑始終唔及魔類咁硬淨, 如果你個缸較新又唔算係大缸果種(30寸以下), 可能會有d難度. 祝你好運吧, 加油!