Topic: [求救] 水似乎有點問題.... |
 Print this page
|
| [求救] 水似乎有點問題.... | Copy to clipboard |
|
Posted by: 根佬 Posted on: 2004-08-29 19:23 各位師兄: 小弟個缸開左三個星期, 近日發覺水裏面有D微粒, 唔知係塵定係氣泡.. 水面就有少少塵及油膜... 短鯛多數停係角落近水面..但我又唔發覺佢 地有乜異樣..呼吸都算正常..其他魚同草都冇特別.... 我想問下: 這個現象算正常嗎? 如何清除水面塵點及油膜? 麻煩師兄比D意見... 謝謝!!! :):):) | |
| 回覆： [求救] 水似乎有點問題.... | Copy to clipboard |
|
Posted by: mareal Posted on: 2004-08-30 09:37 要清除油膜, 治標o既方法可用除油器, 治本 D o既方法就可以餵少 D o野食同換水o既頻率高番少少. 油膜好快會消失. 水面油膜會阻礙氧氣溶入水中, 會有機會減少水中o既溶氧量嫁, 不過燈魚好少會蒲水面, 去左油膜之後你睇下 D 鯛仲會唔會蒲水面啦. 餵食過量o既後果可大可小. 輕則水質變差, 如果唔理佢嚴重左有可能會隊[$#20903]個過濾系統(不過機會少 D, 除非你真係完全唔理佢), 你餵少 D 睇下你而家出現o既有冇改善先啦.:D | |
| 回覆： [求救] 水似乎有點問題.... | Copy to clipboard |
|
Posted by: 根佬 Posted on: 2004-08-30 10:11 To : Mareal 兄... 呀.. 係呀,.. 密d換水同餵少d糧可能會好轉... 唔記得添... 多謝大哥提醒...:D:D 另我正準備開個28X16X18既缸, 想搵個CO2雙錶頭..知唔知係魚街邊間買好D呢.. 如果連氣樽價錢大約幾多,..淨錶頭又約幾多.. 知既請講我知等我預下BUDGET... 唔該哂! :):):):) | |
| 回覆： [求救] 水似乎有點問題.... | Copy to clipboard |
|
Posted by: mareal Posted on: 2004-08-30 11:08 衰鬼咁快就忍唔住手[$#22001], 不過都正常, 一係唔玩, 一玩就一發不可收拾.........:}) 老實講, co2 set 唔好o係魚街買, 如果唔係比人斬到一頸血. 我知道o既就有幾度地方賣得平.8D 1, [url=http://www2.aqugrass.com./phpBB2/viewtopic.php?t=22331]老通水族[/url] ---- 我都係幫趁佢, 買左四五個月左右都冇問題發生, 雙錶頭 + 電磁閥 + 1kg 鋁樽 $9xx, 唔係好記得實數. 不過咁, 我有個 friend 同我一齊o係佢度買左 set, 就不斷有問題, 結果拎o黎拎去幾轉搞到樽同錶都換晒. 不過我覺得就 OK, 一o黎我果 set 冇問題啦, 二o黎間水族鋪都算負責, 唔會收左錢就"九就", 不過係要拎o黎拎去麻煩 lu. 2, [url=http://www2.aqugrass.com./phpBB2/viewtopic.php?t=25720]水草情迷 eShop[/url] ----- D 網友就幫趁過話幾好, 你格下價啦. 3, [url=http://www.aquastore.com.hk/browse.php?categoryid=129]觀塘 10/F[/url] ----- o係我公司隔離果座大廈, 有好多硬件都真係幾平, 水草有一 DD 啦, 有 D 平有 D 貴, co2 set 之前問過佢全套 (雙錶頭 + 電磁閥 + 1kg 鋁樽) 都係大約 $9xx, 不過果度個老細好吹得, 你如果去買o野要收定料, 知道咁上下先好去, 如果唔係好易比佢[$#27705]倒你買o野. 不過我覺得其實佢地賣 D o野都冇問題o既, 始終樓上鋪同魚街果 D 唔同, 商譽對佢地比較重要. 