Topic: 超新手求救 ~ 養獅子頭 |
 Print this page
|
| 超新手求救 ~ 養獅子頭 | Copy to clipboard |
|
Posted by: DEMON27 Posted on: 2006-02-15 13:56 細佬我平時養開狗, 呢次第一次養魚, 但養左大約一個月, d魚成日死, 希望各位大哥可以教下細佬以下幾個問題. 1. 白點 最初我買左個16 x 14 x 12 吋細缸, 養左6條小獅子頭. 發覺d水兩三日就好混濁, 而且好黃好綠, d魚仔個頭又生白點. 朋友話d魚凍所以生白點, 咁我買左支暖管啦, 情況雖然係好左, 但都係仲有小小白點, 落了”魚康寶”都無料到. 咁我需唔需要再買其他勁d既藥水呢 ? 2. 水質 D水兩三日就變黃, 金魚佬叫我買個大形濾水器, 話會有幫助. 但係金魚佬A叫我加活性炭, 金魚佬B就話唔使炭, 反而要加生物環. 咁我應該用邊種呢? 3. 濾水器 我個濾水器入面有一層好似膠版既隔層咁既東西, 金魚佬話遲D起左青苔唔好洗, 咁D水就會變清, 係咪真架? 4. 換水 如果而家我只養3條獅頭, 我應該大約幾耐換一次水呢? 每次換多少呢? (每條魚約2吋長) 5. 總結 而家我個缸既情況如下, 你們話做法是否正確呢? 有咩地方需要補充. - 魚缸SIZE 16 X 14 X 12吋 - 養3條獅子頭 (每條約2吋長) - 強力濾水器一個, 入面有白色棉花和一包生物環 (成個缸無其他東西) - 循環過程係, 入水>生物環>棉花>出水 (是否正確?) 大家對養獅子頭有咩詳細既好建議, 請告知細佬我 | |
| 回覆： 超新手求救 ~ 養獅子頭 | Copy to clipboard |
|
Posted by: 岩礁園丁 Posted on: 2006-02-15 16:22 應該先到棉, 再到生物環. 新水養唔到魚, 要舊左先好, 新水頭幾日變濁, 係正常, 唔好理佢, 等佢自己清番就得. 水變黃就落活性碳吸色就得. 換水最多五份一, 千祈唔可以換晒全部. 新棉白雪雪時係濾唔到水的, 要舊左, 黑蚊蚊, 睇落好污糟果時先係好野, 唔好隨便換左佢, 因為係寶黎, 除非塞果時, 先換少少, 唔可以換晒. 總之, 水同濾水器都要舊左先至養到魚. 獅子頭個頭的白點, 未必係白點虫, 可能係正常的分泌物, 呢點要搞清楚先得. | |
| 回覆： 超新手求救 ~ 養獅子頭 | Copy to clipboard |
|
Posted by: DEMON27 Posted on: 2006-02-15 16:58 唔該晒你既專業意見, 但唔係好明有關棉花既問題, 咁舊棉花使唔使兩三日拎出黎洗一次? 上面好多屎喎, 唔洗會唔會對魚有害? 水變黃會唔會令到什麼酸鹼度有變化? 是否只係用活性炭和生物環就可令水質變返清? 點樣可以分辨白點病同分泌物? 望落去都係一點點白色, 唔係好識分. | |
| 回覆： 超新手求救 ~ 養獅子頭 | Copy to clipboard |
|
Posted by: 岩礁園丁 Posted on: 2006-02-15 17:37 因為你係超新手, 你未明生化細菌過濾的原由, 所以暫時唔講點解你聽住, 因為要講三日三夜先講得完, 你一邊養一邊學, 遲下先同你講點解, 現你只要照做就得. 總之, d野係同你現在所諗的相反, 你覺得要乾淨先養到魚, 係錯, 其實係要污糟, 要舊, 先至得. | |
| 回覆： 回覆： 超新手求救 ~ 養獅子頭 | Copy to clipboard |
|
Posted by: 岩礁園丁 Posted on: 2006-02-15 17:42 DEMON27 wrote: 點樣可以分辨白點病同分泌物? 望落去都係一點點白色, 唔係好識分. 如果全身都有, 粒粒都係咁上下大的, 就可能係白點虫. 如果淨係頭頂舊肉先有, 粒粒大小不一, 就係分泌物. | |
| 回覆： 超新手求救 ~ 養獅子頭 | Copy to clipboard |
|
Posted by: DEMON27 Posted on: 2006-02-16 13:21 Thank you晒你既意見, 我會照你的方法去做, 如再有不明白就再找你. | |
| 回覆： 超新手求救 ~ 養獅子頭 | Copy to clipboard |
|
Posted by: hungkei Posted on: 2006-02-16 17:14 係咪金魚呀，初春回暖就會開始繁殖，公魚頭部同鰓蓋都會起一點點白色，叫追星，成日會追全母魚博交配。 | |
| 回覆： 超新手求救 ~ 養獅子頭 | Copy to clipboard |
|
Posted by: pilot168 Posted on: 2006-02-16 17:59 追星唔會係魚頭上面，追星會係魚鰭(前鰭，撥水果條鰭)上最容易看到。 獅頭魚頭上面白色果d多數係脂肪粒，遲D會變紅色架喇。 | |
| 回覆： 超新手求救 ~ 養獅子頭 | Copy to clipboard |
|
Posted by: DEMON27 Posted on: 2006-02-17 15:56 係呀, 條魚頭度有幾粒白點, 其中一條魚仲狂咀佢個屁股, 唔係係咪想攪野? 昨天換了1/5水後, D水無端端變得好濁, 我拎走左生物環, 改用棉花+活性炭, 唔知做法是否正確. | |
| 回覆： 回覆： 超新手求救 ~ 養獅子頭 | Copy to clipboard |
|
Posted by: 岩礁園丁 Posted on: 2006-02-17 16:06 DEMON27 wrote: 係呀, 條魚頭度有幾粒白點, 其中一條魚仲狂咀佢個屁股, 唔係係咪想攪野? 昨天換了1/5水後, D水無端端變得好濁, 我拎走左生物環, 改用棉花+活性炭, 唔知做法是否正確. 炭還炭, 棉花生物環係主要生化濾材, 係幫你缸水解毒的益菌 ( 硝化細菌 ) 的溫床, 好重要, 要好好保護佢地, 你缸水養唔養到魚就係靠晒佢地, 只可加不可減. | |
| 回覆： 超新手求救 ~ 養獅子頭 | Copy to clipboard |
|
Posted by: pilot168 Posted on: 2006-02-17 19:08 係呀，魚公會追住魚女同用前鰭既追星撞佢地尾部。 D水無端端變得好濁 ~ 如果d水係白矇矇，咁就多數係散jor春。恭喜! 加d活性炭好快就會清番 | |
即時聊天廣播.
All Rights Reserved.
[Processing Time] User:0.06, System:0, Children of user:0, Children of system:0
請大家技持更換新主機啦, 多謝!