mareal
 
文章: 98
 |
 于 2004-09-16 11:17    
開缸養左水幾多日開始放魚, 太早放魚可能會因為水質唔穩定而死魚.
養燈魚仔如果可以維持弱酸性的水比較好, ph 過高又會死魚.
不過如果你用砂底比較難控制, 因為砂亦有很多種, 很多都會令水o既硬度上升, 加上你應該未有添加 co2, ph 值會好易因此而上升. 如果加一些人造砂如黑鋼砂都可以唔影響水質o既, 但係其他砂好多都唔係好得.
開缸初期因為過濾未成熟, 勁死魚好易會令水質變差, 水質越差又越易死魚, 惡性循環.
如果可以o既話用 ph 試劑 check 下 ph 值幾多啦. 好過盲摸摸. 如果真係唔想買o既不如直接加 D 能夠增加水質酸性o既物質落缸或者放o係過濾入面. 例如火山石, 玫瑰石等. 用砂底照計 ph 都唔會低得去邊, 落左先都無妨.
市面上有 D 叫增酸劑或者 PH down o既o野, 但個人唔係好建議用, 因為效果唔穩定, 你落完降左 ph 之後又會上升番, 跟住你又要落, 咁咪箋 ph 又上又落.
死魚令水質變差呢個問題. 最簡單係勤 D 換水, 唔好一次太多, 只換 1/4 - 1/5 左右, 但係就增加換o既頻率, 例如 3 日一次左右. 或者又買o野, 出面有種濾材叫吸氨石, 可以吸附水中o既亞摩尼亞. 魚屍會放出大量亞摩尼亞, 亞摩尼亞太高 D 魚會毒死. 用吸氨石吸左就好 D, 但係如果真係用o既話要注意吸氨石會吸滿, 要定期清洗, 大約 1 - 2 星期, 用滾水浸佢一晚就 OK, 可以再用.
砂種陰性草冇問題, 好多陰性草綁o係物件上都生倒.
希望幫倒你啦. 
如果係我問o野: 多謝指教...
如果係我答o野: 多謝糾正...
如果係我講o野: 多謝收睇... |
顯示適合列印的版本 
寄給朋友
