友網有人拾野賣 - 鬧市冰室

» 鬧市冰室 » Aqua Thing Exchange ◇易手交換◇ 顯示適合列印的版本寄給朋友

作者

友網有人拾野賣

峇里天使

文章: 7
來自: SSPO

于 2005-05-19 23:20

http://www.hksaltfish.com/phpbb/viewtopic.php?t=60928

  拔＊個簽名 (期望大家在享受大自然的同時，亦珍惜大自然給我們的一切．)聽就幾好聽，當然珍惜大自然給
我們的一切啦，錢黎架喎，成日口口聲聲仁義道德，但係就去潛水拾野拎去賣同拾d珊瑚番個缸養，生物石都潛水拾過幾次賣啦，當時亦都有
其它魚友在場潛水見到知道，潛水拾完重拎番拔＊屋企磅下有幾重，原來都拾左80幾磅，賣比邊個？billstxxx囉，馬馬安山魚友，賣左80幾
磅，$2000幾蚊當時拔*都在場喎，拔*收錢添，賣完重過左去搵魚友johnXXXXX一齊食飯，原全當冇事發生過，一個魚友用左二千幾蚊買左d
香港生物石！點解我當時唔出聲？朋友囉，況且亞媽教落唔好阻人發達喎！拔＊又成日講，(魚佬網並不贊同任何非法行為. 請勿以身試法.
香港法例第 187 章動植物(瀕危物種保護)條例, 以上物品皆受瀕危物種保護, 為受管制品種, 未經可進口, 均屬違法. 欲知詳情, 請到魚護
處網頁查詢 )，我當然信魚佬網就當然唔贊同任何非法行為，但係就有人借魚佬網出位之後搵錢，帶團上大陸推薦魚友購買珊瑚同珊瑚骨入境
，有魚友問乜唔係犯法架咩？拔＊重會答，比錢咪得囉，有車送到你屋企門口，你地驚咩野？不停在叫人買唔駛驚！成日四圍同人講話漁夫*
*d珊瑚在香港潛水拾番黎賣，叫人唔好同漁夫買，咁樣中傷人，自已就去拾野拎黎賣，叻仔黎既，抵你發達！

  一方面叫人唔好做違法行為，又話自已養既珊瑚有牌，一方面自已就靜靜雞去做，變面大師！拾水筆送比魚友，比人告密拉左上差館，又話
搵左咩咩公司法律顧問去，跟住又比漁護處上屋企搜查，拉左你充公左d珊瑚，重叫我千祈唔好講，我問點解唔講，提醒下其它魚友都好呀，
拔＊話比人知道就瘀死比人笑死，OK啦，咁我咪唔講囉，死魚反缸都係靜雞雞搵d老手幫手救魚，又唔講得？交流下咋喎，睇下大家幫唔幫到
手，係架，點比得人知架，版主喎，成屋器材都死魚反缸點得架，哦，原來版主只可以報喜不報憂既，明白！轉過頭又話人咩咩島主唔識養魚
就一味買魚，正式係買魚人買貴晒d魚，係我角度你同佢都差唔多o者，不過島主應該都好過你，死魚夠膽講出o黎比人聽，好過你反缸死魚唔
敢講，我點知道？我當然有我既能力！所謂版聚自助餐，食食下野拎d生物環呀咩咩出黎賣添，攪笑，魚佬網賣魚網衫，拔＊一力承擔，搵人
做衫，搵埋負責的魚友傾細節，拔＊同我講，小*唔知癡乜線，話咩咩件衫畫圖個設計者，如果件衫好賣，到時件衫版權點計？你估D&G咩？
版權？忽忽地，當自已真係差婆咩，懶係識法律咁，佢肥成咁佢做到我老婆都做到啦，係啵，攪呢件衫果時我從未參與過架啵，小*姐講呢番
說話時我更加唔在場啦，咁我點知道既呢？你地自已諗啦！其實你講背後講人壞話唔緊要，根本都唔關我事，但最衰格係放完人毒針轉過頭可
以同人拍膊頭稱兄道弟，我認我係真小人架，最憎d假君子千面人變面大師，以前幫你同人嘈我都認左係真小人架啦！