另外, 有兩間o係大角咀做消防用品o既都有賣, 分別係[url=http://www.aqugrass.com/co2map.htm]新基[/url]同[url=http://www2.aqugrass.com/phpBB2/viewtopic.php?t=23121]新寶[/url], 佢地幫人差氣, 樽同錶都有賣, 樽有分鋼樽同鋁樽, 不過我睇過個樣麻麻, 好似唔係好信得過咁. 不過如果你去佢地度差氣, 要問清楚唔同樽 size o既價錢, 因為新基o既價錢好似同資料顯示有出入. 你去情迷搜尋下"新基"同"新寶", 你會睇倒好多經驗. 總之買 co2 set 我覺得你真係要睇番幫趁過o既人o既經驗, 佢地比倒你o既保養同售後服務, 如果有問題佢地唔 Q 睬你你都真係吹佢唔漲. 我都講唔倒咁多, 你試下搜尋多 D 資料先買啦. 睇多D, 穩陣 D 呀.:D | |
| 回覆： [求救] 水似乎有點問題.... | Copy to clipboard |
|
Posted by: 根佬 Posted on: 2004-08-30 23:10 To : Mareal.. 唔該哂你提供咁有用的資料, 不過諗諗下都覺得我可能心急左D啦.. 因為九月尾我要搬..如果而家SET 新缸到時真係好麻煩..盞攪... 都係搬定先諗好D... 你提供既資料我記低左, 隨時翻查就可以用得... 唉.. 而家最頭痛係到時搬魚缸... [$#34009]然我個缸都係好細...但搬起上來 可能要重新SET 過哩....xx( | |
| 回覆： [求救] 水似乎有點問題.... | Copy to clipboard |
|
Posted by: mareal Posted on: 2004-08-31 09:37 如果要搬屋又真唔好搞住好 D............ SET 過我諗實要嫁喇, 不過只要你 KEEP 番住個過濾系統, 到時好快搞番掂o既. 你有冇諗過點搬呀, 成個連魚帶水抬過去?? :D | |
| 回覆： [求救] 水似乎有點問題.... | Copy to clipboard |
|
Posted by: 根佬 Posted on: 2004-08-31 10:02 To Mareal : 我會抽起八, 九成水, ..拔起d長既草, 然後撈哂d魚一齊放係茼裏面, 用氣泵打住氣先.. 剩低短既草就由得佢係個缸度, 一併搬過去... 你覺得咁ok 嗎? 另外, 我想問我個缸巳經三星期有多了,..要開始加液肥未..如要, 買邊隻液肥好呢?..尋晚我見d草開始出泡lu.. 連水榕同鐵皇冠既葉底都出泡..但係唔知點解d綠松尾反而唔出泡.我諗可能係我插草時弄傷了吧...不過而家真係有d後悔呀..我同一缸又養燈又養短鯛, 有陰草又有陽草... 光照似乎過強, 攪到d短鯛淡哂色...又怕d陰草頂唔住咁強既光照... 唉!! xx( p.s. 等我搬定再搵你飲茶啦....:):):) | |
| 回覆： [求救] 水似乎有點問題.... | Copy to clipboard |
|
Posted by: mareal Posted on: 2004-08-31 10:40 其實都冇話 O 唔 OK o既, 盡量留番少 D 水, 出事o既機會就梗係少 D 啦, 你個方法都好 OK 丫.;) 液肥我就聽講有隻叫 TMG o既幾好, 全名叫 "Tropica Master Glow", Tropica 出品, 有保證, 事實上好多草友都話OK. 我都諗住買, 如果你又買不如兩份試下先, 因為佢一枝冇記錯有成 500 ml, 分兩隻包裝, 一隻就係原裝($150), 另一隻就係水x店o係一枝大用綠茶樽分裝幾樽($100). 都係 500 ml 一枝, 綠茶樽裝有人試過冇問題, 我都想試下. TMG 係一隻綜合液肥, 即係乜都有, 說明就話落左 TMG 連鐵肥都唔駛落, 不過落唔落其他就隨你[$#21867]. 又陰又陽, 又燈又鯛, 解決方法好簡單, 等你搬完屋開個大陽性草缸, 淨養燈魚, 個細缸咪留o黎做陰性草缸, 淨養鯛魚, fit 到痺, 我都係咁...... 哈哈哈..............:D | |
即時聊天廣播.
All Rights Reserved.
[Processing Time] User:0.5, System:0.07, Children of user:0.01, Children of system:0.02
請大家技持更換新主機啦, 多謝!