最新發現「硫酸鈣」（熟石膏粉）治白點

» 鬧市冰室 » Medical Care◇藥物及魚病版 ◇ 顯示適合列印的版本寄給朋友

作者

回覆：最新發現「硫酸鈣」（熟石膏粉）治白點

lammark

馬克

文章: 2670
來自: 悲情城市

于 2009-09-11 04:45

鈣療法既由來，基於幾年前有台灣魚友發現自從魚缸加左鈣反之後，過去經常失控既白點病竟然自然受到控制，不藥而癒既發現，開始留意鈣同白點蟲既關係；加上同時有魚友睇牙醫時，發現牙醫同病人做完治療之後，都會比氫氧化鈣水比病人嗽口，目的為抗酸性替病人口腔消炎。基於白點病併發炎症既考慮，魚友開始試將氫氧化鈣加入魚缸，試圖提升鹼性環境，睇下對用唔到銅藥，面對市售軟體白點藥完全無效，又捉唔到魚既軟體缸既白點病魚有無效，結果有意外發現。跟住一班魚友就私下試用氫氧化鈣，佢地發現有一定意外收穫，後來慢慢先至響網上公開心得。最後經本港魚友引入香港，再進行測試，發表心得。魚友可以由氫氧化鈣既置頂標題睇到過去魚友成功同失敗既經驗，基本同台灣魚友所分享既經驗接近。

氫氧化鈣療法我同其他魚友都有試過，都發現有一定效用，但機制至今未明。正如今日醫生用黎醫人類原蟲感染既metronidazole，到而家都未明呢重抗厭氧菌抗生素點解會醫到滴蟲病，但基於臨床案例，醫學界一直沿用至今。如今我地只可以按常理推測兩者互為原因，最終答案要留待設備先進既實驗室同生物專家去解答。炭酸鈣療法既提出，係基於前者既一定成功，再擴展到鈣既另一種型態療效試驗，目的希望解決氫氧化鈣較難買到，同MOQ一買就通常最少要一大袋水泥袋既搬運同儲存問題。而達到醫藥級具較劃一標準規格既硫酸鈣（熟石膏），就只要中藥房就可以輕易買到，且幾蚊就有交易。

經過我幾次親自既白點病魚試驗，發現硫酸鈣具有接近氫氧化鈣既療效，對白點病有一定療效，所以將個人經驗同所用成功份量發表，以「最新發現」為題，響香港、台灣發貼，甚至置頂，旨在希望更多魚友繼續討論，研究，提出更多唔同環境同使用既結果，一齊搵出更好既使用方法，而唔係封閉式結論作題。對於有能力，敢不斷嘗試向前，又願意分享所好既魚友，我希望呢兩篇討論題目對你地有用。對於較新，而且原本設計目的係響軟體缸試用既鈣療法無興趣既魚友，不妨當作偏方一笑置之。反正FOT好處就係用藥方便，無軟體缸種種限制，需要響各種局限中要不斷嘗試。
由此至終，貫切做好檢疫既方法，都係各地推崇既養魚方法，亦免卻日後好多不必要既煩惱，故響度亦唔再多講。

樹型目錄

最新發現「硫酸鈣」（熟石膏粉）治白點 - lammark , 2009-07-23 02:36

回覆：最新發現「硫酸鈣」（熟石膏粉）治白點 - 七仔 , 2009-07-23 03:16

回覆：最新發現「硫酸鈣」（熟石膏粉）治白點 - lammark , 2009-07-24 01:08

回覆：最新發現「硫酸鈣」（熟石膏粉）治白點 - alexlee1906 , 2009-07-23 12:53

回覆：最新發現「硫酸鈣」（熟石膏粉）治白點 - lammark , 2009-07-24 00:41

回覆：最新發現「硫酸鈣」（熟石膏粉）治白點 - hin98 , 2009-07-23 13:07

回覆：最新發現「硫酸鈣」（熟石膏粉）治白點 - lammark , 2009-07-24 00:30

回覆：最新發現「硫酸鈣」（熟石膏粉）治白點 - 七仔 , 2009-07-24 03:31

回覆：最新發現「硫酸鈣」（熟石膏粉）治白點 - lammark , 2009-07-24 04:43

回覆：最新發現「硫酸鈣」（熟石膏粉）治白點 - 七仔 , 2009-07-24 12:22

回覆：最新發現「硫酸鈣」（熟石膏粉）治白點 - lammark , 2009-07-24 14:58