Help！求救！！ - 鬧市冰室

» 鬧市冰室 » Medical Care◇藥物及魚病版 ◇ 顯示適合列印的版本寄給朋友

作者

回覆： Help！求救！！

lammark

馬克

文章: 2670
來自: 悲情城市

于 2009-04-27 11:04

七仔 wrote:

lammark wrote:

七仔 wrote:

lammark wrote:
好野啊！有「資深高手」肯為魚有望聞問切啊！簡直係魚友天大既天大喜訊啊！以後所有魚友有大小問題求助，就可以同佢地發問，佢地一定會做到佢地提倡既高水平原則，逐項「詳細」為你分析診斷喇！
實屬魚網之褔啊！希望佢地唔會得三日貨仔啦！
魚友們又可以一齊黎見證一下囉~~

乜你都知咩叫望聞問切 ? 不過呢樣只係醫者應有嘅基本條件, 唔係你講嘅高水平原則; 醫生都有專科, 識就醫, 唔識就唔可以亂點廿四。
我講咗幾次叫你唔好胡亂利用羣眾力量㗎喇, 乜閱讀能力有問題嘅奇實真係你咩 ? 回帖與否所有網友都有自由, 只係一回帖就要負責任, 包括我自己 !
魚友玩魚上網交流一吓只係輕鬆事, 要見證d咩呀 ?! 你小心保住自己係友網個板主位啦, 板主呀, 責任更大㗎 ! 不過友網d師兄師姐比我高班好多, 唔會似我咁要用幾担口水先打救到你 ! 保重啦 !

你顧掂你自己先啦，七伯！你連常用藥paraguard, cupramine係乜化學成份同藥理都唔識，就亂咁噏！重想教人點搞版，好心你啦！你好想做版主咩？我就無乜大興趣，你想做我比你做囉！不過要問下魚友肯唔肯先得喎！

無想過同你爭甚麼 ! 亦無想過要人認同我甚麼 ! 一個賊仙求助post最終令我明白到你一直開藥都係只針對病種, 並無考慮其它因素, 亦不了解不同魚種的飼養條件及受藥性; 正如藥廠不會注明個別適用魚種而只提供用藥份量一樣。部分魚友長時間累積回來的經驗, 只要你不認同就變成全無價值。提一提所謂的「敏感點」, 不要說書本上有否記載, 「敏感點」-----是經驗魚友的術語用詞。絕大部分認同敏感點的魚友都是從經驗中認識敏感點; 曾經試過用黃粉、Cupramine同Revive檢疫賊仙同2條澳洲金粟米, 賊仙檢疫第3天呼吸急速死亡; 2條澳洲金粟米完成10天檢疫, 食糧, 放回10個月無用藥的主缸4小時後出現數不到的白色小點及魚身不時顫抖, 新手的話一定認為是白點, 但一天後白色小點開始退減, 2天後白色小點完全消失, 追尋原因下才醒覺轉缸時忘記對溫,由28c水轉到24c的主缸, 之後半年內部分主缸魚曾出現輕微爆身但無出過白點, 所以我自己亦認同「敏感點」的說法; 是否書本上無記載就等如無就留代魚友自己思考。要說的已說夠, 網友亦對曾發言的人多點認識。lammark 你請自便......

敏感點名稱定位本身就存在錯誤，因為根本係白點寄生蟲未根治，所謂敏感，實察係未治癒既白點病伺機又復發，誤用敏感一詞，等同將病因寄生蟲問題遮蓋，防礙正確治療。過去魚友都認同，因為缺乏科學研究資訊，同業餘人士知識不足，誤以為白點等同傷風感冒係必然存在。魚病書一般都基於科學原則立論，所以敏感點呢類唔合乎科學邏輯既病徵定名，根本唔會出現，因為用上就只會顯得作者水平不達科學水平，與一般科學認識不足，靠土法養魚，業餘者中最低水平既一族無異。

科學證明，白點病治療，銅藥濃度，溫度，時間都係關鍵。若果銅濃度太低、水溫低，則10天藥檢亦不足以根除白點蟲，因為水溫低會延長白點蟲生命週期，所以各大銅藥廠都會建議安全療程為十四天，0.5ppm。

藥物魚病版係討論治療心得，乃補充新手版基本資料對魚病臨床治療既不足，重點係指出研習方向，而唔係由最基本養魚治療概念講起，更唔係海水魚養魚版教養魚，由點開鹽建立過濾講起。想講養生之道，點樣無病無痛，個人養魚獨門心得唔該去對版面。如何學習醫病魚，係每個養魚既人既責任同工作，無人可以取代你。

你以上講上述治療建議，話無考慮魚種既言論，根本就顯示出你對治療藥物毫無認識。建議用cupramine，而唔係一般建議用普通銅藥就可以，就因為c係絡合銅，係對敏感魚種毒性最底既銅藥，而建議0.3ppm，而非最高0.5ppm就係考慮到治療同魚種承受力既平衡。或者對連乜野係絡合銅，點解化學結構會低毒性都唔識既你，根本唔明我講乜。

樹型目錄

Help！求救！！ - 細粒 , 2009-04-24 12:19

回覆： Help！求救！！ - lammark , 2009-04-25 02:39

回覆： Help！求救！！ - 七仔 , 2009-04-25 04:14

Help！求救！！ - 七仔 , 2009-04-25 03:50

Help！求救！！ - lammark , 2009-04-26 06:13

回覆： Help！求救！！ - 黑曜石 , 2009-04-25 14:04

隙葡ㄩ HelpㄐА寰ㄐㄐ - 黑曜石 , 2009-04-25 14:25

隙葡ㄩ HelpㄐА寰ㄐㄐ - lammark , 2009-04-26 06:21

隙葡ㄩ HelpㄐА寰ㄐㄐ - 黑曜石 , 2009-04-27 13:05

隙葡ㄩ HelpㄐА寰ㄐㄐ - lammark , 2009-04-27 13:32

隙葡ㄩ HelpㄐА寰ㄐㄐ - lammark , 2009-04-27 13:33