Topic: 好想養一缸健康的海水魚 |
 Print this page
|
| 好想養一缸健康的海水魚 | Copy to clipboard |
|
Posted by: wah66662001 Posted on: 2006-12-19 14:59 我養了海水魚半年，但不知點解每一條魚都養不到 一星期就會和我說拜拜！ 前 2 個星期買了一條籃圈回來！ 真係非常開心因牠第二日就開口。 點知道第五日又生白點，我就去旺角問賣海水魚店鋪入邊的人可以點樣救牠。 他們就給了一支藥叫我回家連續落 7 日就會好！點知到第三日就全缸的魚都死清！ 現在不想養魚只想養海葵和珊瑚，但有人說落過藥的魚缸是不能養牠們的。 可以教我嗎？ PS:海葵和珊瑚是食甚麼的！ | |
| 回覆： 好想養一缸健康的海水魚 | Copy to clipboard |
|
Posted by: Kenny Posted on: 2006-12-20 10:17 想問下你個缸有幾大? | |
| 回覆： 好想養一缸健康的海水魚 | Copy to clipboard |
|
Posted by: haiven Posted on: 2006-12-20 15:28 好少見Kenny哥乜都唔答,淨係問你個缸有幾大。 咁等我黎多事下先,首先我想知你D魚仔係點度買,你居然可以買到同你說拜拜既魚？我D魚咁耐以黎都無同我講過一句說話！無家教！:D（講笑） 首先你睇睇你既設計有無野搞錯左先,個缸有乜濾材,有無野恆溫,有無先養水,水有無菌,有無定時check水等等,所有功夫做在前,好過成日去買魚仔。 如果樣樣都做齊,真係好難會死魚架喎,除非你條魚返黎時已經乃左野,尤其係十蚊條撈魚仔果D,你每一條魚都養不到 一星期就瓜,我諗好大原因係你D水唔得,影張相黎睇下得麻。 醫白點最好用自己方法,落藥係需要,但唔好盡信魚藥,老闆梗係話得啦。 | |
| 回覆： 好想養一缸健康的海水魚 | Copy to clipboard |
|
Posted by: wah66662001 Posted on: 2006-12-20 18:11 我個魚缸只得 24 吋，但是沒有在缸底放沙所以沒有底喉！ 水溫是常在25℃左右！有 2 個掛濾系統，1 個放生物環，而第二個就放濾綿和活性碳！又有化氮器。 在開缸的時候我連續 7 日都有落硝化細菌，仲落了 2 次海水完素。 我有時就去旺角買魚，有時就去牛頭角買。 | |
| 回覆： 好想養一缸健康的海水魚 | Copy to clipboard |
|
Posted by: Kenny Posted on: 2006-12-21 10:39 因為我就係懷疑緊佢係用緊較細o既缸, 魚缸較細再加上setting唔好, 設備唔齊全都會較難養. 因為海水魚o既要求比淡水魚高好多, 而細缸o既設計通常只較適合養淡水魚. | |
| 回覆： 回覆： 好想養一缸健康的海水魚 | Copy to clipboard |
|
Posted by: Kenny Posted on: 2006-12-21 11:06 wah66662001 wrote: 我個魚缸只得 24 吋，但是沒有在缸底放沙所以沒有底喉！ 水溫是常在25℃左右！有 2 個掛濾系統，1 個放生物環，而第二個就放濾綿和活性碳！又有化氮器。 在開缸的時候我連續 7 日都有落硝化細菌，仲落了 2 次海水完素。 我有時就去旺角買魚，有時就去牛頭角買。 第一, 落7日消化細菌唔等於夠同會有好大幫助, 因為消化細菌要搵到地方落腳去安定去繁殖先會起到作用, 如果一直處於飄浮狀態應該好易死同流失. 所以落幾多同落幾多日都係次要, 最重要就係缸內安定好在繁殖中o既菌足唔足夠去消耗缸內魚所產生o既NH3; 當然如果能夠有多D地方俾D菌去躲藏同繁殖, 水質就無咁快變差變壞. 而且, 由於無辦法去量度同知道需要幾多菌去幫助消解魚所產生o既NH3, 所以開缸初期無論覺得D魚幾好幾OK都好, 唔好加魚, 就算加都要加得好慢, 因為唔會知道加幾多條就會到達菌所能消耗o既極限; 又或者可能你加第一條已經去到極限, 只係水仲未變差變壞, 當你再加第二條就變成爆曬燈, 唔只水質急劇轉壞, 魚更會在短時間內死去. 至於海水素只係補充水內o既微量元素, 對養水養菌完全無幫助, 初開缸可能2~3個星期甚至一個月加一次都已經足夠. 第二, 買魚去邊度買都唔係問題, 但選魚就係一門好重要o既學問. 舊魚一般未養夠三個月至半年都未夠壯, 如果期間引入左有病o既新魚就好容易唔夠抵抗力, 感染然後同新魚一樣慢慢變得病情嚴重. 所以買魚要好小心, 千其唔好想買就買, 對條魚o既健康狀態覺得有懷疑時就絕對唔好買. 寧願錯過都唔好俾自己錯誤引入病魚; 如果你想買o既魚種唔係好少有好少返, 根本大把機會再買到, 急反而容易累事. | |
| 回覆： 好想養一缸健康的海水魚 | Copy to clipboard |
|
Posted by: wah66662001 Posted on: 2006-12-31 23:13 對不起！因為最近工作太過繁忙！所以今日才回覆！ 真係好多謝 Kenny 師兄的教導，我會好好學習點樣養好一缸海水魚的。 | |
| 回覆： 好想養一缸健康的海水魚 | Copy to clipboard |
|
Posted by: troublehk Posted on: 2007-01-01 01:39 如果有相相睇就好了 | |
即時聊天廣播.
All Rights Reserved.
[Processing Time] User:4.24, System:0.37, Children of user:0.04, Children of system:0.09
請大家技持更換新主機啦, 多謝!