白熊
大星已沒落...
文章: 11304 來自: 荃灣東莞兩頭走 白熊: 你地唔好兩頭走啦...
![](/ch/images/pixel.gif) |
于 2006-10-13 15:55 ![把文章內容复制到剪貼板。
只适用于 IE :-)](/ch/images/icons/icon_copy.gif)
既然大家咁支持, 無理由要等軒軒接手既… 哩幾晚抱少D軒軒啦 首先多謝Lord仔主動幫我收集左D圖片資料, 搞到我想扮失憶都唔得 圖文並茂升級版黎啦, 同嘉寶一樣, 幼稚園低班開學 注 : 所有照片都係由網上搵出黎, 本文絕無廣告成份, 如有投訴請PM我, 我馬上把照片刪除, 千其唔好告我, 我好怕架….如果因為我哩編野而向圖片主人買左D乜野, 都請通知我, 我會打返張Debit note過佢 氣木化氮: 最平, 最慳位, 最慳電… 一眼見哂, 一定係內置, 原存靠氣泵打氣, 氣木出氣, 但氣木要定期更換, 否則氣泡越來越大粒, 會完全失去作用... 調較方式, 靠氣泵既power及化氮器既高底位置, 想要勁, 氣泵亦要勁; 想打得多(但可能只會係一級臭水), 化氮放底D… 氣動化氮: AZOO同WEIPRO出哂名, 國內亦有好多”仿似品”, 其實有D似文氏管, 只可惜索氣口唔肯改, 只要長返少少再改少少….但無奈無咁做…. 更正: LORD仔通知, 原來支文氏管係WEIPROIA既配件, 我未用過, 以為係另外買既, 特此更正 所以有魚友自行改裝, 好似丁丁咁, 加支文氏管落WEIPRO度, 咁就very good啦, 令氣泡更多更細… 調較方式就好煩, 隨時好理想, 隨時唔駛想… 因為要自己配水泵, 簡錯左就煩死, 勁過頭又食電(通常都要哩隻), 再依據水位高低而將部化氮升高降底 & 出水口既出水量黎調教…當然首選係先將個出水口教到最大, 咁個處理水量會多D… 針葉/針刷化氮: 好多好多, 有牌子, 無牌子, 國外國內香港九龍新界都有 葉又好, 刷又好, 都係取代水泵原本果個推進葉(impeller)改裝而成, 入水既口要加上一個縮水版文氏管既索氣咀, 咁吸水果時順便會索埋D空氣入個水泵裡面, 再由針葉/針刷打散D氣泡, 但亦因為推進葉既關係, 吸水量會大大降低… 所以一個有效既水泵會直接影响效果, 尤其是揚程, 揚程越高個泵越有”力”, 唔駛食偉哥:O 調較方式, 水泵無得郁, 設計好就好, 唔好就幾煩, 改善有限… 其他就同氣動化氮一樣, 唔駛再講多次J 天價Bubble King 化氮都係用針刷泵, 不過個泵都要7000-8000一個, 我中六合彩就會買佢個水泵黎感受一吓… Oh! 佢個水泵叫紅龍(Red Dragon), 有左佢連食飯都開胃D…. 文氏管/1408: 想當年我仲係小小無知小白熊時, 有幸趕得切搭單買左一支1408同KENT既文氏管, 大家可以look look. (1408拆散左先影既) 上文講過, 1408其實係四支文氏管既結合, 詳情請見下圖…. 藍色箭咀係水流, 越大既箭咀水壓越低(反比), 當水流由一個強而有力既水泵推去文氏管時, 可以見到管道空間一路收窄, 咁所以水壓上升, 形成”正氣壓”在上升, 當水流經過最窄既地方後, 管道空間開始擴闊, 水壓突然下跌, 形成”負氣壓”(相比進水), 所以空氣便會抽進文氏管內, 再因噴射的水的速度及在擴散, 另空氣混合及推出出口… 調較方式, 因為一定要非常強勁既水泵先推得郁支文氐管, 所以處理水量一定大, 但因為些, 輕微的調教足以令化氮變化很大, 非要用gate value控制出水不可…我以前用波子制, 不知拖地抺柜幾多次, 次次比老婆丙到九彩, 好彩地下用瓷磚咋 , 設計好既1408, 水流要响反應倉內旋轉到頂部, 到左頂部又要壓底佢既波浪, 如果收集頸波濤洶湧, 會有不良影响, 不過現成既牌子貨都唔會有問題. 最后係講入氣的控制: 簡單D講, 入氣量越大, 氣泡越多, 亦因為咁, 氣泡相揰時會結合, 變成氣泡大粒左(粗), 相對表面面積變少, 不利於化氮效能…粗氣泡亦因為上升較快, 跟水的接觸時間縮短, 氣泡張力不足而很快爆破… 氣木化氣唔關系, 因為只靠氣木黎控制氣泡大細… 氣動及針葉/針刷調教都好方便, 多D少D影响唔大, 但係1408就唔同, 都係因為水流量大, 除左出水既微調, 入氣既微調亦足以令化氮打出黎既臭水或多或少… 點為知教得好唔好….好難講, 因為D水污唔污衊, D泡幼唔幼細, 氣泡濃密度足唔足夠, 唯有慢慢試, 或者打137137123, 每六秒一蚊, 有專人幫你慢慢講解![tongue](/ch/images/smiles/smile_tongue.gif) .
白熊 修改于 2006-10-13 18:50
退休老熊 |