  直至有一次有位魚友"魚夫**"攪第一次版聚船河，想當年係一件大事，好多魚友都報唔到名去，當日一大班從未見過面的魚友玩得好開心
，游水潛水捉魚釣魚各適其適，第二日又在權記傾謁時，拔＊就話啦，屌，禽日魚夫根本志在執野o者，計下條數重有錢賺添，咁就我攪好過
佢攪，魚夫條友久唔久就有d珊瑚賣，佢潛水執之嘛，你留意下呀，漁夫成日都有珊瑚賣架啦，一於咁話啦，我攪啦！第二次第三次船河費事
講啦！講第四次啦，有一日拔＊打我電話，話攪個二艇船河，我問佢睇左船未？佢話睇左啦，西式架好靚架，好低添，$7000 二隻，重問我有
冇$3000可以借比佢要落訂，我話依家先7月喎，9月先攪喎，駛唔駛睇下第二d艇或者格一格價？佢話好平架啦，包野食包野飲包二隻快艇，一
隻玩香蕉船一隻玩Wakeboarding好低架啦，咁我咪話OK囉，好啦，當晚見到拔＊佢出Post，我一睇，發覺有d唔妥，第二日在權記我就問拔＊
佢，乜唔係$7000 二隻咩？點解變左$8000？佢講講下就講左第d野，我個心梗係唔開心啦，覺得有d野咁，不過都冇再追問落去，到當日去到西
貢碼頭時，見到二隻所謂西式遊艇，我都唔知講咩好，西式遊艇？？似大眼雞多d喎，我女友即時察覺我面色有異，問我發生咩事？我講完之後
，我女友就話算啦，一次半次，唔好攪到來旅行都唔開心，咁之後分組去買野飲買野食啦，有人當時話一人一罐飲料，我女友話，唔係呀嘛？
一人一罐？我都唔夠啦，何況d男人又潛水又游水，咁即刻又搵人去買多幾排返來啦，好啦，出發啦，咦？唔係卦，隻船咁慢既？d艇仔都可以
爬到我地頭既？其它魚友咪話囉，呢d艇係咁上下架啦，最後差唔多用左成個鐘先去到X缸，好啦，唔好諗咁多啦，去玩餐飽就算啦，咦？點解
有隻舢舨仔拉香蕉船既？唔係卦？我問攪手拔＊，佢話另一隻快艇下午一點鐘先會到喎！下？咁都得？唔理啦，拿拿玩Wakeboarding先，玩玩
下見到有隻水警輪駛過黎，隻舢舨仔即時想走，但係比隻水警輪截住查牌，呵呵，第一次見水警查牌，水警話唔拉得船架喎，趕左隻舢舨仔走
，咁我又再問攪手拔＊另一隻快舨幾時先黎呀，好多人想玩Wakeboarding同香蕉船喎，拔＊話3點鐘左右啦，下，我地四點走啦喎，3點黎做咩
？送船？算啦，費事問啦，到食午餐時間，哇，37人得5盤野食，一盤野食我諗最多放到三碟炒飯左右的容量，各位魚友有冇見過咩叫餓狗搶屎
？我果一刻都搶埋一份，好辛苦先搶到幾條意粉同一隻雞中翼比我女友，轉個身想再拎比自已食，噢！乜都冇剩，望真d見到重有幾粒炒飯，都
殺，有幾多食幾多呀老友！最後四點走果時都唔見另一隻快艇來喎，咁點呢？冇得點喎，冇人出聲又可以點？又過骨囉！所以唔好成日話做咩
吃力不討好o既事啦！

nebula 修改于 2005-05-20 01:13

樹型目錄

友網有人拾野賣 - 峇里天使 , 2005-05-19 23:20

回覆：友網有人拾野賣 - 葉孤城 , 2005-05-20 00:00

回覆：友網有人拾野賣 - stainboy , 2005-05-20 00:10

回覆：友網有人拾野賣 - nebula , 2005-05-20 00:59

回覆：友網有人拾野賣 - 鵬鵬 , 2005-05-20 01:04

回覆：友網有人拾野賣 - davyleung , 2005-05-20 01:06

回覆：友網有人拾野賣 - 小白龍 , 2005-05-20 01:09

回覆：友網有人拾野賣 - nebula , 2005-05-20 01:09

回覆：友網有人拾野賣 - koji , 2005-05-20 01:13

回覆：友網有人拾野賣 - B仔 , 2005-05-20 01:23