Print Topic

Topic: 開缸新手一問（請各位高手指點迷津)

開缸新手一問（請各位高手指點迷津)

Posted by: detox2046
Posted on: 2006-04-05 08:36

我媽子兩星期前買o左個 Aqua One 34L 套缸，跟400l/h水泵、黑色梳濾棉、生物環及白色密濾棉。
魚就買了十條紅蓮燈、兩條5cm長金魚仔及五條13cm長c。
用隔夜水入缸後即放魚，兩日後全缸水起霧。再看生物環落水兩日已碎了不少。佢又餵得多到缸底有不少魚糧。上網一睇便之不妙
開缸七日左右忍唔住宣布接手魚缸，免得全缸死魚。
出去買了十蚊盒竹炭、AZOO鈣鎂離子活性濾材及氣木。番來先知個濾水盒太細。
最後唯有張白色密濾棉放底，之後用膠質魚湯袋入竹炭、AZOO鈣鎂離子活性濾材，最後放黑色梳濾棉。
RENA Air 50 加氣木打氣。
換濾材後第二日全缸魚白點，換過三分一缸水，第三日死剩一條錦鯉。其他已經入o左忠烈祠，等明天清明順便為佢o地莊住香，早登極樂。
現在唯一生還錦鯉在缸底打側吊住條命，剛剛吸走魚屎時發現水泵邊有小量青笞，缸邊缸底氣喉表面都有一層淡白色滑溜溜的膜。
水幾清，起碼無起霧。

有幾條問題想請教各位網友：

１那層淡白色滑溜溜的膜是什麼？

２那條唯一生還錦鯉死後要繼續放魚養水，還是全缸水重頭開始？(因為死了不少魚，又全缸起過白點病)

３繼續放魚養水的話，放什麼魚好？還要養水幾耐至正式落自己想養的魚？

４ AZOO鈣鎂離子活性濾材是否重差過生物環？

５用RENA Air 50 加氣木打氣是否適合？長期用氣木打氣對魚有無影響？

希望各位幫忙，咁真係功德無量。

回覆：開缸新手一問（請各位高手指點迷津)

Copy to clipboard

Posted by: TL1
Posted on: 2006-04-10 23:25

小弟愚見：

問題：那層淡白色滑溜溜的膜是什麼？
答案：可能係水太污濁或不太乾淨。

問題：那條唯一生還錦鯉死後要繼續放魚養水，還是全缸水重頭開始？(因為死了不少魚，又全缸起過白點病)
答案：我見意全缸換水重頭開始。

問題：繼續放魚養水的話，放什麼魚好？還要養水幾耐至正式落自己想養的魚？
答案：可養皮琶先。做人見意養水一星期等硝化細菌運作。

問題：AZOO鈣鎂離子活性濾材是否重差過生物環？
答案：活性炭同生物環係兩樣野。

問題：用RENA Air 50 加氣木打氣是否適合？長期用氣木打氣對魚有無影響？
答案：有適合及全無影響。

我地有在新的聊天室
即時聊天廣播.

[Processing Time] User:0, System:0, Children of user:0, Children of system:0

請大家技持更換新主機啦, 多謝!