franng
 
文章: 1633
 |
 于 2003-12-13 11:21    
簡直係惡夢.
我缸內既魚都養O左超過一年多,
最短都養O左半年.
但今朝發現我心愛既藍面同藍圈死O左 
小丑係葵度開始唔係好掂.
皇帝左邊眼發白, 全身白茫茫.
藍紋擦哂身........... 番茄生哂白點........
只剩下藍魔同黃吊冇咩事.
原因係咩?
1. 係上星期天氣轉涼. 缸內暖管突然唔著.
因為我開始見藍圈擦身, 一睇溫度計知道暖管唔著.
當時都冇咩, 因為我餵番蒜汁糧就應該沒事.
2. 係我自己不小心之過. 之前整O左個NO3化除器, 係用硫磺珠. 昨晚換水時忘記關水閘就關泵. D水回流落缸度. 當時我仲未醒覺. 及後換完後發覺PH一直係咁跌, 跌到7.6, 我心知不妙, 但果時仲未知係NO3化除問題, 及後諗住開番化除個泵時, 先發現回流問題. 唉... 咁就死. 因為回流D水係酸. 但我已經換O左30% 水. 再換可能會出事. 所以我就用PH BUFFER 來穩定番PH. 但PH BUFFER 只可以頂到半日度. D 水又開始變酸, PH 又大幅下降. 就係呢個原因, 令到缸內D魚開始唔掂.
但有一點好奇怪. D魚係唔掂. 但相反D蚌就開得比以前靚, 其他珊瑚都比以前開得靚. 唔通同D水變酸有關?
現在咩補救辨法都做埋. 我諗.... 可能要清缸 .....
所以我打呢篇野出來比大家一個警醒.
換水時唔好分心, 要記清楚或寫清楚每一個步驎.
呢次就係忘記關水閘先攪到咁大獲.
心痛........ 因為我當D 魚係我仔仔..........想喊TIM...........
franng 修改于 2003-12-13 11:23
|
顯示適合列印的版本 
寄給朋友
