PP-HK wrote:

Amy1129 wrote:
好似話插好晒的喉，跟住個空桶入面唔駛裝水，
然後放低過水面再開ｐｏｗｅｒ就ｏｋ．．．

呀天使既化身,

梗係唔係咁, 空桶開泵妳想燒泵呀! 唔怕教埋妳la, 空桶買番去先洗乾淨個桶同配件、環、棉等, 放好藍、白棉同生物環入個桶, 然後要盡量入滿水(但點入都唔會入得滿), 駁好哂d喉同出、入水位, 記住個桶要放於低過魚缸, 然後插電開泵。開泵後妳會聽到da da聲, 因為個桶未滿水, 個泵扯唔到水, 咁就要睇個桶既設計有冇手動泵, 有既話用手去泵泵水, 個桶就會扯到魚缸既水, 跟住見到出水口有水出就大功告成。如果冇手動泵, 咁只要係出水口用口啜一啜, 小心唔好飲到d水就得。以後洗桶只要關水閘然後攞個桶去洗就得, 駁番好水閘就可以插電, 唔駛再起桶。

至於啜呢家野我諗唔岩妳呢d lady既, 搵個靚仔幫幫妳啦。