iamhocheung wrote:
兩隻大寄居蟹頭先拿左去賣了(2隻共30蚊),真係有點唔寫得, 但一黎自己太多野, 二黎佢地係成個缸入面最多屎架生物, 佢地的屎可以係 5 條 momo 的屎加起黎咁多, 咁大家可以想像有幾多啦, 而且佢地成日行黎行去咁, 好多珊瑚都比佢地整到亂晒, 明明放係石上面的, 都比佢地好大力咁拉落地, 昨日重食條管虫, 唔賣唔得啦

但頭先上網放, 買個人成個傻仔咁 (唔講名), 佢留左個電話係我個 pm, 咁我咪打比佢囉, 點知打話佢, 佢聽到就好惡咁話 "唔得行呀 !!!!轉頭先講 !!!!!!!" , 就咁就比人 cut 左我線, 我 O 晒咀咁企左係到, 算啦佢轉個頭又真係打返比我, 咁佢問點交收, 我問佢住邊, 佢就 "ah..............................屯門!!!!!!!!!!!!!!" 我當時真係想笑出黎, 佢答到好似 d 傻仔咁, 自己住邊都要諗架? 又問比咩佢地食, 咁我咪話唔洗架, 佢地自己找野食得架啦, 食屎都得架, 咁 ok 啦到左交收個時, 我一去到就 "hello ~~", 佢都唔應我, 一拿左個袋就想打開咁樣, 咁我已經set 好晒 (用左 3 個袋), 咪問佢 "你想開 ?" 佢答左我 3 個字 "唔得架 !!!" 聽到 lee 到我已經火火地, 咁佢開啦, 開左一個袋, 見入面重有, 就好煩咁架樣, 我話 "怕流水嘛" 佢當然又立即傻仔一返, 好大動作咁伸個頭對著個袋左左右右咁睇, 又大大講咁話 "無流呀 !!!!!!" 聽到 lee 到火都黎, 真係唔想把自己養左咁耐架野賣比佢, 唉算啦, 佢打開晒, 用 lee 好唔高興的樣睇著 d 蟹 (明顯又大動作), 問到"養左幾耐架 ?", 我都唔想理佢, 是但答就一年啦, 佢就立即用好醒的樣話 "籃色個隻唔係係達文買左無耐之咩~~~", 傻仔 !!!!!!! 有睇我個 post 明知我養左幾耐又問咩呀, 浪費我 d 口水, 咁我又要講話黑色係就黎一年, 籃色就新 d , 唉浪費我時間, 以前的我已經一腳伸左過去, 算啦而家學佛觀照自己, 我就諗佢可能個人唔係有心的, 只係佢個人傻傻地之嘛, 咁囉, 但其實觀照得好, 跟本 lee d 諗法都無出現過, 唉算算算, 希望二隻蟹生物得好好地啦, 唔好比個傻仔整死就好架啦